Nehemaea 12:29 - Buka Blahi Ka Cheke Holo

²⁹ nei Bet-Gilgal, nei Geba, nei Asmavet. Mae te au ka kwaea na igre neke ei namono ikodi faligohoni Jerusalem, mala tangomana mare te au namo ka Sugablahi igne.

Nehemaea 12:29 ပူးပေါင်းရင်းမြစ်များ

Nehemaea 11:31

Keha naikno ka vikegna mae Benjamin igre au ka namono Geba, nei Mikmas, nei Ai, nei Betel baludi namono ikodi te au rhegnai.

Esra 2:24

Asmavet: 42.

Ululahu Kronikols 6:60

Eghuteuna mare jaola ne tufa keha namono te au ka nodi vido glose vikegna mae Benjamin na igre: Gibeon, Geba, Alemet, Anatot baludi glose te au faligohodi namono igre. Mare ne tufa nabotho thilo namono ka vikegna mae Kohat, mae ihei teke karha ka vikegna mae Eron.

Josua 10:43

Aonu mae Josua balu nogna armi na neke kafe figri Gilgal.

Josua 5:9

Lord ne cheke eghu ka mae Josua, “Gognarona, iara na hata fadelei mamaja teke au ka ghotilo funu ka narane teke au sneka ghotilo Ijep tifa ia.” Naugna igne, mare kiloni namono igne Gilgal, gaoghathogna na, “Hata fajifla,” eghuteuna nangha igne au ngala ghilei mei posa ka narane gognarogne.

Diutronomi 11:30

Phei thogele igre au ke kasa Khoꞌu biꞌo Jordan, ka nodi glose vikegna Kenan te au ka glogu Khoꞌu biꞌo Jordan. Phei thogele igre au rhegna nabrou te mala tei salaꞌu ke mosu gaju blahi More, rhegna namono Gilgal.

Nehemaea 12:28

Mae Livaet te koje ka Sugablahi na igre mare au ka namono rhegna Jerusalem, mare jaola mei ka narane biꞌo igne. Mare mei funudi ka namono rhegna Netofa,

Nehemaea 12:30

Aonu mae pris nei mae Livaet teu igre ne fagaedi thedi ka tathagna God, eghuteuna ke leghugna igne, naiknogna namono na, nei gringni thina na, baludi grengatha re mala jaola gae ka tathagna God.

Nehemaea 13:10

Iara jaola nomhidi mae Livaet nei mae mala koje ka nogna Sugablahi God na teu igre jifla Jerusalem neke figri ka namonodi re mala loku ka nagare, naugna naiknore theome tufa ghedi gano mare.

Nehemaea 7:28

Bet-Asmavet: phiatutu phei.

Nehemaea 7:30

Rama nei Geba: namno gobi varadaki kaisei.