Naba 5:3 - Buka Blahi Ka Cheke Holo

³ Neubane nalhaꞌu ba gaꞌase, ghotilo na fajifla naikno te theome keli ka tathagu iara tuare, naugna iara au balumi ghotilo. Ghotilo eni unha te chekeni iara gne na eghunu fadiꞌa mare namono igne.”

Naba 5:3 ပူးပေါင်းရင်းမြစ်များ

Diutronomi 23:14

Ghotilo edi glepo igre naugna Lord nomi God ghotilo igne, mana au balumi ghotilo, eghuteuna mana ginauna reireghi ghami ghotilo, eghuteuna mana ginauna togho ghami ghotilo mala tangomana ghotilo te uludi nomi naokare. Eghume vido te au ghotilo igne mala kaisei vido blahi, eghuteuna Lord theome magnahagheni te filoni kaisei glepo te famamaja ikno ka ghotilo, ba glahu figri tagru ghami mana.”

Thakle 21:27

Nu glepo te thona ba naikno te edi unha te diꞌa ba te chaichaghi koba teu igre theome nabadi te mei ke lamnagna namono biꞌo igne. Nu naikno te rioriso nanghadire ka nogna buka Lam na igre ngala nate au fabrahu tifa tifa ke lamnagna namono biꞌo igne.

Thakle 21:3

Aonu iara ne nomhini kaisei cheke ne jifla mei ka nogna sape nafnakno mae King na, ne eha eghu fabiꞌo, “Filo si ghotilo, gognaro na God au baludi nogna naiknore. Tutuani fara, God thegna ginauna au baludi mala nodi God mare.

Taetus 3:10

Nu mae iheinga ne faꞌeiꞌei magra, ba te fafoafota na, thosei snakreni mala eni fabrahu mana u puhi tuana eghu. Te phei fata cheke nga iagho ka mana te tirogna fanomho mana ka nou cheke iagho re, koko fakosini kau khiloau eghu.

Fapea Tesalonika 3:6

Uve kheraguro, ka nanghagna mae Jisas Kraes noda Lord, ghehati magnahaghei cheke faheta ka ghotilo. Thosei fofodu ka naikno khiloau te tirodi loku are. Naikno te tirodi loku are theome leghudi farirhiu teke tusu ari ghehati ka ghotilo ra.

Profet Isaia 12:6

Tahati naiknoda ka namono Saion, tahati mala koje fabiꞌo! Tahati mala koje, naugna tahati ne glealeꞌa fara! Noda God te blahi, tahati maeda Israel, mana au nolaghi biꞌo, eghuteuna mana au baluda tahati gognaro na.”

Nodi Khoje Hatimare Mae Jiu 68:18

Kate haghe mana ka Thogele Saion na, mana hata ne haghe balugna kmana naikno teke hata mana ka magra re mala tei au jare ka sosolo. Eghuteuna iheire teke huhughuni mana tifa ra ne jaola neke tusu ranghini mana keha namha. Lord God ginauna au ka thogele igne tifa tifa.

Naba 35:34

Ghotilo thosei lisadi kaisei glepo mala fathonani nomi glose ghotilo gne ka tathagu iara na, naugna iara Lord, iara au balumi ghotilo naiknogna Israel ka glose te au teu ghotilo tagna igne.”

Naba 19:22

Eghuteuna keha glepo teke habo mae te theome klino igne na, glepo tuare jaola theome gae, eghuteuna mae ihei teke habo ka glepo tuare, mare jaola theome klino ghilei rafi.”

Eksodas 25:8

“Iagho ginauna chekedi naikno ra mala hohoro kaisei nogu vido blahi iara, eghuteuna iara ginauna au fari hoteidi mare.

Eksodas 29:45

Iara ginauna au baludi naiknodi Israel mala nodi God mare fabrahu.

Levitikas 14:8

“Ke leghu, mae igne mala titihi fagae nogna pohe re eghuteuna ghoighori khakla gnare, eghuteuna mana mala apu, eghuteuna kate edi mana glepo igre, mana ginauna klino ka tathagu iara na. Funu ka narane tuana, mana tangomana te mei lamna ka vido aheva te au ghotilo tagna na, nu mana theome tangomana te tei lamna ka nogna suga tapuale na. Mana mala thuru kosi ka nogna suga tapuale na ghilei thokedi fitu narane.

Naba 5:4

Aonu naiknodi Israel gre ne edi unha teke cheke Lord re, ne kuru fajifla naikno te diꞌare ka namono na.

Naba 16:3

Mare mei ka mae Moses ghe mae pris Eron ne cheke eghu, “Tore! Ghotilo raꞌe la salaꞌui fara! Unha site nhaꞌa fahaghe ghami themi ghopa ke klignami ghehati gnafa gnea? Naikno te gnafa igre naikno blahi, eghuteuna Lord na au balumi ghehati la!”

Levitikas 15:31

“Ka puhi igre, ghotilo te gnafa Israel thosei snakreni kaisei glepo te diꞌa mala fathona ghami ka tathagu iara na. Glahu kafe lehe mare naugna ne theome klino ka tathagu iara na eghuteuna mei goigoni Suga Tapuale te Blahi te au fari hoteimi ghotilo igne.”

Diutronomi 23:15

Mae Moses ne cheke eghu, “Jame kaisei naikno sneka rikha ka nogna funei na mei poru ka ghotilo, ghotilo thosei ke kuru fapuloni.