Naba 4:32 - Buka Blahi Ka Cheke Holo

³² Eghuteuna mare jaola mala pala khegra gna bara te au faligohoni vido suga thapuale gne, baludi keha phesi khegra, keha gnarho nei keha glepo langau mala famaku gna bara na, eghuteuna tothoghei tul mala loku re eghu.

Naba 4:32 ပူးပေါင်းရင်းမြစ်များ

Eksodas 38:21

Igre glepo teke edi mare ka gol, nei silva, nei bras eghu te edi mare ka Suga Tapuale te Blahi jaola te kiloni mare “Suga tapuale fagaglana gna nogna Nhaꞌa Cheke Lord.” Moses neke cheke ka Itama thugna pris Eron mala rioriso soru glepo igre, eghuteuna chekedi mae Livaet mala toghoni mana.

Ululahu Kronikols 9:29

Nu keha mae Livaet mala fiofilodi keha glepo blahi te mala loku ka Sugablahi na igre, nei famane flaoa, waen, oliv oel, insens nei keha glepo te mala edi te mala famane siri kelidi oel blahi igre.

Naba 7:1

Kate eni te gnafa mae Moses Suga Thapuale te blahi nogna Lord igne, mana ne atha oel te blahi na ne fablahi suga thapuale na baludi gobigna lepo te au lamna re, nei olta baludi bukrei glepo te au ka olta na.

Naba 3:8

Leuleghu fata na mare mala fiofilodi gobi lepo te au ka nogu Suga Tapuale te blahi iara na, eghuteuna ghotilo jaola edi gloku teke chekedi iara ra eghu.

Eksodas 38:17

Mare atha silva mala ei nhugha te mala loku haghedi khegra ka bara igne. Eghuteuna mare atha silva mala ei thagho mala fagefe haghe pohe brahu igne. Eghuteuna mare edi pesidi re ka bras.

Eksodas 25:9

Eghuteuna ghotilo mala horo Suga Tapuale te Blahi igne nei gobigna lepo te mala au ke lamnagna suga igne, thofno leghuni unha nate falalase iara ka iagho igne.”

Naba 4:31

Gloku mare re mala pala gobi lepo gna Suga Thapuale te blahi igne. Eghume igre glepo mala pala mare re: thaba, keha gaju, khegra baludi keha phesi khegra langau eghu.

Naba 4:33

Eghume tuare nodi gloku mae ka vikegna Merari re. Eghuteuna mae Itama, thugna mae pris Eron gne ngala nodi mae funei mare na.”

Eksodas 27:9

Lord ne cheke eghu, “Mare na eni kaisei bara malagna glalaba te lithui ka Suga Tapuale te Blahi. Mare na susuki kaisei pohe brahu ka famane pohe vegha, mala fagegefe ka bara igne lithuini glalaba igne. Ke mata gna bara igne, brahu gna pohe igne thokeni phiatutu glima mita.

Naba 3:36

Nodi gloku mare na te loku ka keha gloku te au ka Suga Thapuale te blahi igne te mala loku nei reireghidi teu mare re. Jateula keha vido thaba te brahu mala togho hagheni Suga Tapuale te blahi, nei keha glepo te au ke lamnagna Suga Tapuale te blahi igne. Eghume gobigna gloku igre lisa lao ka khamedi mare.

Naba 4:49

Eghume mare ne leghudi unha glepo teke cheke Lord ka mae Moses, mare ne kahadi mae nalhaꞌu re ne facheke gloku mala edi mare nei unha te mala kaikaliti nei pala teu mare re.