Nehemaea 10:38 - Buka Blahi Ka Cheke Holo

³⁸ Kate tei mae Livaet igre te mala salo fabothodi igre, kaisei mae pris ka tharaknagna mae Eron igre ginauna tei baludi mare. Eghuteuna mae Livaet igre ginauna jaola tei hata mei kaisei vido ka fabothodi nodi glepo re, eghuteuna mare hata glepo igre tei lilisei ka choghogna nogna Sugablahi God na, ka vido aheva te lilisei mare keha glepo blahi te mala loku ka Sugablahi na.

Nehemaea 10:38 ပူးပေါင်းရင်းမြစ်များ

Ululahu Kronikols 9:26

Nu fati mae Livaet te batudi mae mala reireghi igre, mare mala fiofilodi chogho te au ke lamnagna nogna Sugablahi God na, eghuteuna mare jaola fiofilodi glepo te lilisei hatimare mae pris ka chogho igre.

Levitikas 27:30

“Eghuteuna ka gano te gnafa teke hata ka nomi nagare ghotilo re, ba ka nomi gaju ghotilo re, ghotilo mala tusu mei kaisei ka fabothodi glepo te gnafa tuare ka iara. Kaisei ka fabotho igne blahi nei nogu iara Lord.

Naba 15:19

‘Kate ghanodi ghemi gano ka thobire, ghotilo ginauna fafara mei keha gano te kulu ghano re ka iara. Eghuteuna kate kuki ghotilo ghemi bret re, ululahu bret te kulu fa muita ghotilo re ginauna jaola fafara mei ka iara. Ghotilo ginauna fafara mei bret igre ka iara jateula teke fafara mei ghotilo ghemi gano ka thobi ra eghu.

Naba 15:21

Eghume ghotilo te gnafa ginauna leghuni vetula te mala fafara mei gano ka iara igne.

Naba 18:21

Lord ne cheke eghu ka mae Eron, “Nodi fafara naiknodi Israel te tufa igre, iara ginauna tufa tei ka vikegna mae Livae. Igne jateula te folidi eghu mare naugna mare reireghini Suga Tapuale te Blahi na.

Naba 18:24

Naugna fabothodi unha te atha te mei naiknodi Israel te tusu mei jateula fafara teu ka iara Lord, iara la tusu laohi ka vikegna Livae mala khotogna mare. Eigna iara la chekenihi te vikegna Livae igne theome tangomana te khotogna kaisei vido glose ka nomi glose ghotilo naiknomi Israel.”

Diutronomi 14:22

Mae Moses tudu ne cheke eghu, “Ghotilo lisei fadelei fabothodi gano teke hata ghotilo ka nomi nagare are, ba sisidi gaju te joꞌu ghotilo are, ghotilo lisei fadelei malagna Lord.

Nehemaea 13:31

Iara chekedi naiknore mala hata mei gaju mala gahu fafara ka soasopai narane ka finogha na mala loku mae igre. Eghuteuna iara chekedi naiknore mala hata mei gano saro ulu ka nodi nagare re, mala fei ghedi mae pris nei mae Livaet nei keha glepoi langau eghu te nabadi mare. Nogu God, ghatho ghau nei keli ranghi ghau eghu.