Nehemaea 10:30 - Buka Blahi Ka Cheke Holo

³⁰ “Ghehati nhaꞌa cheke mala theome snakredi thumi gaꞌase gre mala tolaghi ka mae nalhaꞌudi keha kantri te au faligoho ghami igre. Eghuteuna ghehati ginauna theome tangomana te hata thudi gaꞌase mare re te mala tolaghi ka thumi nalhaꞌu ghehati gre.

Nehemaea 10:30 ပူးပေါင်းရင်းမြစ်များ

Diutronomi 7:3

Ghotilo mala thosei snakredi thumi nalhaꞌure mala tolaghi ka thudi gaꞌase mare re, eghuteuna thudi nalhaꞌu mare igre thosei mei tolaghi ka thumi gaꞌase ghotilo re.

Eksodas 34:16

Glahu atha ghotilo thudi gaꞌase mare tuare mala tolaghi ka thumi nalhaꞌu re, ka nafnata puhi igre, goro gaꞌase tuare ginauna korho thumi nalhaꞌu ghotilo tuare mala tei koko ghau iara mala tei leghudi nodi god naikno bongihehe igre.

Nehemaea 13:23

Keha glepo te filoni iara ka narane igne. Ulu lahu na, kmana maedi Juda tolaghi ka gaꞌasedi Asdod, nei Amon, nei Moab.

Nehemaea 13:25

Iara cheke faheta ka naikno igre ne kilo mei puhi biꞌo mala thokedi mare. Kehare iara puphuri, eghuteuna kehare iara korho koko khakladire mala mamaja nodi mare. Iara huhurudi mare mala nhaꞌa cheke ka nanghagna God, mala thosei snakredi mare thudi gaꞌasere mala tolaghi ka thudi nalhaꞌu mae bongihehe, eghuteuna mare mala thosei hata thudi gaꞌase naikno bongihehe igre mala tolaghi ka thudi nalhaꞌu mare re.

Nehemaea 13:30

Eghume gognarona iara faklinodi mae pris nei mae Livaet ka tathagna God na eidi gobigna lepo teke theome mei funudi ka God, eghuteuna iara lisa lao ka mare mala eni nodi gloku na.

Diutronomi 29:11

Ghotilo goro gaꞌase ra, goro sua ra, naikno phosa te mala uge nomi gaju nei mala pala khoꞌu mei teu ka ghotilo ra.

Fapea Kings 23:3

Ka narane tuana, king kegra neu rhegna khegra biꞌogna Sugablahi na, eghuteuna mana neke tuthughu majaghani nhaꞌa cheke igne balugna Lord. Mana nhaꞌa cheke ke ulugna mana thofno leghuni Lord kate tajidi nogna vetula nei nogna farirhiu nei nogna cheke teu mana re. Aonu mana ne nhaꞌa cheke mala farerheta nogna nhaꞌa cheke te au ka buka na igne. Aonu naiknore ne jaola ne nhaꞌa cheke te mala leghuni nhaꞌa cheke igne.

Fapea Kings 23:25

Theo kaisei king te keli fara jateula Josia teku tifa na, ba ke leghugna mana na, thono theo fara. Mana thofno ghatho tahuni Lord ka nagnafagna fateote'o, ka gaoghathogna fateote'o, nei nanhetagna fateote'o, jateula te chekeni ka nogna Vetula mae Moses.

Fapea Kronikols 34:31

Ka narane tuana, king ne kegra haghe rhegna kegra biꞌogna Sugablahi na ne nhaꞌa cheke balugna Lord. Mana ne kaisei gaoghatho mala thofno faꞌuveni mana, nei mala leghudi nogna vetula nei nogna farirhiu nei nogna cheke teu mana re. Eghume nhaꞌa cheke te eni mana igne mala farerheta gna nogna cheke nei nogna nhaꞌa cheke teu mana te au ka buka igne.

Nehemaea 5:12

Mae mala baubatu igre ne cheke eghu, “Ghehati ginauna thofno leghudi unha te chekedi iagho are. Gobigna lepo te chekedi iagho igre, ghehati ginauna nake tusu fapulo ka mare, eghuteuna ghehati ginauna thosei ke edi glepo igre.” Eghuteuna iara ne kilodi mae pris mala nhaꞌa cheke mae mala baubatu igre ke uludi mare.

Nehemaea 10:1

Mae ululahu teke rioriso nangha ka pepa igne na: Gavana Nehemaea thugna mae Hakalaea, mae ihei te gavana ka nohi Juda. Eghuteuna ke leghugna mae Nehemaea na, mae Sedekaea mei te rioriso nangha na.

Nodi Khoje Hatimare Mae Jiu 119:106

Iara la nhaꞌa chekehi ka iagho te mala leghudi nou famane cheke re. Eghume iara ginauna theome tangomana te chaichaghi nigho na.