Naba 8:12 - Buka Blahi Ka Cheke Holo

¹² “Uve, mae ka vikegna Livae gre ginauna habo lao khamedire ka phaꞌudi phei buluka nalhaꞌudi are. Aonu mae pris Eron ginauna atha kaisei buluka na, eghuteuna fafara mei mala ke gae vikegna Livae gre ka tathagu iara na. Eghuteuna keha na, mana ginauna fafara te gahu te knotho ia eghu. Igne unha nate eni iagho ginauna mala ke gae vikegna Livae gre ka tathagu iara na.

Naba 8:12 ပူးပေါင်းရင်းမြစ်များ

Eksodas 29:10

“Iagho atha mei buluka nalhaꞌugna na ke ulu Suga Tapuale te Blahi, eghuteuna chekeni Eron baludi thugna ra mala habo ka phaꞌugna na.

Hibru 9:22

Tuani fara, te mala leghuni vetula na, teke fuafusa mare dadara na thogra glepo te gnafare te mala gae ke ulugna God. Te theome thofa dadara na, God ginauna theome atha fadelei nakhibodi naiknore.

Levitikas 8:14

Aonu mae Moses atha ne mei buluka mala fafara mala doglo mare ka tathagna Lord. Eghuteuna mae Eron baludi thugna re ne habo khamedi re ka phaꞌugna buluka nalhaꞌugna igne.

Naba 8:8

Eghuteuna mare ginauna atha mei kaisei buluka nalhaꞌugna te majaghani balu flaoa mala fafara teke eni mare ka famane wit balu oel. Eghuteuna mare jaola mala atha mei kaisei buluka nalhaꞌugna te majaghani mala fafara mala ke gae mare ka tathagu iara na.

Naba 6:16

“Mae pris na ginauna fafara mei gobi lepo tuare ka iara. Mana ginauna eni fafara tuana nei fafara te gahu te knoro ka khaꞌaghi ia eghu mala ke doglo mae tuana ka tathagu iara na.

Naba 6:14

Jare mana ginauna mei fafara kaisei sipu nalhaꞌu gna te kaisei finogha te theome au thubu ka guligna na. Sipu igne mala fafara nei gahu eghu. Eghuteuna jaola ke fafara kaisei sipu gaꞌase gna te kaisei finogha te theome au thubu ka guligna na. Sipu igne fafara mala fa glaglanagna te doglo mana ka tathagu iara na. Eghuteuna jaola ke fafara kaisei sipu nalhaꞌu gna te theome au thubu ka guligna na. Sipu igne fafara mala fa glaglanagna te au fakeli mana balugu iara na.

Levitikas 16:21

Eghuteuna Eron ginauna habo lao phei khame gna re ka phaꞌu gna nanigot igne, mala cheke fajifladi nakhibo te gnafa nei puhi te diꞌa te gnafa baludi puhi te diꞌa te gnafa te edi ghotilo ranghi ghau iara ra. Eghume ka puhi igne mana lisa lao nakhibo te gnafare ka nanigot tuana. Eghuteuna mana ginauna snakre tei nanigot igne ka kaisei mae tela vahinihi mare na. Mae tuana mala hata nanigot igne tei ka namono nagou.

Levitikas 16:11

“Kate aknu falehe Eron buluka nalhaꞌugna igne mala fafara eigna thegna nei tharakna gna mana teu te mala ke doglo ka tathagu iara na,

Levitikas 16:6

“Eron mala hata mei kaisei buluka nalhaꞌugna mala fafara eigna mana balu tharakna gna mala ke doglo ka tathagu iara na.

Levitikas 14:22

Eghuteuna mana mala atha mei phei balhu ba phei thukmu majaghani unha te naba te foli mana na. Kaisei mala fafara mala ke doglo mana ka tathagu iara na, eghuteuna keha na mala eni fafara te thofno krono.

Levitikas 9:7

Aonu mae Moses ne cheke eghu ka mae Eron, “Iagho tei ka olta mala fafara mala doglo themu ka tathagna Lord, eghuteuna ei fafara te thofno krono mala atha koko nakhibomu iagho. Eghuteuna ke leghu, iagho fafara mala atha koko nakhibodi naiknore, thofno jateula teke chekedi Lord ra eghu.”

Levitikas 8:34

Gobigna lepo te edi tahati gognaro igne, Lord kolho teke chekeni teke eni tahati na mala atha koko nakhibomi ghotilo re.

Levitikas 8:18

Ke leghu, mae Moses atha sipu nalhaꞌugna na ne eni fafara te thofno krono na, eghuteuna mae Eron baludi mae thugna re mei ne habo khamedi re ka phaꞌugna sipu igne.

Levitikas 5:7

“Jame kaisei mae kuma eghuteuna mana ninhigrana ranghini te atha te mei kaisei sipu ba kaisei nanigot ka iara, mana tangomana te atha te mei phei balhu ba phei thukmu majaghani, mala eni kaisei fafara mala ke doglo mana, eghuteuna keha na mala eni fafara te thofno krono fara.

Levitikas 4:35

Mae tuana ginauna atha fadelei garofagna sipu igne, jateula teke atha fadelei mare garofagna sipu na ka fafara tuana mala laseni mare te au fakeli balugu iara na. Aonu pris igne mala gahu garofa igre ke kligna olta, mala kaisei nogu glepo blahi iara Lord. Ka puhi igne, pris tangomana te fafara te mala doglo mae igne ka tathagu iara na, eghuteuna iara ginauna atha fadelei nakhibogna mana re.”

Levitikas 4:20

Mana eni ka buluka nalhaꞌugna igne jateula teke eni mana ka buluka nalhaꞌugna teke fafara te mala doglo thegna ka tathagu iara Lord na ia eghu. Ka puhi igne mae pris atha fadelei nakhibomi ghotilo re, eghuteuna iara ginauna jaola tangomana te atha fadeleidi nakhibomi ghotilo re.

Levitikas 4:4

Mana atha mei ka iara buluka nalhaꞌugna igne ka grengatha gna Suga Tapuale te Blahi na, eghuteuna mana habo lao ka phaꞌugna buluka nalhaꞌugna igne mala falalase nogna fafara mana na, eghuteuna mana aknu falehe buluka igne ke ulugu iara Lord.

Levitikas 4:15

Eghuteuna hatimare mae lida gna namono na habo khamedi re ka phaꞌugna buluka igne, mala laseni te fafara igne nomi ghotilo gnafa, eghuteuna gnafa teuna mare aknu falehe buluka igne ke ulugu iara Lord.

Naba 8:13

Ka puhi igne iagho ginauna fakegradi vikegna mae Livae gre jateula kaisei nafnata fafara ka iara Lord eghu, eghuteuna mae pris Eron baludi phei thugnare eghu te mala fiofilodi kate loku mae Livae gre.

Levitikas 8:15

Mae Moses aknu falehe buluka nalhaꞌugna igne. Aonu mana ne tihi lao geghesugna na ka dadara na ne ghiha ka fati honagna olta na. Eghuteuna mana atha vido dadara teke au tekuna ne tofa soru ka pesigna olta na. Ka puhi igne mana ne faklinoni olta igne ka tathagna Lord.