Naba 6:24 - Buka Blahi Ka Cheke Holo

²⁴ “ ‘Lord ginauna fablahi ghami nei reireghi fakeli ghami!

Naba 6:24 ပူးပေါင်းရင်းမြစ်များ

Ululahu Tesalonika 5:23

Ghehati tarai ka God thegna, mae ihei te tusu ranghi ghami nogna pharikeli, mala faklino ghami fabrahu. Ghehati tarai ka God mala batu fakelidi nagnafami, tharungami nei thinimi fateo, mala theo kaisei najafra kate mei noda Lord Jisas Kraes.

Filipae 4:7

Eghuteuna God ginauna tusu ranghi ghami ghotilo pharikeli te biꞌo uludi noda glalase tahati re. U pharikeli igne ginauna au ka nagnafami nei gaoghathomi teu ghotilo re mala theome nanga nomi ghotilo, naugna ghotilo kaisei ngala balugna mae Jisas Kraes.

Letas Teke Rioriso Mae Jud 1:24

Uve, kaisei God ngala tangomana te reireghi ghami te mala leghuni fabrahu mae Kraes. Kaisei mana ngala tangomana hata ghami te tei ka nogna famane namono kligna na. Jare ghotilo ginauna na au gleale'a fara, naugna jare na ghotilo na theo kaisei glepo te jafra ke ulugna God.

Profet Isaia 42:6

“Iara Lord, iara neke kilo nigho mala fakakhana nakarhagu iara te doglo na. Iara ginauna au balumu iagho mala reireghi fakeli nigho. Ka iagho, iara ginauna eni nogu nhaꞌa cheke na baludi naiknogna nauthoglu igne. Eghuteuna iara ginauna togho nigho mala jateula kaisei juta eghu ka naikno te au romno ka nauthoglu igne.

Jone 17:11

Iara theome raugha na ari ka iagho. Iara ginauna theome au ka nauthoglu igne, nu mae igre nga nate au teu ka nauthoglu igne. Mama te blahi, taji fakelidi ka nolaghi gna nanghamu, nangha teke famei iagho ka iara, mala kaisei mare jateula tapa te kaisei gne eghu.

Nodi Khoje Hatimare Mae Jiu 91:11

Lord ginauna kuru meidi nogna tothoghei engel re mala reireghi nigho, nei mala baubatu nigho eghu ka vido aheva te tei iagho na.

Nodi Khoje Hatimare Mae Jiu 134:3

God mae ihei teke vuavuhadi maloa ghe nauthoglu gre, mana au Saion. Iara ginauna toreni mana mala fablahi ghami ghotilo.

Thoutonu Eigna Rut 2:4

Ke leghugna igne, mae Boas jifla ka namono na ne mei ka nagare na ne cheke eghu, “Hamerane keli,” neu ka nogna mae gloku te kato bali teure ne cheke eghu, “Lord te au balumi.” Aonu mare ne cheke eghu, “Lord te fablahi nigho.”

Nodi Khoje Hatimare Mae Jiu 17:8

Reireghi ghau jateula iagho te reireghi fakelidi tathamu are eghu. Pophoru fakeli ghau jateula khokorako gaꞌase gna te toku tafrudi thugnare ke paridi phia bagignara eghu.

Ululahu Samuel 2:9

Mana reireghi fakelidi iheire te ghatho tahuni mana re, nu mae te diꞌa re, mala snivi fabrahu kate romno. “Theo kaisei naikno tangomana te uluni Lord ka nogna nolaghi thegna na.

Ululahu Pita 1:5

Ka nomi fatutuani ghotilo ka God na, mana ginauna na reireghi fakeli ghami ka nogna nolaghi na ghilei thoke mei narane leghu lahu te mala fakarhi ghami na.

Filipae 4:23

Nogna khokofakasai noda Lord Jisas Kraes au balumi ghotilo. Me gnafa. Iara, mae Pol.

Efesus 6:24

Eghuteuna iara tarai eigna nogna khokofakasai God mala au balumi ghotilo hui iheire te namhani fabrahu noda Lord Jisas Kraes. Me gnafa. Iara, mae Pol.

Nodi Khoje Hatimare Mae Jiu 28:9

God, fakarhidi nei fablahidi eghu nou naikno gre, eigna mare jateula sipu eghu kolho. Reireghidi nei doadofradi eghu fabrahu tifa tifa.

Profet Isaia 27:3

Leuleghu fata na, iara reireghini nei faboubothuni eghu nagare grep igne bongi narane na, mala theome tangomana kaisei naikno te mei goigoni na.

Ululahu Korin 14:16

Nu jame te kilo fnaknoni God ghotilo ka tharungami kolho na, kaisei naikno te majaghani ka khiloau te au balumi ka tharai na ginauna theome laseni unha te chekeni ghotilo na. Mana ginauna theome kaisei gaoghatho ka nomi tharai nei theome tangomana te chekeni “Amen” teu balumi ghotilo na.

Jenesis 28:15

Fanomho sagho. Iara ginauna na au fabrahu balumu iagho, nei reireghi fakeli nigho iagho eghu ka vido aheva na te tei iagho na. Eghuteuna iara ginauna nake hata fapulo nigho iagho agne ka glose igne. Iara ginauna na theome lisa koko nigho eigna iara ginauna eni unha teke nhaꞌa chekeni iara ka iagho tifa ia.”

Fapea Samuel 7:29

Gognarona iara tore nigho mala fablahini vikegu iara gne, eghuteuna mare ginauna au ka pharikeli fabrahu ke parimu iagho.”

Profet Daniel 9:17

“God, fanomho mei ka nogu tharai iara nou mae gloku gne. Iara tore nigho mala ke babana fapulo iagho nou Sugablahi gne mala laseni naiknore te iagho ngala Lord na.