Nehemaea 12:26 - Buka Blahi Ka Cheke Holo

²⁶ Mae igre neke loku kani teke mae pris biꞌo teku mae Joeakim thugna mae Jesua, gragna mae Josadak, nei ka narane teke gavana mae Nehemaea, nei ka narane gna Pris Esra, mae ihei teke velepuhigna nogna Vetula God.

Nehemaea 12:26 ပူးပေါင်းရင်းမြစ်များ

Nehemaea 8:9

Kate nomhidi naiknore cheke ka Vetula na igre, mare diꞌanagnafa ne tanhi fabiꞌo. Nu iara mae Nehemaea gavana gna Juda balugna Pris Esra nei mae Livaet mae iheire te toghodi naiknore te mala laseni Vetula igne, ghehati ne cheke eghu ka naiknore, “Narane igne blahi fara ka Lord noda God. Eghume ghotilo thosei diꞌanagnafa nei tanhi eghu.”

Esra 7:11

Igne letas teke tusu lao King Atasekses ka Esra na, eigna mae Esra gne kaisei mae pris nei kaisei mae velepuhi eghu, eghuteuna mana thofno lase fakelidi vetula nei cheke teu teke tusu lao Lord ka naiknodi Israel igre. Letas igne neke cheke eghu:

Esra 7:6

Pris Esra neke pulo mei funu Babilonia. Mana kaisei mae velepuhi te laseni fara Vetula teke tusu lao Lord nodi God mae Israel ka mae Moses tifa ia. Ka fafitu finogha te funei fruni King Atasekses Pesia igne, Esra neke tarabana kaisei tothoghei biꞌo gna Israel mala batudi ke pulo Jerusalem. Naugna Lord nogna God mana igne fablahini mana, gobigna lepo te toredi mana ka king re, king igne tusu lao ngala ka mana. Ka tothoghei igne, au mae pris nei mae Livaet, nei mae kwaea, nei mae greireghi, nei mae gloku, mae igre mala loku ka Sugablahi.

Fapea Kronikols 9:26

Mana funei frunidi hatimare mae king funu ka khoꞌu biꞌo ke raru Khoꞌu biꞌo Iufretis tei posa ke mosu Filistia, eghuteuna tei posa ka nohi ke mata Ijep.

Nehemaea 8:1

Kate namo thoke ka fafitu nhigra ka finogha igne, vikegna Israel igne neke au fakeli ka nodi namonore. Ka narane tuana naiknore ne mei Jerusalem ne khapru ka glalaba biꞌo ke ulugna Grengatha Mala Hata Khoꞌu igne. Mare ne kilo meini Pris Esra, mae ihei te mae velepuhigna Vetula teke cheke mei God ka mae Moses mala leghuni naiknodi Israel, eghuteuna mare toreni mae Esra mala hata mei buka gna Vetula igne.