Nehemaea 10:32 - Buka Blahi Ka Cheke Holo

³² “Leuleghu finogha na ghehati te gnafa na ginauna tusu lao katha vido silva mala foli glepo mala ke eni fakeligna nogna Sugablahi God.

Nehemaea 10:32 ပူးပေါင်းရင်းမြစ်များ

Jenesis 28:22

Thina te fakegra haghe iara igne mala sugamu iagho. Eghuteuna glepo teke tusu mei iagho ka iara igre, iara ginauna na edi nabotho bukrei, eghuteuna kaisei bukrei na iara nake tusu ari ka iagho.”

Fapea Korin 8:12

Te magnahaghei tufa ghotilo na, God ginauna gleale'a fara ka unha te tufa ghotilo na. Theome unha te theo ka ghotilo na.

Proveb 3:9

Ghatho tahuni Lord ka nou dedei, nei ka gano saro ulu ka nou nagare na.

Eksodas 23:11

Nu ka fafitu finogha na, ghotilo thosei joꞌu gano. Unha teke kotu haghe jare na, tuare lisa lao ka naikno te kuma re mala atha ima ghedi, eghuteuna lisa lao ka buluka mala ghamu ghedi unha te salaꞌui re eghu. Jateula tuana eghu ngala ghotilo nagare waen nei oliv teure.

Ululahu Kronikols 26:27

Kate uluni mae soldia gre u magra na, mare hata kmana glepo te keli ka mae naoka re, eghuteuna mare hata ne mei glepo igre ne tusu lao ka God, mala tangomana mare te loku ka nogna Sugablahi Lord.

Nehemaea 5:10

Iara baludi mae kheragu nei nogu mae gloku teu gre, ghehati jaola ne tufa sileni nei gano eghu ka naiknore, eghuteuna thogheiro naiknore nake foli fapulo glepo igre. Nu ghotilo thosei ke hata nodi nagare nei thudi teu naiknore!

Nehemaea 9:14

Iagho farirhiudi eigna nou narane Sabat blahi, nei vetula nei cheke eghu teke tusu lao iagho ka nou mae gloku Moses mala lase fakelini naiknore puhimu iagho na.

Nehemaea 13:15

Ka narane tuare iara filodi naiknodi Juda igre loku ka narane Sabat. Keha naiknore hata grep, eghuteuna tapla ke klignadi mala ei waen. Eghuteuna kehare mala hata mei gano nei waen, nei grep, nei fig, nei keha soasopai glepoi eghu, eghuteuna lilisei ke kligna dongki mala hata tei Jerusalem mala foli. Naugna igne, iara ne cheke faheta eghu ka mare, “Ghotilo thosei foli glepo tuare ka narane Sabat!”

Nehemaea 13:18

Tifa na kuꞌeda tahati ra neke enila nafnata puhi igne, eghuteuna God neke diꞌatagna fara ka mare neke goigoni namono igne. Gognarona ghotilo la eni puhi igne eghuteuna God thono diꞌatagna fara ka tahati.”

Nehemaea 13:21

Iara filodi mare ne cheke faheta eghu ka mare, “Naugna unha si ghotilo te mei thuru ka vido igne ka narane Sabat gnea? Tei nomi. Jame teke pulo mei ghotilo jateula igne teuna, iara ginauna brue tei ghami ghotilo ka vido igne.” Funu ka narane igne, mare neke theome pulo mei ka narane Sabat na.