Naba 9:6 - Buka Blahi Ka Cheke Holo

⁶ Nu ka vido tuana, keha naiknore theome gae ka tathagna Lord na naugna mare neke habo ka thinidi naikno te lehe re, eghume theome tangomana mare te au ka gaghamhu ka narane tuana. Aonu mare tei ka mae Moses ghe mae Eron, ne cheke eghu ka phiamare,

Naba 9:6 ပူးပေါင်းရင်းမြစ်များ

Eksodas 18:15

Mae Moses ne cheke eghu ka mana, “Iara eni igne naugna naikno gre magnahaghei te laseni unha God te magnahaghei eni mare na.

Naba 19:16

“Eghuteuna jame kaisei mae haboni thinigna mae teke lehe ka magra na, ba ka keha glepo are, ba ka nhubradi naikno te lehe, ba tei habo ka bekugna mae te lehe na, mae tuana jaola theome klino nabagna fitu narane ka tathagu iara na.

Naba 19:11

Lord ne cheke eghu, “Mae iheire te habo ka thinidi naikno te lehe re, mare theome klino ka tathagu iara na nabagna fitu narane.

Naba 5:2

“Cheke ka naiknodi Israel mala kuru fajifladi iheire naikno te au khabru ka guli, ba khabru te jifla glotho, ba iheire te habo lao ka thinidi naikno te lehe ka namono igne.

Jone 18:28

Aonu, hamerane boibongi, hatimare mae Jiu hatani mae Jisas funu ka sugagna mae Kaefas na ne tei ka sugagna mae Paelat mae gavana gna Rom. Eghuteuna, goro mae biꞌodi hatimare mae Jiu ne theome ruma lamna ka suga na. Naugna mare magnahaghei blahi teu te ghilei thokei narane Gaghamu Ghasa-Polho na.

Naba 19:18

Eghuteuna mae te klino ka tathagu iara na, mana ginauna atha khakla gna gaju hisop, eghuteuna fa boubothu ka khoꞌu mala fuafusa ka suga tapuale na baludi keha glepo te au lamna re nei ka naikno teu te au jare re. Mana jaola mala fuafusa ka mae iheire teke habo ka nhubradi naikno te lehe, ba ka beku, ba ka thinigna mae te lehe na, naugna mana ne theome klino.

Eksodas 18:26

Eghuteuna leuleghu fata na mae igreu ngala te mala athagna u kot na. Mareu te mala fadoglidi puhi fapholai te bligi re, nu atha lao ka mae Moses puhi fapholai te biꞌo re mala fadoglidi mana.

Eksodas 18:19

Fanomho sagho ka unha te chekeni iara ka iagho igne. Jame te leghuni iagho unha te chekeni iara ka iagho igne na, God ginau na au balumu iagho. Iaghou ngala jame te mala atha lao ka God nodi cheke naiknore. Iagho mala atha lao ka mana nodi magra fapholai teu naiknore.

Naba 27:5

Aonu mae Moses tei ne facheke nodi gaoghatho reꞌe re ka Lord.

Naba 15:33

Aonu mare atha ne meini mana ka mae Moses ghe mae pris Eron, nei keha naikno te au ka vido tuana.

Naba 9:7

“Ghehati gne theome gae ka tathagna Lord na naugna ghehati neke habo ka thinidi naikno te lehe re. Ba, theo keha puhi te tangomana ghehati te eni gaghamhu nei fafara ka Lord teuna?”

Naba 19:14

“Igne vetula te mala leghudi ghotilo kate lehe kaisei mae ke lamnadi nomi suga thapuale re. Eghuteuna mae iheire te au ka suga thapuale tuana nei iheire te jugru mei teu lamna re, mare theome klino ka tathagu iara na nabagna fitu narane.