Nehemaea 1:4 - Buka Blahi Ka Cheke Holo

⁴ Kate nomhini iara cheke igne, iara gnokro pari ne tanhi nogu. Ka phei ba thilo narane, iara ne theome ghamu ne diꞌanagnafa nei tanhi neu kolho. Eghuteuna iara ne tarai fabrahu ka God gna kligna,

Nehemaea 1:4 ပူးပေါင်းရင်းမြစ်များ

Profet Daniel 9:3

Iara theome ghamu, aonu iara ne pipichi ka pohe te thona, eghuteuna iara gnokro pari ke kligna nakrofu, fagaglana gna nogu diꞌanagnafa na. Aonu iara tarai ne cheke eghu ka Lord nogu God, “God, iagho nomi funei ghehati. Iagho thofno fnakno fara. Iagho tajini fabrahu nou nhaꞌa cheke teke eni iagho baludi nou naiknore. Eghuteuna iagho namhadi iheire te namha nighore, ba iheire te leghudi nou cheke re.

Nodi Khoje Hatimare Mae Jiu 137:1

Kani au teku Babilon na, ghehati neke gnokro soru pari ka geri khoꞌu na neke diꞌanagnafa kolho. Aonu ghehati fagefe haghe nomi gitare ka grege gajure kligna ne tanhi nomi kolho, naugna ghehati neke ghatho fapulo Saion.

Esra 10:1

Pris Esra tuturupuku soru ke kosigna grengathagna nogna Sugablahi God na ne tarai balu diꞌanagnafa ne tanhi neu, eghuteuna mana ne cheke thakledi nakhibodi naiknodi Israel re. Ka narane igne, kmana nalhaꞌu nei gaꞌase, goro sua eghudi Israel gre mei khapru faligohoni mana, eghuteuna naikno igre jaola ne tanhi fara.

Nehemaea 2:4

King nomhini cheke igne ne ghusna eghu ka iara, “Unha te magnahagheni iagho na mala togho nigho iara?” Aonu iara ghosei ne tarai ka God gna Kligna,

Letas Teke Riso Tei Mae Pol Ka Khiloau Rom 12:15

Ghotilo mala gleale'a baludi iheire te gleale'a, eghuteuna mala tanhi baludi iheire te tanhi.

Profet Sefanaea 3:18

Lord ne cheke eghu, “Iara neke fagnafadihi nomi naꞌau papara, nei hata fadeleihi mamajami ghotilo naiknomi Jerusalem.

Profet Daniel 2:18

Mana ne cheke eghu ka thilo mare, “Tahati na toreni God gna kligna mala kokhoni ghita, nei mala fakakhana mei ranghi ghita mifi igne balu gaoghatho gna na mala theome falehe ghita baludi keha mae glalasedi Babilonia igre.”

Esra 9:3

Kate nomhini igne, iara thono diꞌanagnafagu fara ne rerheku nogu pohe na, eghuteuna iara rarathu khakladi phaꞌugu nei gremohogu teure, aonu iara tei ne gnokro pari naugna iara ne thono faꞌiho ghau fara.

Profet Jona 1:9

Aonu, mae Jona ne cheke eghu ka mare, “Iara kaisei mae Hibru, iara tufru soruni Lord God gna kligna, mae ihei teke vuavuhadi moumolu nei thongna.”

Fapea Samuel 12:16

Aonu mae Devet ne tarai ka Lord mala ke keli fapulo thugna na. Mana ne theome ghamu ba koꞌu, eghuteuna leuleghu bongi na mana ruma ka nogna suga na ne thuru pari ka glose na.

Nodi Khoje Hatimare Mae Jiu 136:26

Tahati cheke fakelini noda God mae ihei te au teu kligna! Mana ne namha ghita tahati tifa tifa!

Profet Daniel 10:2

Ka narane tuana, iara ne diꞌanagnafagu fara ne tanhi nabagna thilo wik.

Fapea Kings 22:19

Iagho neke diꞌanagnafa nei nhaꞌa fapari nigho themu neku ke ulugna Lord kani teke nomhini iagho teke cheke faparini Jerusalem nei naikno gna ra. Iagho neke tanhi ke ulugu iara eidi nakhibomu re, eghuteuna iagho neke rerheku nou pohere kate nomhini iagho eigna namono igne ginauna groꞌe teuna. Tutuani fara, iara la nomhidihi nou tharai ghotilo ra.

Esra 1:2

“King Saeras gna Pesia neke cheke eghu: “ ‘Lord, God gna kligna, mana neke vahi ghau iara mala funei frunidi kantri te gnafa ka nauthoglu igne. Eghuteuna mana neke jaola neke vahi ghau iara mala ke babana fapulo nogna Sugablahi mana igne ka namono Jerusalem, te au ka kantri Juda.

Esra 9:5

Ka grafi te fafara igne, iara theome keli gaoghathogu na ne fahaghe neu ngala pohe teke rerheku iara ia. Iara kegra haghe ka vido aheva teke diꞌanagnafa iara na, aonu iara tuturupuku soru pari ne ngafa haghe khamegure ka nogu God kligna,

Nehemaea 2:20

Aonu iara ne cheke eghu ka thilo mare, “God gna Kligna ginauna togho ghami ghehati mala loku fagnafa gloku igne. Ghehati nogna mae gloku mana gre kolho nate fufunu gloku igne mala ke babana fapulo gringni thina gna namono igne. Nu ghotilo theome naiknomi Jerusalem, eghume ghotilo theo nomi nolaghi te mala cheke eigna igne.”

Nodi Khoje Hatimare Mae Jiu 102:15

Naikno te gnafa ka kantri te gnafa igre ginauna ghatho tahuni Lord. Uve, hatimare mae king ka nauthoglu na gre ginauna na jaola fafnaknoni mana eigna nogna nolaghi biꞌo na.