Naba 6:20 - Buka Blahi Ka Cheke Holo

²⁰ Ke leghugna tuana, mae pris ginauna atha glepo tuare, eghuteuna fafara mei ka iara Lord. Gobigna lepo nogna mae pris tuare ginauna kafe blahi gnafa, baludi gahegna nei gagarogna teku sipu nalhaꞌu teke fafara mare na. Eghuteuna kate edi te gnafa mare gobigna lepo tuare, ame tangomana nga mae Nasaraet igne te koꞌu waen na eghu.

Naba 6:20 ပူးပေါင်းရင်းမြစ်များ

Eklesiasti 9:7

Eghume, iagho tangomana te gleale'a fara kate ghamu fakeli nei koꞌu waen teu kate karha nga teu iagho ka nauthoglu igne. Naugna igne te thofno doglo ka tathagna God na.

Jone 19:30

Mae Jisas ne gnaignami waen te raha tuana ne cheke eghu, “La gnafahi!” Mana pogho soru pha'u na ne lehe.

Nonomho Te Keli Teke Risoi Mae Mak 14:25

Tutuani fara, te chekeni iara ka ghotilo na. Iara ginauna theome ko'uni kaisei waen ke leghugna igne ghilei thoke mei narane nate ko'uni iara waen majaghani na ka nogna nauthoglu majaghani God.”

Matiu 26:29

Iara chekeni ka ghotilo igne, iara ginauna theome ko'uni kaisei waen ke leghugna igne ghilei thoke mei narane nate ko'uni iara waen majaghani na balumi ghotilo ka nogna nauthoglu majaghani mae Mama.”

Profet Sekaraea 10:7

Naiknodi Israel gre ginauna jateula mae te nheta ka magra ra eghu, eghuteuna mare ginauna glealeꞌa fabrahu, jateula mae te koꞌu waen ra eghu. Thudi nate karha mei ke leghudi re ginauna ghathodi na glealeꞌa fabrahu, naugna iara Lord eni igne ka mare.

Profet Sekaraea 9:17

Naiknore ginauna keli nei famane fara eghu! Eghuteuna famane gano nei waen teu ka nodi glose na igre, ginauna mala ghamu nei koꞌu eghu mae nalhaꞌu majaghani nei gaꞌase majaghani teu igre mala rheta thinidi re.

Profet Sekaraea 9:15

Lord mae ihei te au nolaghi fateote'o igne, mana ginauna reireghi nogna naiknore jateula kaisei greoreo eghu. Nogu naikno iara re ginauna falehedi nei uludi eghu nodi naoka te piri kuava ka mare re. Kate uluni magra na, mare ginauna eha fabiꞌo jateula mae te koꞌu waen te thaviru ra eghu kate ghamu nei koꞌu teu mare na. Mare ginauna boho fara, jateula dis te fodu ka dadara mala fafara te mala tofa ka olta ra neu.

Profet Isaia 35:10

Uve, iheire teke foli fapulodihi Lord ra ginauna nake pulo mei Jerusalem. Eghuteuna ka narane teke pulo mei mare Saion na, mare ginauna eha fabiꞌo, naugna mare ne glealeꞌa fara. Mare ginauna theome tangomana te diꞌanagnafa nei tanhi teuna, naugna mare glealeꞌa fabrahu kolho ka namono igne.

Profet Isaia 25:6

Ka Thogele blahi Saion, Lord mae ihei te au nolaghi fateote'o igne ginauna tarabana kaisei gaghamu biꞌo maladi naikno te gnafa ka nauthoglu igne. Eghuteuna mana ginauna tarabana gano te keli nei waen te keli.

Naba 18:18

Nu nafnahidire nomi ghotilo. Eghuteuna nafnahi ka gagarodi glepo te tautagu teke tusu haghe ghotilo ke ulugu iara, balugna ghahe phile nhetagna teke tufa mei naiknore ka fafara ra eghu.

Levitikas 23:11

Eghuteuna ka narane ke leghugna narane Sabat, pris igne mala hata gano saro ulu igne, mana pala mei ke ulugu iara jateula kaisei fafara te tusu mei mala kelitagu iara balumi ghotilo.

Levitikas 7:34

Babangogna glepo tautagu te pala te mei ghotilo ke ulugu iara balugna grege ghahe nhetagna teu igre iara vavahi fadelei keha nafnahi mala fafara, mala atha tei ka mae pris. Eghuteuna leuleghu fata na, phei nafnahi igre ginauna mala ghedi mae pris ka vikegna mae Eron.”

Levitikas 7:31

Eghuteuna mae pris teke tofa dadaradi glepo tautagu igre ka olta na, mana ginauna gnubra garofa igre ke kligna olta, nu babangogna na ghegna pris thugna mae Eron igre. Jaola, grege ghahe nhetagna glepo tautagu igne kaisei namha ka mae pris teke eni fafara na.

Levitikas 7:30

Mana thegna mei ka Lord jateula kaisei fafara blahi eghu. Mana atha mei garofadi glepo tautagu igre, balu babangodi, eghuteuna mana pala haghe glepo igre ke ulugu iara jateula thufa eghu ka iara.

Naba 6:21

“Igne nodi vetula maladi iheire naikno te magnahaghei kaisei mae Nasaraet re. Nu jame mae ihei teke nhaꞌa cheke mala fafara keha glepoi kate blahi teu hila thegna na, mana mala edi ngala jateula teke nhaꞌa cheke mala edi teku thegna re.”