Naba 6:19 - Buka Blahi Ka Cheke Holo

¹⁹ “Eghuteuna mare ginauna ke kuki keha vido gna sipu nalhaꞌu gna na balu khoꞌu. Kate kuki te gnafa na, mae pris ginauna atha fajifla fafra gna na, eghuteuna tufa lao ka mae Nasaraet igne balugna kaisei bret te theo isi gna na, nei kaisei bisket eghu.

Naba 6:19 ပူးပေါင်းရင်းမြစ်များ

Ululahu Samuel 2:15

Nu unha te diꞌa parilahu na, kate funu fafara mana nu theome hata fajifla nga meu garofagna nafnahi mala gahu teuna, phiamare na kuruni nodi mae gloku na mala cheke eghu ka mana, “Iagho famei keha ghegna nafnahi mae pris mala gogoꞌo mana! Mana tirogna ghamudi nafnahi te gahu iagho ka suspen are! Iagho famei nafnahi te theome gahu nga teu are!”

Levitikas 7:30

Mana thegna mei ka Lord jateula kaisei fafara blahi eghu. Mana atha mei garofadi glepo tautagu igre, balu babangodi, eghuteuna mana pala haghe glepo igre ke ulugu iara jateula thufa eghu ka iara.

Levitikas 8:31

Mae Moses ne cheke eghu ka mae Eron baludi thugna mana re, “Ghotilo atha nafnahigna fapea sipu na mala kuki ka khoꞌu ka vido igne kolho, ka grengathagna Suga Tapuale te Blahi. Eghuteuna ghotilo mala ghamu nafnahi igne balu bret te au ka kharaꞌo gano te mala taofi ghotilo ana. Igne unha te chekeni Lord te mala eni ghotilo na.

Levitikas 8:27

Mana lilisei gobigna lepo igre ka khamegna mae Eron nei mae goro thugna mala pala haghe tei mare ke ulugna Lord kaisei thufa ka mana.

Levitikas 7:28

Lord ne cheke eghu ka mae Moses,

Naba 6:2

“Cheke ka naiknodi Israel are, ne magnahaghei mei fablahidi nei mei nhaꞌa cheke ka iara mala kaisei baludi ka tothoghei Nasaraet neu nga ghotilo nu,