Naba 6:27 - Buka Blahi Ka Cheke Holo

²⁷ “Eghume te chekeni mare nanghagu iara mala fablahidi naiknodi Israel gre teuna, iara ginauna fablahidi naikno tuare.”

Naba 6:27 ပူးပေါင်းရင်းမြစ်များ

Fapea Kronikols 7:14

Nu jame te nhaꞌa fapari ghami themi ghotilo nogu naikno iara ra, eghuteuna koko ghotilo puhimi te diꞌare, eghuteuna tarai mei ghotilo ka iara teuna, neubane au neu iara kligna, iara ginauna nomhi ghami ghotilo. Eghuteuna iara ginauna hata fadelei nakhibomi ghotilo re, eghuteuna iara ginauna eni glose igne mala ke keli fapulo.

Diutronomi 28:10

Eghume naikno te gnafa ka nauthoglu igne ginauna filo glani ghami ghotilo te nogna naikno Lord na, eghuteuna mare ginauna mhaghu ghami ghotilo.

Efesus 1:3

Tahati cheke fakelini God, Kmagna noda Lord Jisas Kraes! Naugna tahati nogna mae Jisas Kraes, God neke tusu mei ranghi ghita u fablahi te gnafa te mei funu kligna.

Profet Jeremaea 14:9

Naugna unha sagho te jateula kaisei mae te rhana ka nogna naoka na teugnea, ba jateula kaisei mae soldia te theo nogna nolaghi te mala fakarhini ihei teu gnea? Lord, ghehati thofno nou naikno iagho, eghuteuna ghehati lase nigho iagho te au balumi. Eghume iagho thosei tei koko ghami eghu.”

Profet Isaia 43:7

God neke kafe vuavuhadi mare gnafa mala nogu naikno iara, eigna iara magnahaghedi mare mala ke pulo mei mala kilo fnaknoni nanghagu iara na.”

Nodi Khoje Hatimare Mae Jiu 5:12

Lord, iagho fablahidi naikno te leghudi nou chekere. Iagho na jateula greoreo eghu mala reireghi fakelidi naiknore.

Ululahu Kronikols 4:10

Kaisei fata mae Jabes neke tarai eghu ka nodi God maedi Israel, “God, fablahi ghau nei tusu mei ka iara kmana vido glose. Iara tore nigho iagho mala au balugu iara, thosei snakreni kaisei hoholo mala thoke ghau iara mala theome haimini iara kaisei khabru.” Aonu God ne tusu ranghini mana gobigna lepo teke toredi mana igre.

Jenesis 32:29

Aonu mae Jekop ne cheke eghu ka mana, “Chekeni sagho nanghamu na ka iara.” Nu mana ne cheke eghu, “Iagho theome naba te ghusnani nanghagu iara na.” Ke leghugna igne mana ne fablahini mae Jekop. Mana jifla jare ne tei kokoni mae Jekop.

Matiu 28:19

Eghume, ghotilo tei mala farirhiudi naikno ka namono te gnafa ka nauthoglu igne mala nogu mae fanomho iara. Faꞌapublahidi ka nanghagna Mama nei Thugna nei Tharunga te Blahi.

Nodi Khoje Hatimare Mae Jiu 67:7

God te fablahi ghita. Naikno te au heva te heva ka nauthoglu igne mala ghatho tahuni mana.

Naba 23:20

Uve, mana neke cheke ghau iara mala fablahidi naiknodi Israel. Aonu God ne fablahidi mare, eghuteuna iara theome tangomana teke lhotini nogna fablahi mana na.

Jenesis 32:26

Aonu mana ne cheke eghu ka mae Jekop, “Lisei ghau iara sagho, naugna u naprai gne la haghehi.” Nu mae Jekop ne cheke eghu ka mana, “Iara ginauna na theome snakre tei nigho iagho ghilei fablahi ghau iara ghu iagho!”

Fapea Samuel 7:23

Eghuteuna theo kaisei naikno ka nauthoglu igne te jateula nou naikno iagho Israel igre teuna. Iagho neke fakarhidi mala kafe laseni nanghamu te fnakno kligna lahu. Ulu lahu na iheire te sneka, nu iagho fasnaglidi mala nou naikno themu. Iagho neke fakarhidi kuꞌedi nou naikno iagho teke au Ijep ra. Iagho neke edi kofubobhoi te biꞌo kani teke brue fajifladi iagho keha naiknora balu nodi mumuju god.

Eksodas 6:3

Tifa na, iara neke thakle ka Ebraham, ka Isak, nei ka Jekop, eghuteuna mare lase ghau iara te iara ‘God mae ihei te au nolaghi fateote'o.’ Nu iara neke theome falalase ghau thegu ka mare te iara Lord.