Naba 7:84 - Buka Blahi Ka Cheke Holo

^84-88 Eghume gobigna lepo te atha te mei nabotho phei mae lida igre mala fafara ka vido tuana re igre: Nabotho phei dis silva te biꞌo, eghuteuna nabotho phei dis silva te ikodi. Tahudi bukrei dis igre ne namo thokei varadaki fitu kilo ka nogna skel mae pris na. Eghuteuna nabotho phei dis ikodi teke horo mare ka gol. Tahudi bukrei gol igre ne thokei kaisei thogha fati gobi gram ka nogna skel mae pris na. Dis igre fodu ka insens. Eghuteuna nabotho phei buluka nalhaꞌudi, nei nabotho phei sipu nalhaꞌudi, nei nabotho phei sipu nalhaꞌudi te ikodi te kaisei finoghadi, nei keha flaoa eghu. Gobigna lepo igre mala fafara te gahu mala knotho. Eghuteuna nabotho phei nanigot nalhaꞌudi igre mala fafara mala ke doglo naikno tuana ka tathagna Lord. Eghuteuna varadaki fati buluka nalhaꞌudi, baludi namno salei sipu nalhaꞌudi, nei namno salei nanigot nalhaꞌudi, eghuteuna namno salei sipu nalhaꞌudi te ikodi te thokei kaisei finogha. Gobigna lepo te tautagu igre mala fafara mala faglaglana gna te au fakeli mare balugna Lord na. Igre gobigna lepo teke fafara tei mare ka Lord ka vido teke atha mae Moses oel te blahi na mala fablahi olta mala fafara na.

Naba 7:84 ပူးပေါင်းရင်းမြစ်များ

Naba 7:10

Kate fablahi te gnafa mae Moses olta na, mae lida te gnafa re ne atha ne mei keha nodi glepo mala fafara re ka mana mala fablahi ke ulugna olta na.

Thakle 21:14

Gringnigna namono igne mare babana ke klignadi nabotho phei thina. Ke klignadi thina igre mare rioriso nanghadi nabotho phei nogna khuru mae Lam.

Hibru 13:10

Mae Kraes ne snakreni thegna jateula kaisei fafara malada tahati. Nu iheire te leghuni fabrahu nodi vetula hatimare mae Jiu eigna u fafara na, mare theo kaisei nodi nolaghi te mala hata kaisei glepo te keli ka nogna fafara mae Kraes.

Naba 7:1

Kate eni te gnafa mae Moses Suga Thapuale te blahi nogna Lord igne, mana ne atha oel te blahi na ne fablahi suga thapuale na baludi gobigna lepo te au lamna re, nei olta baludi bukrei glepo te au ka olta na.

Eksodas 25:29

Eghuteuna ghotilo edi gobigna lepo tuare ka tevo igne ka thofno famane gol. Igre tapera nei dis, baludi kapu nei botol eghu nate edi ghotilo te mala lilisei waen te mala fafara ghotilo ka iara na.