Naba 9:19 - Buka Blahi Ka Cheke Holo

¹⁹ Eghuteuna neubane au fabrahu neu gromno na ke kligna gna suga thapuale na, mare jaola au fabrahu ka namono tuana, ne theome tangomana te jifla na.

Naba 9:19 ပူးပေါင်းရင်းမြစ်များ

Profet Sekaraea 3:7

“Lord mae ihei te au nolaghi fateote'o igne ne cheke eghu, ‘Jame te leghuni iagho puhigu iara te doglo gne nei faꞌuvedi iagho nogu vetula iara gre teuna, iara ginauna snakre nigho iagho mala reireghini nogu Sugablahi iara gne baludi glalaba blahi te lithuini. Eghuteuna iara ginauna togho nigho iagho mala au nou nolaghi iagho te mei kegra ke ulugu iara, jateula iheire te kegra fabrahu ke ulugu iara igre eghu.

Naba 3:8

Leuleghu fata na mare mala fiofilodi gobi lepo te au ka nogu Suga Tapuale te blahi iara na, eghuteuna ghotilo jaola edi gloku teke chekedi iara ra eghu.

Eksodas 40:37

Nu jame grokho igne toku tafruni fabrahu Suga Tapuale te Blahi igne, naiknore na au kolho ghilei thokeni narane grokho igne teke haghe na.

Levitikas 8:35

Bongi narane na, ghotilo mala au fabrahu ka grengathagna Suga Tapuale te Blahi na, ghilei thokeni fitu narane, eghuteuna ghotilo mala edi fabrahu glepo teke chekedi Lord re. Jame te theome eni ghotilo igne na, ghotilo ginauna lehe, naugna igne unha te chekeni Lord ka iara na.”

Naba 9:18

Leghu fata kate cheke Lord mala tei mare teuna, mare atha nodi suga thapuale thedire ne tei. Eghuteuna kate cheke mana mala au mare ka kaisei vido teuna, mare jaola edi haghe nodi namono ka vido tuana. Kate theome thugha gromno igne te au teu ke kligna gna suga thapuale na, mare jaola au kolho ka namono tuana.

Naba 9:20

Keha fatare, gromno igne au fabrahu jare nabagna phei ba thilo narane, nu mare leghuni koba unha te chekeni Lord na theome ke jifla kokoni vido tuana.