Naba 8:13 - Buka Blahi Ka Cheke Holo

¹³ Ka puhi igne iagho ginauna fakegradi vikegna mae Livae gre jateula kaisei nafnata fafara ka iara Lord eghu, eghuteuna mae pris Eron baludi phei thugnare eghu te mala fiofilodi kate loku mae Livae gre.

Naba 8:13 ပူးပေါင်းရင်းမြစ်များ

Naba 8:21

Eghuteuna vikegna mae Livae igre ne kulu fagaedi thedi eghuteuna mare wasi nodi pohe thedire. Aonu mae pris Eron ne taofidi mare ke ulugna Lord. Eghuteuna mana ne eni kaisei fafara mala au fakeli mare ka tathagna Lord na.

Naba 8:11

Aonu mae pris Eron ginauna tusu lao jateula kaisei fafara ranghidi mare ka iara Lord mala nu kaisei fafara tuana kolho ka naikno te gnafa Israel re, mala nu edi mare nogu gloku iara re eghu.

Letas Teke Riso Tei Mae Pol Ka Khiloau Rom 12:1

Eghume kheraguro, naugna God ne kokhoni ghami fara, iara tore ghami te mala lisa lao nakarhami are jateula kaisei fafara eghu ka God. Kaisei fafara te karha nei blahi te kelitagnani God. Igne thofno puhi te mala tufru soruni God ghotilo na.

Naba 18:6

Iara ngala teke vahidi mae kheramu iagho, mae ka vikegna Livae gre. Iara ngala teke vahi fajifladi mare ka keha vikegna Israel are. Mare nogu iara, eghume iara tusu ari ka ghotilo mae pris mala togho ghami ghotilo nei mala edi nodi gloku mare ka Suga Thapuale te blahi igne.

Naba 8:12

“Uve, mae ka vikegna Livae gre ginauna habo lao khamedire ka phaꞌudi phei buluka nalhaꞌudi are. Aonu mae pris Eron ginauna atha kaisei buluka na, eghuteuna fafara mei mala ke gae vikegna Livae gre ka tathagu iara na. Eghuteuna keha na, mana ginauna fafara te gahu te knotho ia eghu. Igne unha nate eni iagho ginauna mala ke gae vikegna Livae gre ka tathagu iara na.

Naba 8:14

Ka puhi igne, iagho tangomana te fofota mae ka vikegna Livae gre ka naiknodi Israel gre, eghuteuna fablahidi mare malagu iara.