Naba 36:10 - Buka Blahi Ka Cheke Holo

^10-11 Aonu thugna gaꞌase mae Selofehad, nanghadire: Mala, Tiasa, Milka, nei Noa teure ne leghudi unha teke chekedi Lord ka mae Moses na. Aonu rehati ne tolaghi neu kolho ka thudi nalhaꞌu mae thabusidi mae kmadi thedi na.

Naba 36:10 ပူးပေါင်းရင်းမြစ်များ

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Fapea Kronikols 30:12

Eghuteuna God ne toghodi naiknodi Juda ne kaisei gaoghatho kolho ne leghuni nogna cheke Lord teke chekeni king baludi nogna mae biꞌo mana re.

Levitikas 24:23

Kate tei Moses te cheke ka mare nogna cheke Lord igre ka naiknore, mare hata fajifla ne tei mae te cheke diꞌa ka nangha gna Lord igne. Eghuteuna mare ne fadini mana ka thina ne ghilei lehe. Ka puhi igne, mare ne edi unha teke chekedi Lord ka Moses.

Naba 36:9

Eghuteuna vido glose igne ginauna theome tangomana teke jifla ka tharaknagna mana mala ke tufa tafri ka keha tharakna re. Tharakna te gnafare ginauna tathaji kolho vido glose igne maladi thedi kolho.”

Eksodas 12:50

Aonu naiknore ne leghuni unha te chekedi mae Moses ghe mae Eron re.

Naba 1:54

Aonu naiknodi Israel gre ne edi gobigna lepo teke chekedi Lord ka mae Moses re.

Josua 17:4

Gaꞌase igre tei ne filodi pris biꞌo Eliesa ghe mae Josua nei keha nodi lida mae Israel. Reꞌe ne cheke eghu, “Tifa na, neke cheke ka mae Moses mala snakre mei keha glose ka ghehati, mala jateula keha mae thabusimi ghehati te au nodi glose igre eghu, mala jaola ngau ghehati mala au nomi glose themi.” Aonu mae lida igre ne eni unha teke chekeni Lord ka mae Moses tifa ia. Eghuteuna mare ne snakre lao ka rijon aheva hatimare thabusigna te khotogna, mala tangomana mare te au nodi tagna.