Naba 4:14 - Buka Blahi Ka Cheke Holo

¹⁴ Uve, thilomare ginau ke nanhaꞌa gobi lepo teke loku mare re ke kligna olta igne. Keha glepo mala eni khaꞌaghi, keha thagho, keha sevol mala dokha, nei keha dis mala lisei dadaradi sipu te fafara mare re. Thilomare ginauna ke atha kaisei guli vena mala toku thafru olta igne. Ke leghudi tuare, ke lisei lao nga thilomare phei gaju mala pala gna olta igne.

Naba 4:14 ပူးပေါင်းရင်းမြစ်များ

Fapea Kronikols 4:19

Aonu King Solomon neke chekedi mae glokure mala edi glepo te mala lilisei ke lamnagna Sugablahi na. Glepo teke edi mare ka famane gol igre: Olta mala Gahu Insens. Tevo mala lilisei Bret Blahi.

Eksodas 27:3

Eghuteuna mare na ei baket mala nanhaꞌa nakrofu. Eghuteuna edi sevol ikodi, nei dis, nei foke nei baket mala lilisei sisibe ngaja ba nakrofu khaꞌaghi te ngaja teu. Gobigna lepo igre mare edi ka bras.

Naba 4:6

Thilomare na atha kaisei guli vena mala toku lao ke kligna bokis blahi tuana. Eghuteuna ke leghugna tuana, ke atha thilomare kaisei pohe blu mala ke toku lao ngala ke kligna. Aonu ke lisei fapulo phei gaju mala pala gna bokis blahi na.

Naba 4:13

“Eghuteuna ke atha koko thilomare nakrofu teke au ka olta na, eghuteuna ke toku lao olta na ka kaisei pohe ngonge.

Naba 4:15

“Kate tarabana ghotilo mala tei ka keha vido re, mae ka vikegna mae Kohat kolho mala pala gobi lepo tuare. Nu ulu lahu na, mae Eron baludi phei thugna re eghu kolho te mala kaikalitidi gobi lepo tuare, naugna vikegna mae Kohat gre theome tangomana te habo ka glepo blahi tuare. Ne habo nga mare nu, mare ginauna lehe.

Eksodas 27:1

Lord ne cheke eghu ka mae Moses, “Iagho ginauna eni kaisei olta ka thaba gaju akesia. Olta igne kaisei nanaba kolho, brahu gna nei krepa gna teuna thokeni phei gobi varadaki glima sentemita, eghuteuna haghe gna na thokeni kaisei gobi tolufulu glima sentemita.