Naba 5:23 - Buka Blahi Ka Cheke Holo

²³ “Mae pris na ginau riso soru facheke tuana, eghuteuna ke ghiha koko grioriso tuana ka khoꞌu blahi te tangomana goigoni nakarhadi naikno te theome keli re.

Naba 5:23 ပူးပေါင်းရင်းမြစ်များ

Thakle 20:12

Eghuteuna iara ne filodi naikno te gnafa teke lehe ra, mae teke fnakno ba mae teke theome fnakno tifa ra, mare kegra ke ulugna nogna sape nafnakno mae King na. Eghuteuna mare ne tothora bukare mala toutonudi unha teke edi teke mei naikno te gnafare ka nakarhadire. Aonu mare jaola ne tothora nogna buka God na. Mana neke rioriso soru nanghadi naikno te mala karha fabrahu tifa tifa ka buka igne. Mana ne kafe fatedi naiknore leghudi unha teke edi mare re.

Mae Khuru 3:19

Eghume ghotilo hogri nagnafa, mala ke figri ka God, mala hata fadeleidi mana nakhibomire.

Profet Isaia 44:22

Eghuteuna iara la hata fadeleihi nakhibomi ghotilo re, jateula khoveo te pala te tei nuri delei ra eghu. Ghotilo ke figri mei ka iara, naugna iara neke fakarhi ghami ghotilo!”

Profet Isaia 43:25

“Nu tutuani fara, iara Lord nomi God ghotilo. Eghuteuna iara hata koko nakhibomi ghotilo tuare leghuni puhigu iara na. Eghume iara ginauna nake theome ghathodi nakhibomi ghotilo re.

Nodi Khoje Hatimare Mae Jiu 51:9

Thosei filo mei ka puhi te diꞌa te edi iara gre, iara te tore nigho te mala hata fadeleidi ka iara puhi te diꞌa igre.

Nodi Khoje Hatimare Mae Jiu 51:1

God, kokhoni ghau iara, eigna nou namha nei nou lolokeli teu iagho ranghidi naiknore thofno biꞌo fara. Hata fadeleidi sagho puhigu iara te diꞌa gre.

Thoutonu Eigna Mae Job 31:35

“Jame iara magnahaghedi fara keha mae mala fanomho mei ka nogu cheke iara ka fate na. Iara na lilisei nogu fagaglana ka gobigna lepo te chekedi iara re. Eghume, lisa lao ka God mae ihei te au nolaghi fateote'o igne, mala cheke tughu ka iara. Lisa lao ka mae ihei te fathoro ghau iara igne mala rioriso soru unha teke edi iara re.

Fapea Kronikols 34:24

“Igne chekegna Lord na, ‘Iara ginauna goigonini Jerusalem, nei paradi nogna naiknore jateula thibri te gnafa te chekeni ka buka teke iuꞌijuni ghotilo ke ulugna king gna Juda igre.

Diutronomi 31:19

“Gognarona, iara na tusu ari kaisei khoje ka ghotilo, eghuteuna iara magnahaghei ghami ghotilo te rioriso khoje igne. Moses, iagho farirhiudi naiknodi Israel mala koje mare. Ka puhi igne, khoje igne ginauna kaisei glepo te mala laseni te iara leghuni kolho unha teke chekeni ka mare ia.

Eksodas 17:14

Ke leghugna igne Lord ne cheke eghu ka mae Moses, “Rioriso eigna magra igne nei unha cheke igne eghu, eigna iara ginau na dalu koko fahui naiknodi Amalek gre mala theo kaisei naikno ka nauthoglu igne nate ghathodi re. Eghuteuna iagho iu'iju fabiꞌo ranghini mae Josua mala nomhini la ngau mana eghu.”

Naba 5:24

Nu ame koꞌu nga naꞌa khoꞌu blahi na teuna, mae pris ginau atha fajifla flaoa mala fafara na ka khamegna gaꞌase na, eghuteuna tusu haghe kligna ka iara mala fa gaglanagna te nogu iara na. Mana ginau ke atha keha flaoa mala gahu ke kligna olta. Ke leghudi tuare, mana ginau ke atha khoꞌu blahi te tangomana goigoni nakarhadi iheire naikno te theome kelire, me fa koꞌuni gaꞌase na ka khoꞌu blahi igne eghu.