Nehemaea 12:27 - Buka Blahi Ka Cheke Holo

²⁷ Kate tarabana ghehati te mala fablahi gringni gna namono biꞌo Jerusalem gne teuna, mare tei ne hirodi hatimare mae Livaet ka namonodi re, mala mei Jerusalem ka narane biꞌo igne. Mare mei mala koje kilo fnakno nei mala koje ka simbol nei ka thua nafnata gita.

Nehemaea 12:27 ပူးပေါင်းရင်းမြစ်များ

Ululahu Kronikols 15:16

Eghuteuna mae Devet ne cheke ka mae funeidi mae Livaet igre mala vavahi keha mae mala koje ka gita, ka babuban, ka khodili nei ka sesele, fagaglanagna nodi glealeꞌa na kate pala te mei mare Bokis Blahi igne.

Fapea Kronikols 29:30

King Hesekaea baludi nogna goro mae biꞌore ne chekedi hatimare mae Livaet mala kojeni khoje teke rioriso King Devet ghe Profet Asaf. Aonu mare ne glealeꞌa fara te cheke fakelini Lord ka khoje igre, eghuteuna mare ne theome gnafa te pogho soru nei cheke fakelini Lord.

Fapea Kronikols 5:13

Eghuteuna kate koje teu mae te mala koje gre, hatimare mae pris gre ifu ka trampet, eghuteuna keha maere mare lalahu ka simbol nei ghita. Nodi khoje mare igre famane fara fanomhodi re. Mare koje mala kilo fnaknoni Lord, ne cheke eghu: “Lord thofno keli fara, eigna Mana ghatho ghita fabrahu.” Aonu kaisei khoveo mei ne fodu ka Sugablahi na,

Ululahu Kronikols 15:28

Aonu naiknodi Israel te gnafa igre hata ne haghe Jerusalem nogna Bokis Nhaꞌa Cheke Lord na, mare ne eha fabiꞌo ne glealeꞌa fara. Eghuteuna mare kufli nei lalahu babuban nei lalahu thua nafnata gita.

Diutronomi 20:5

“Aonu mae biꞌore ginauna cheke eghu ka mae soldiare, ‘Jame kaisei mae ka ghotilo horo kaisei suga majaghani, mare theome fablahi nga meu suga igne, te eghuna, mana ke pulo au tagna. Glahu lehe mana ka magra eghuteuna keha maei na teke fablahi teke au tagna na.

Ululahu Kronikols 15:12

Mana ne cheke eghu ka mare, “Ghotilo mae funeidi hatimare mae Livaet ra. Ghotilo baludi mae kherami are mala fagae ghami themi ka tathagna Lord. Naugna ghotilo tangomana pala te mei nogna Bokis Blahi Lord nodi God mae Israel igne ka vido tela tarabanahi iara ia.

Ululahu Kronikols 15:4

Eghuteuna mae Devet jaola ne kilo fodudi hatimare mae pris ka vikegna mae Eron, nei keha mae Livaet langau eghu.

Thakle 5:8

Eghuteuna kate hata mae Lam pepa na, fati glepo te karha gre baludi hatimare varadaki fati mae biꞌo ka khiloaure mare ne pogho soru ke ulugna mae Lam ne kilo fnaknoni mana. Mare te gnafa na kafe hata gita biꞌo mala koje nei dis teke hohoro ka gol te fodu ka insens. Dis igre nodi tharai iheire te fatutuani ni God re.

Filipae 4:4

Gleale'a koba balugna noda Lord. Uve, iara nake fapea chekei ngala ka ghotilo, gleale'a!

Nodi Khoje Hatimare Mae Jiu 149:3

Tahati ragi balu kilo fnaknoni nanghagna mana na, tahati belo balu gita mala kilo fnaknoni mana.

Nodi Khoje Hatimare Mae Jiu 30:1

Lord, iara ginauna cheke fakeli nigho eigna iagho neke hata fapulo ghauhi iara ka glehe. Naugna iagho ne theome snakredi nogu naoka iara gre mala gleale'ani glehegu iara na.

Nehemaea 11:20

Eghuteuna keha naiknodi Israel baludi keha mae pris nei mae Livaet eghu mare ne au ka nodi vido tharakna ka namono Juda, ka glose te khotogna thedi.

Nehemaea 8:17

Eghuteuna naikno teke pulo mei funudi Babilonia igre ne horo nodi grorofe ikodi ne au tadi. Funu ka naranegna mae Josua thugna mae Nun te mei posa ka narane igne, vikegna Israel igne theome eni narane biꞌo igne. Eghuteuna mare te gnafa na ne thofno glealeꞌa fara.

Esra 6:16

Mae pris baludi mae Livaet nei keha naiknodi Israel eghu iheire teke pulo mei funudi Babilonia, mare ne fablahi nogna Sugablahi God igne. Naiknore ne thofno glealeꞌa fara, eghuteuna mare ne ei gaghamu ka narane biꞌo igne.

Fapea Kronikols 7:6

Ka narane tuana hatimare mae pris ne kegra haghe ka nodi vido na ne kufli ka glepo te kiloi trampet. Ka keha phile na hatimare mae Livaet, mare kegra haghe ka nodi vido na ne koje ka gita nei ifu ka glepo teke edi mae King Devet re. Mare ne koje eghu, “Lord na ghatho tahu ghita fabrahu!” Naiknore ne kafe kegra haghe.

Ululahu Kronikols 26:31

Ka narane tuare, mae Jeria teke lida ka tothoghei tharaknagna mae Hebron. Eghuteuna ka phiatutu finogha te king mae Devet igre, nogna mae gloku mana re neke filo fapulo ka susureidi tharaknagna mae Hebron, eghuteuna mare ne filoni mae Jeria au baludi mae te thofno keli fara ka namono Jasa ka provins Gilead.

Ululahu Kronikols 23:5

Eghuteuna fati thogha mae mala reireghigna Sugablahi. Eghuteuna fati thogha mae mala cheke fakelini Lord ka thua nafnata khoje mala cheke fakelini nanghagna Lord. Iara neke edi thua nafnata khoje igre neke tusu lao ka mare.”

Ululahu Kronikols 16:42

Mae Heman ghe mae Jedutun phia mae igre mala fiofilodi mae iheire te kufli nei lalahu babuban, nei keha nafnata khoje te mala cheke fakelini God. Eghuteuna mae ka vikegna mae Jedutun igre mare reireghini grengathagna vido blahi igne.

Ululahu Kronikols 16:5

Mana ne vahini mae Asaf mala nodi mae funei mare mala lida ka tharai nei ka khoje. Mae Sekaraea te fapea ka mana na. Nanghadi mae iheire te mala lalahu gita re igre: Mae Jeiel, mae Semiramot, mae Jehiel, mae Matitaea, mae Eliab, mae Benaea, mae Obed-Idom, nei keha Jeiel. Mae Asaf jaola mae mala koje ka babuban.

Ululahu Kronikols 13:8

Eghuteuna mae Devet baludi kmana naikno di Israel, mare nolo ne tei balu ragi fara nei koje fabiꞌo eghu mala cheke fakelini nanghagna God. Eghuteuna mare ne lalahu ka thua nafnata gita, nei nifu, nei belo nei sesele.

Fapea Samuel 6:12

Aonu mae Devet nomhini Lord te thofno fablahini tharaknagna mae Obed-Idom, nei nodi gobigna lepo fateote'o, naugna Bokis Blahi igne ne au ka suga gna mana. Aonu mae Devet tei ka suga gna mae Obed-Idom igne ne hata Bokis Blahi na ne tei Jerusalem. Eghuteuna mana baludi naiknore ne kafe gleale'a fara.

Diutronomi 16:11

Ghotilo balu thumi, nomi mae gloku nei gaꞌase gloku, nei mae Livaet ka namonomi ghotilo ra, maedi delei te au balumi ghotilo ra, goro sua glehe kokoi ra, goro naikno biꞌo ra, ghotilo te gnafa na kafe tei mala glealeꞌa ka vido blahi aheva Lord teke vahini te mala au nanghagna na.

Ululahu Kings 8:63

Mare ne falelehe varadaki phei thogha buluka nei kaisei gobi varadaki thogha sipu mala fafara, fagaglana gna te au fakeli mare balugna Lord. Ka puhi igne, king baludi naiknore ne fablahi nogna Sugablahi Lord na.

Fapea Kronikols 29:25

Ke leghu na, King Hesekaea chekedi mae Livaet mala hata nafnata gita nei belo eghu te au ka Sugablahi na leghuni nogna vetula Lord teke chekeni King Devet nei profet Gad, nei profet Natan.

Nehemaea 12:43

Ka narane igne, ghehati neke edi kmana fafara, eghuteuna ghehati te gnafa na thofno glealeꞌa fara, naugna God neke faglealeꞌa ghami ghehati. Goro gaꞌase nei goro sua teure jaola ne glealeꞌa, eghuteuna ghehati te gnafa na glealeꞌa ne uareghe tongana, iheire te au teu deleire tangomana te nomhi ghami ghehati na.