Naba 5:8 - Buka Blahi Ka Cheke Holo

⁸ Te lehe mae teke khotogna glepo igne, nu theo kaisei ka mae thabusigna, nei kmagna teu te mala folidi poloru igre, poloru tuare mala famei ka iara Lord mala nodi mae pris. Eghuteuna mae ihei nga ne au nakhibo nu, mana jaola falao kaisei sipu nalhaꞌu gna ka mae pris mala fafara mala atha koko nakhibogna mana re.

Naba 5:8 ပူးပေါင်းရင်းမြစ်များ

Levitikas 7:7

Lord ne cheke eghu, “Kaisei vetula au maladi phei nafnata fafara igre, fafara mala doglo naikno na ka tathagu iara na, nei fafara mala poloru igne. Vetula igre chekedi nafnahidi phei fafara igre ghedi mae pris, mae ihei te edi fafara igre.

Levitikas 5:16

Eghuteuna mae igne mala poloru eigna vetula teke huhughuni mana nogu glepo blahi iara Lord. Mana mala ke foli fapulo thofno praes gna glepo igne eghuteuna ke nhaꞌa lao kaisei ke klignadi glima sileni ka praes igne. Poloru igne mala tusu lao ka mae pris, eghuteuna mae pris atha sipu nalhaꞌugna igne ka fafara na mala poloru mala atha koko nakhibogna mae igne, eghuteuna iara ginauna atha koko nakhibogna mana na.

Naba 5:7

Eghuteuna ne au nakhibo nga mana nu, mana ke cheke fajifla nakhibognare nei ke poloru eghu: Nu jame blau kaisei gobi glepo ka kaisei mae, mana ke foli fapulo kaisei gobi, eghuteuna ke leghugna igne mana ke nhaꞌa lao varadaki glepo ka kaisei gobi teke blau mana re.

Naba 5:9

“Eghume nodi glepo naiknodi Israel mala fafara te atha te mei ka mae pris igre, tuare nodi mae pris.

Fapea Kings 12:16

Nu sileni te fafara kate poloru, nei sileni te fafara te mala doglo ka tathagna Lord na teu igre theome mala lilisei ka bokis, naugna mala nodi mae pris kolho.