Naba 6:23 - Buka Blahi Ka Cheke Holo

²³ “Iagho ginauna cheke ka mae pris Eron nei thugna teu mana re, kate fablahidi mare naiknodi Israel re, mare ginauna cheke eghu:

Naba 6:23 ပူးပေါင်းရင်းမြစ်များ

Ululahu Kronikols 23:13

Mae Amram neke au phei thugna nalhaꞌu: Mae Eron ghe mae Moses. Lord neke vahini mae Eron baludi thugna mana re mala fiofilodi glepo blahi teke tusu lao naiknore ka Lord, eghuteuna vikegna mana na eni koba gloku igne. Nodi gloku mare na mala gahu fafara mala tufru soruni Lord, eghuteuna mare edi keha gloku te mala fablahidi naiknore ka nanghagna Lord.

Diutronomi 21:5

Eghuteuna mae pris ka vikegna mae Livae igne jaola mala tei ka vido igne. Lord nomi God ghotilo na neke vahidi mae pris mala edi nogna gloku re, nei mala chekeni fablahi na ka nanghagna mana, nei mala fatedi puhi biꞌo teke fari pholai nei magra teku re.

Hibru 7:1

Gognaro gne iara na toutonu ranghi ghami ghotilo eigna mae Melkisedek. Mae Melkisedek gne kaisei mae king ka namono te kiloi Salem, nei mana kaisei nogna mae pris biꞌo God te au kligna. Mae Melkisedek neke ludeni mae Ebraham ke leghugna teke pulo mei mae Ebraham funugna ka vido teke tei magra mana teke falehedi fati mae king baludi nodi mae armi hatimare fati mae king igre. Jare mae Melkisedek thafoni mae Ebraham ne fablahini mana.

Jenesis 48:20

Aonu ka narane igne mae Jekop ne fablahidi phei mae gragna re ne cheke eghu ka mae Josep, “Phia mae, goro sua nate karha mei ke leghugu iara na ginau fablahidi keha naiknore ka nanghami ghopa re. Mare na cheke eghu, ‘God te fablahi nigho jateula mana teke fablahidi mae Efraim ghe mae Manase ra eghu.’ ” Ka puhi igne mae Jekop ne nhaꞌa faꞌuluni mae Efraim eghuteuna mae Manase ke leghu.

Fapea Jone 1:3

God Kmada ghe mae Thugna Jisas Kraes, phiamare ginauna na fablahi ghita balu nodi khokofakasai, kokhoni ghita, pharikeli, nei balu tutuani nei namha.

Fapea Korin 13:14

Iara toreni ka God nogna khokofakasai noda Lord Jisas Kraes, nei nogna namha God, nei nogna loku fodu mae Tharunga te Blahi mala au balumi ghotilo hui. Me gnafa. Iara, mae Pol.

Jenesis 47:7

Aonu mae Josep ne hata ne tei mae kmagna na mala tei thafoni mae king. Eghuteuna mae Jekop ne pogho soru ke ulugna mae king ne toreni God mala fablahini mana.

Ululahu Pita 1:2

Tifa na, God Mama neke vahi ghami ghotilo leghuni nogna gaoghatho na. Eghuteuna mae Tharunga te Blahi neke fablahi ghami naugna mana neke magnahaghe ghami ghotilo te leghuni mae Jisas Kraes nei fagae ghami ka dadaragna mae Jisas Kraes. Iara toreni God mala fablahi ghami nei tusu ranghi ghami pharikeli mala bruara fabrahu tifa tifa.

Hibru 7:7

Eghume te laseni tahati na mae Melkisedek gne mae ke ulugna mae Ebraham, naugna mana ne fablahini mae Ebraham. Naugna tahati thofno laseni mae ke biꞌo na fablahini koba mae ke iko na.

Ululahu Korin 1:3

Iara toreni nogna khokofakasai nei pharikeli God Kmada nei nogna mae Jisas Kraes noda Lord te mala au balumi.

Letas Teke Riso Tei Mae Pol Ka Khiloau Rom 1:7

Letas te riso ari iara igne malami ghotilo hui naikno te au ka namono Rom, eigna God namha ghami ghotilo nei kilo ghamihi ghotilo mala nogna naikno blahi mana. Iara toreni nogna khokofakasai nei pharikeli God Kmada nei nogna mae Jisas Kraes noda Lord te mala au balumi.

Josua 8:33

Hatimare mae mala baubatu, mae funei, mae ofisa ka armi, mae biꞌo, mae phosa te gnafa nei maedi Israel te gnafa au neu jare. Mare ne fnota ka phei tothoghei, keha tothoghei na ne kegra ke ulugna thogele Gerisim, eghuteuna keha tothoghei na ne kegra ke ulugna thogele Ebol. Eghuteuna nogna Bokis Nhaꞌa Cheke Lord na au farihotei. Naiknore filo neu ka mae pris te pala Bokis igne ne eni unha teke chekeni mae Moses nogna mae gloku Lord na kate thoke mare ka namono Kenan. Eghuteuna mae pris ne toreni Lord mala fablahidi naiknore.

Diutronomi 10:8

Eghuteuna ka narane tuana, Lord neke vahini vikegna mae Livae mala palagna nogna Bokis Blahi Nhaꞌa cheke Lord na. Eghuteuna mae igre loku ka Suga Tapuale te Blahi na nei mala fablahidi naiknore ka nanghagna Lord. Igre nodi gloku mare te mei posa gognarogne.

Jenesis 47:10

Mae Jekop ne kubaeni mae king ne jifla.

Diutronomi 33:1

Moses nogna mae gloku God igne, mana la namohi nogna narane te mala lehe na. Aonu mana fablahidi naiknodi Israel ne cheke eghu:

Jenesis 24:60

Kate namo jifla kokoni naꞌa namono na tharaknagna Rebeka re ne fablahini naꞌa, ne cheke eghu, “Gregaguo, iagho ginauna mala idodi thogha naikno ka nauthoglu igne. Eghuteuna vikemu iagho re ginauna na tapla sorudi mae naokare, nei na hata nodi namonore eghu.”

Eksodas 39:43

Aonu, Moses ne filo ka nodi gloku mare igre, eghuteuna kate filo fakeli mana ka gobigna lepo te edi mare igre, mare thofno edi glepo igre leghuni unha teke chekedi Lord ka Moses. Aonu Moses ne fablahidi mare.

Naba 6:22

Lord ne cheke eghu ka mae Moses,

Ululahu Kings 8:55

Aonu mana ne cheke fabiꞌo ne fablahidi naiknodi Israel.

Fapea Kronikols 30:27

Aonu mae pris nei mae Livaet teu igre ne kegra haghe ke uludi naiknore ne tarai ka God mala fablahidi naikno igre. Eghuteuna God mae ihei te au kligna ka nogna namono blahi na ne nomhidi nodi tharai mare re.