Naba 6:26 - Buka Blahi Ka Cheke Holo

²⁶ Lord ginauna au balumi ghotilo mala au ghotilo ka nakarha te keli!’

Naba 6:26 ပူးပေါင်းရင်းမြစ်များ

Nodi Khoje Hatimare Mae Jiu 4:6

Lord, kmana naikno tarai eghu, “God filo mei ghami. Ghehati magnahaghei nomi kmana glepo te keli ka iagho.”

Fapea Tesalonika 3:16

Iara toreni Lord, mae funei gna pharikeli mala tusu ranghi ghami pharikeli leghu rane nei ka puhi te gnafa. Lord au balumi.

Nodi Khoje Hatimare Mae Jiu 29:11

Lord na tusu ranghi ghita tahati nogna naikno gre nanheta nei pharikeli.

Letas Teke Riso Tei Mae Pol Ka Khiloau Rom 15:13

God mae ihei ngala te thofno togho ghita te mala hata unha mana teke nhaꞌa cheke ranghi ghita. Iara toreni God mala gleale'a biꞌo ghotilo nei tusu ranghi ghami pharikeli kate fatutuani ni mana na. Eghuteuna nogna nolaghi Tharunga te Blahi na ginauna faheta ghami mala rouronuni God fabrahu ghotilo te mala eni unha mana teke nhaꞌa chekeni.

Jone 16:33

“Iara chekedi glepo igre ka ghotilo mala au ghotilo ka pharikeli balugu iara. Tutuani fara, kate au teu ghotilo ka nauthoglu igne naiknore ginauna para ghami fara ghotilo. Nu thosei mhaghu ghotilo eghu, naugna iara la tapla sorunihi mae funei te batu fadiꞌadi naiknore te edi fabrahu puhi te diꞌa igre.”

Mae Khuru 2:28

Iagho neke falalase ka iara u nabrou karha na, eghuteuna iagho ginauna au balugu iara mala faglealeꞌa ghau iara.’

Profet Isaia 26:3

Lord, iheire te ghatho tahu nigho fabrahu, ginauna toghodi mala au ka pharikeli, naugna mare ne rouronu nigho fabrahu.

Letas Teke Riso Tei Mae Pol Ka Khiloau Rom 15:33

Iara toreni God mae ihei te tusu ranghi ghita pharikeli mala au balumi ghotilo gnafa. Amen.

Jone 20:21

Mae Jisas neke fapea cheke eghui ka mare, “Pharikeli na au ka ghotilo! Mae Mama neke kuru mei ghau iara, eghuteuna gognarona iara nake kuru fajifla ghami ghotilo ka naiknogna nauthoglu igne.”

Nodi Khoje Hatimare Mae Jiu 42:5

Naugna unha site au diꞌanagnafa iara gnea? Naugna unha site tahu fara ka gaoghathogu iara na puhi ignea? God, iara ginauna na lisa ari ka iagho kolho nagnafagu na mala cheke fakeli nigho eigna iagho nogu God mala fakarhi ghau iara!

Filipae 4:7

Eghuteuna God ginauna tusu ranghi ghami ghotilo pharikeli te biꞌo uludi noda glalase tahati re. U pharikeli igne ginauna au ka nagnafami nei gaoghathomi teu ghotilo re mala theome nanga nomi ghotilo, naugna ghotilo kaisei ngala balugna mae Jisas Kraes.

Luku 2:14

“Kilo fnaknoni God ka maloa kligna nei pharikeli na au agne ka nauthoglu gne baludi naikno te keli tagnadi God gre.”

Profet Isaia 57:19

Neuba ghotilo ne tei au kate khaba, ba au kate namo, iara magnahaghei ghami ghotilo te au ka pharikeli. Uve, iara ginauna togho ghami ghotilo mala ke pulo mei.

Profet Isaia 26:12

Lord, iagho tusu ranghi ghami pharikeli, naugna ka nou nolaghi iagho te mala tangomana ghehati te edi re gloku te kelire.

Nodi Khoje Hatimare Mae Jiu 89:15

Iheire te koje kilo fnakno nigho iagho gre ngala te glealeꞌa nodi na, naugna iagho ne keli fara ranghidi, nei kaisei phile baludi.

Nodi Khoje Hatimare Mae Jiu 37:37

Filo tutu laoni sagho mae te keli nei doglo teu puhigna ana. Mana au blagna nogna kolho baludi keha naiknore. Vikegna mana re ginauna au fabrahu tifa tifa.

Mae Khuru 10:36

Ghotilo lasenihi God neke cheke thakleni ka naiknodi Israel re u Nonomho te Keli na mala au tahati kau pharikeli balugna God. Naugna nogna gloku mae Jisas Kraes, mae ihei te funei frunidi naikno te gnafare.

Jone 20:26

Kaisei wik ke leghugna igne, mae fanomhore kafe au neu ka suga na, eghuteuna mae Tomas au neu baludi mare. Mare ne famane bibilakhi neu grengatha na, eghuteuna mae Jisas mei ne kegra farihoteidi mare ne cheke eghu, “Pharikeli na au ka ghotilo!”

Jone 14:27

Iara na lilisei soru nogu pharikeli na balumi ghotilo, nogu pharikeli iara igne tusu ari ka ghotilo. Nogu pharikeli iara igne theome jateula glepo te tusu ari naiknogna nauthoglu igne eghu. Eghume thosei nanga nomi nei thosei mhaghu eghu ghotilo ia.

Profet Maeka 5:5

Igne puhi nate fakarhi ghita king ka khamedi naiknodi Asiria, mala ke pulo mei tahati ka namono na au te keli. Kate jajagha te mei armi gna Asiria ka noda kantri tahati gne te funu atha noda vido keli aheva te mala poru tahati igre, tahati ginauna kuru tei noda kmana famane lida tahati igre baludi noda soldia te gnafa tahati igre mala magra ka mare. Eghuteuna naugna te nheta fara noda soldia ka magra, mare ginauna uluni Asiria ka nogna glose Nimrod. Lord ginauna fakarhi ghita, nu mana ginauna jaola paradi maedi Asiria.

Nodi Khoje Hatimare Mae Jiu 44:3

Nou naikno iagho igre neke theome atha namono igne ka magra, ba ka nodi nolaghi thedi. Theo. Mare neke atha vido igne ka nou nolaghi nei ka khamemu eghu iagho, naugna iagho magnahaghedi mare te lase nigho te au teu baludi na. Ka puhi igne iagho falalase ranghidi iagho te namhadi fara nou naiknore.

Efesus 6:23

Iara toreni God Kmada nei Jisas Kraes noda Lord, eigna phiamare ginauna tusu ranghi ghita pharikeli nei namha balu fatutuani ka kherada naikno khiloau fateote'o.

Letas Teke Riso Tei Mae Pol Ka Khiloau Rom 5:1

Naugna tahati neke fatutuani ni God, mana la fadoglo ghitahi ke ulugna thegna. Tutuani, noda Lord Jisas Kraes neke togho ghita mala au tahati kau pharikeli balugna God.