Naba 5:7 - Buka Blahi Ka Cheke Holo

⁷ Eghuteuna ne au nakhibo nga mana nu, mana ke cheke fajifla nakhibognare nei ke poloru eghu: Nu jame blau kaisei gobi glepo ka kaisei mae, mana ke foli fapulo kaisei gobi, eghuteuna ke leghugna igne mana ke nhaꞌa lao varadaki glepo ka kaisei gobi teke blau mana re.

Naba 5:7 ပူးပေါင်းရင်းမြစ်များ

Levitikas 5:5

Jame kaisei mae nabagna te papara eigna kaisei nafnata puhi te diꞌa ka teke edi mana igre, mana cheke fajiflani nakhibo teke eni mana na.

Josua 7:19

Eghuteuna mae Josua ne cheke eghu ka mae Ekan, “Ghema, iagho gognarona kegra ke ulugna God, noda Lord tahati maeda Israel! Iara magnahaghei nigho iagho te cheke thakledi unha teke edi iaghore. Iagho thosei pophoru kaisei glepo ka iara.”

Levitikas 26:40

“Nu ginauna tharaknami ghotilo mala cheke thakledi nakhibodi re, nei cheke thakledi nakhibodi kuꞌedire. Eghuteuna mare ginauna mala cheke thakledi kuꞌedi mare teke figri tagru ghau iara ra. Mare ginauna mala cheke thakledi puhidi kuꞌedi ra teke figri tagrudi iara teke ghilei kuru teidi iara ka nodi kantri nodi naoka mare re. Eghuteuna jame iheire te patu gama igre faparadi thedi, mare laseni papara igne thoke mei ka nakhibodi thedi,

Luku 19:8

Nu mae Sakias ne cheke eghu ka mae Jisas, “Lord, funu gognarogne iara ginauna na tufa keha philegna nogu glepore ka naikno te kumare. Eghuteuna ihei teke chaghini iara na, iara nake tusu fapulo ka mana fati fata uluni unha teke hata iara ka mana na.”

Proveb 28:13

Jame te pophoru iagho nakhibomure, iagho ginauna na theome au fakeli. Nu jame te cheke thakledi iagho nakhibomure, eghuteuna figri tagrudi iagho nakhibo igre teuna, God ginauna kokhoni nigho iagho.

Nodi Khoje Hatimare Mae Jiu 32:5

Nu, Lord, u gaoghathogu na iara magnahaghei te cheke thakledi nakhibogure ka iagho. Eghume, iara neke eni tuana. Ke leghugna te cheke thakledi iara nakhibogure ka iagho na, iara neke theome porudi nakhibogure. Kate cheke thakledi te hui iara re, iagho hata kokodi najafragu nei nakhibogu teu iara re.

Levitikas 7:7

Lord ne cheke eghu, “Kaisei vetula au maladi phei nafnata fafara igre, fafara mala doglo naikno na ka tathagu iara na, nei fafara mala poloru igne. Vetula igre chekedi nafnahidi phei fafara igre ghedi mae pris, mae ihei te edi fafara igre.

Levitikas 5:15

“Jame kaisei mae ka ghotilo theome ghathoni ne huhughuni vetula eigna nogu glepo blahi iara Lord, iagho atha mei kaisei sipu nalhaꞌugna te theo kaisei thona ka thinigna na, malagna fafara te mala poloru igne. Praes gna sipu igne fananaba ka unha teke eni mana na, eghuteuna mare mala fananaba ka praes gna sipu na ka silva koen teke skel mare ka nodi skel mae pris.

Levitikas 5:16

Eghuteuna mae igne mala poloru eigna vetula teke huhughuni mana nogu glepo blahi iara Lord. Mana mala ke foli fapulo thofno praes gna glepo igne eghuteuna ke nhaꞌa lao kaisei ke klignadi glima sileni ka praes igne. Poloru igne mala tusu lao ka mae pris, eghuteuna mae pris atha sipu nalhaꞌugna igne ka fafara na mala poloru mala atha koko nakhibogna mae igne, eghuteuna iara ginauna atha koko nakhibogna mana na.

Naba 5:8

Te lehe mae teke khotogna glepo igne, nu theo kaisei ka mae thabusigna, nei kmagna teu te mala folidi poloru igre, poloru tuare mala famei ka iara Lord mala nodi mae pris. Eghuteuna mae ihei nga ne au nakhibo nu, mana jaola falao kaisei sipu nalhaꞌu gna ka mae pris mala fafara mala atha koko nakhibogna mana re.