Naba 9:14 - Buka Blahi Ka Cheke Holo

¹⁴ “Eghuteuna jame kaisei mae phosa au balumi ghotilo, eghuteuna mana magnahaghei te eni Gaghamhu Ghasa-Polho balumi ghotilo, mana ginauna mala leghudi bukrei vetula re. Nu neubane mae phosa ba kaisei naikno ka ghotilo neu, ghotilo te gnafa na mala leghuni kolho kaisei vetula.”

Naba 9:14 ပူးပေါင်းရင်းမြစ်များ

Levitikas 24:22

Eghuteuna neuba mae igne ne ka tharaknamu ghotilo, ba mae phosa au balumi ghotilo, vetula igne malami ghotilo hui, naugna iara Lord, nomi God ghotilo.”

Diutronomi 31:12

Ka narane tuana, mae nalhaꞌu nei goro gaꞌase teura mala kafe mei, eghuteuna goro sua nei naikno phosa teu te au balumi ghotilo ra jaola kafe mei, mala tangomana mare te kafe nomhini vetula igne. Ka nafnata puhi igne, mare tangomana te laseni puhi te mala ghatho tahuni Lord nomi God. Eghuteuna mala tangomana mare te thofno leghudi cheke te gnafa te au ka vetula igne.

Diutronomi 29:11

Ghotilo goro gaꞌase ra, goro sua ra, naikno phosa te mala uge nomi gaju nei mala pala khoꞌu mei teu ka ghotilo ra.

Levitikas 25:15

Te eghuna, ghotilo mala ei praes gna glose na mala horoghoto ka nabadi finogha glose igne tangomana te tusu lao gano ka mae ihei teke foli na, ghilei thokeni finogha glose tuana na teke snagla na teke pulo ka mae ihei teke kulu khotogna na.

Levitikas 22:25

Ghotilo theome tangomana te hata nafnata glepo tautagu igne ka ihei te theome naikno gna Israel, ghotilo thosei fafara glepo igne jateula gano blahi eghu ka iara. Nafnata glepo tautagu igne theome naba nei au thona ka thinigna na, eghume iara theome gleꞌani nafnata fafara igne.”

Levitikas 19:10

Eghuteuna ghotilo thosei ke figri ka nagare grep ghotilo ra mala ke salo sisi teke lilisei ghotilo ra, ba mala ke sene haghe sisi teke khoko ra. Ghotilo mala lisa lao glepo igre maladi iheire te kuma nei naikno phosa te au balumi ghotilo igre. Iara Lord, nomi God ghotilo.

Eksodas 12:43

Eghuteuna Lord ne cheke eghu ka mae Moses ghe mae Eron, “Igne u vetula eigna u Gaghamu Ghasa-Polho na. “U Gaghamu Ghasa-Polho igne malami ghotilo kolho theome maladi keha naikno delei.

Eksodas 12:47

Vike te gnafa Israel igre mala kafe au ka gaghamu igne.

Naba 15:15

Ka tathagna Lord na, ghotilo te gnafa na kaisei nanaba gnafa ngala, neubane mae gna Israel ba mae phosa kolho, vetula gna fafara igne ginauna au fabrahu ka ghotilo gnafa.

Naba 15:16

Eghume ghotilo naiknomi Israel nei mae phosa teura, vetula igne kolho mala leghuni ghotilo na.’ ”

Esra 6:21

Eghume naikno Jiu teke pulo mei funudi Babilonia igre, mare ne kafe ghamu nafnahi gna fafara Ghasa-Polho igne. Eghuteuna naikno teke au faleghu teku, nu theome magnahaghei leghudi puhi te diꞌa te edi naikno bongihehe te au faligohodi teu mare igre teure, mare jaola ne mei mala tufru soru ka Lord, nodi God mae Israel, eghuteuna mare te gnafa na ne kafe ghamu ka fafara igne.