Naba 6:9 - Buka Blahi Ka Cheke Holo

⁹ “Jame kaisei mae lehe ka dei hoholo rhegna kaisei mae ka tothoghei Nasaraet na, puhi igne ginauna fadiꞌani khaklagna mae gna Nasaraet na. Eghume mana na ofo nabagna fitu narane, ke leghu ame ke kuchi nga mana khaklagna re eghu mala klino ka tathagu iara na.

Naba 6:9 ပူးပေါင်းရင်းမြစ်များ

Naba 6:18

“Eghuteuna ne tei nga mae Nasaraet gne ka grengathagna Suga Thapuale te blahi igne nu, mana ginauna kuchi ghu khakla ka phaꞌugna na eghu, eghuteuna gnhuri ka khaꞌaghi ke parigna sipu nalhaꞌugna te fafara teu mana na mala faglaglana gna te au fakeli mana balugu iara na.

Mae Khuru 18:18

Mae Pol ne au Korin kmana narane baludi naikno khiloau re. Ke leghugna igne, mana jifla ne tei ka namono Kenkria. Jare mana ne kuchi fakmoꞌei khaklagnare. Igne kaisei nogna nhaꞌa cheke mana ka God. Aonu mana saghe ka vaka ne tei Siria. Prisila ghe mae Akuila ne tei balugna mana

Levitikas 14:9

Eghuteuna ka fafitu narane na, mana mala fapea fata ghoighori khakla ka phaꞌu gna na, balu gremoho gna, eghuteuna khakla ka tatha gnare, eghuteuna khakla te gnafa ka thini gnare, eghuteuna mana mala titihi nogna pohe na, eghuteuna mana mala apu. Ka puhi igne, mana la gaehi ka tathagu iara na.

Mae Khuru 21:27

Kate namo gnafa fitu narane igre, keha mae Jiu di ka Provins Esia ne filoni mae Pol ke lamnagna Sugablahi na. Mare faꞌeiꞌei ne ghilei diꞌa tadi naiknore ne tei lokini mae Pol.

Levitikas 14:8

“Ke leghu, mae igne mala titihi fagae nogna pohe re eghuteuna ghoighori khakla gnare, eghuteuna mana mala apu, eghuteuna kate edi mana glepo igre, mana ginauna klino ka tathagu iara na. Funu ka narane tuana, mana tangomana te mei lamna ka vido aheva te au ghotilo tagna na, nu mana theome tangomana te tei lamna ka nogna suga tapuale na. Mana mala thuru kosi ka nogna suga tapuale na ghilei thokedi fitu narane.

Naba 6:8

Eghume te kaisei tothoghei Nasaraet ghotilo na, ghotilo nogu naikno gloku blahi iara Lord.

Diutronomi 21:12

Mana hata gaꞌase igne tei ka sugagna. Gaꞌase na mala ghoighori phaꞌugna na, eghuteuna kusu geghesugna re.

Profet Esikiel 44:27

Eghuteuna, ke leghudi fitu narane igre, mana mala ke tei ruma ka Sugablahi na mala eni nogna gloku blahi na, mana mala hata mei fafara mala ke doglo ka tathagu iara na. Igne nogu cheke iara Lord God.