Nehemaea 11:30 - Buka Blahi Ka Cheke Holo

³⁰ nei Sanoa ghe Adulam baludi namono ikodi te au rhedi phei namono biꞌo igre, nei Lakis baludi glose te au rhegnai, nei Aseka baludi namono ikodi te au rhegna namono biꞌo igne, eghuteuna namono te au tharaknagna mae Juda tadi re, funu ke mata namono Bereseba tei posa ke raru Glogu Hinom.

Nehemaea 11:30 ပူးပေါင်းရင်းမြစ်များ

Josua 15:8

Nohi igne haghe doglo leghuni glogu Hinom tei ke mata besi thogele Jerusalem, igne nodi namono vikegna mae Jebus. Nohi igne haghe holo ka thogele fei glogu Hinom te au ke mosu, rhegna glogu ke raru Refaem.

Josua 10:3

Aonu king Adonisedek ne fatei cheke ka mae Hoham king gna Hebron, nei ka mae Piram king gna Jamut, nei ka mae Jafia king gna Lakis, nei ka mae Deba king gna Eklon.

Profet Maeka 1:15

Ghotilo naiknomi namono Maresa! Na theome raugha Lord ginauna snakredi nomi naoka ghotilo ra mala mei atha nomi namono. Eghuteuna lidadi Israel igre ginauna rikha tei poru lamna gluma rhegna namono Adulam jateula teke eni King Devet tifa ia eghu.

Profet Jeremaea 32:35

Mare horo nogna olta god Baal ka glogu Hinom, eghuteuna mare ne gahu thudi nalhaꞌu nei thudi gaꞌase teure mala fafara ka god Molek. Nu iara neke theome chekedi mare te mala eni puhi igne na. Nafnata puhi te eni mare te thofno diꞌa fara igne mala batudi naiknodi Juda igre mala snoꞌo ka nakhibo, eghuteuna nafnata glepo igne neke theome jifla mei ka gaoghathogu iara.”

Profet Jeremaea 19:6

Naugna igne, naiknore ginauna theome kiloni vido igne, Tofet ba Glogu Hinom, nu mare ginauna kiloni Glogu Mala Falehe Naikno.

Profet Jeremaea 19:2

Eghuteuna ghotilo jifla ka grengathagna namono biꞌo Jerusalem te kiloi mare, Grengatha Naphosa Suspen Glose igne mala soru ka glogu Hinom. Ka vido igne iagho ginauna toutonu ka mare cheke teke tusu ari iara ka iagho ra.

Profet Isaia 37:8

Mae komanda gna Asiria igne laseni tela jiflahi nogna king na Lakis te tei magra ka namono Libna, aonu mana jifla Jerusalem ne tei Libna mala filoni king gna Asiria.

Nehemaea 3:13

Mae Hanun baludi maegna ka namono Sanoa igre mare babana fapulo Grengatha Glogu na. Mare famaku lao phei bobotho biꞌo, eghuteuna mare jaola lilisei aean ka phei bobotho igre, eghuteuna mare jaola hata thaba biꞌo mala bibilakhidi phei bobotho ka grengatha igne. Mare jaola loku keha vidogna gringni thina igne. Brahugna vido gringni thina igne, te tei posa ka Grengatha mala Koko Chara na glima gobi mita.

Fapea Kings 23:10

King ne thofno goigoni fara kaisei vido blahi te mala pogho soru mare na jare ka namono Tofet ka glogu Ben-Hinom mala theome tangomana naiknore te gahu thudi re ka khaꞌaghi te fafara ka god Molek.

Josua 18:16

Eghuteuna ke soru paka ka pesigna thogele ke raru glogu Refaem aheva glogu Hinom eghuteuna tei salaꞌu ka keha phile namono Jebus eghuteuna tei posa ke mata glokha khoꞌu En-Rogel.

Josua 15:39

nei Lakis, nei Boskat, nei Eglon,

Josua 12:15

Libna ghe Adulam,

Jenesis 21:14

Hamerane boibongi ka keha narane na, mae Ebraham ne hata keha gano nei keha khoꞌu eghu ne lao ka Hega ne kuru jiflani balugna thugna na ne nolo tafri ke lamnagna namono nagou Bereseba.

Jenesis 25:16

Aonu nanghadi thugna nalhaꞌu mae Ismael igre neke fangangha ka nodi namono ba nodi vido glose teku te tei au soru mare na. Eghuteuna mare neke jaola neke phaꞌudi nabotho phei vikere.

Nehemaea 11:29

nei En-Rimon, nei Sora, nei Jamut,

Nehemaea 11:31

Keha naikno ka vikegna mae Benjamin igre au ka namono Geba, nei Mikmas, nei Ai, nei Betel baludi namono ikodi te au rhegnai.