Naba 35:6 - Buka Blahi Ka Cheke Holo

^6-7 “Ghotilo ginauna tufa phia tutu nhana namono ka vikegna mae Livae baludi vido maladi glepo te tautagu mare re. Namno namono ka igre te tufa ghotilo ka vikegna mae Livae re, tuare vido mala poru keha maei. Jame kaisei mae magrani keha mae na, nu lehe mana teuna, ghotilo ginau lisani mana mala tei poru mana ka kaisei namono ka tuare.

Naba 35:6 ပူးပေါင်းရင်းမြစ်များ

Josua 21:3

Aonu mae iheire te baubatu ka vikedi Israel igre ne leghuni unha te chekeni Lord igne ne snakre lao namono nei glose teu igre ka vikegna Livae mala tangomana mare te lilisei nodi buluka, nei sipu, nei nanigot teu ka vido te khotogna mare igne.

Nodi Khoje Hatimare Mae Jiu 9:9

Lord iagho jateula suga te maku ia eghu. Naikno te au papara ka nodi naokare, mare tangomana te tei au jare na. Kate au diꞌanagnafa na mare tangomana te tei poru jare na.

Josua 21:38

Eghuteuna ka nogna vido Gad, mare khotodi fati namono baludi glose te au faligoho ka mala lilisei buluka, nei sipu nei nanigot. Ulu lahu na, namono igre Ramot jare Gilead, kaisei ka namono te mala poru igre, baludi Mahanaem,

Josua 21:36

Ke lamnagna nogna vido Ruben, mare khotodi fati namono baludi glose te au faligoho ka mala lilisei buluka, sipu nei nanigot. Ka namono igre, namono Bese te au ka sare biꞌo ke kligna thogele, igne kaisei ka namono te mala poru ra, baludi Jahas,

Josua 21:32

Eghuteuna ke lamnagna nogna vido Naftali, mare khotodi thilo namono baludi glose te au faligoho ka mala lilisei buluka, nei sipu nei nanigot. Nanghadi thilo namono igre: Hamot-Doa, nei Katan, nei Kedes jare Galili. Kedes gne kaisei ka namono te mala poru igre.

Josua 21:27

Mare ka vikegna Geson te khotodi phei namono baludi glose te au faligoho te mala lilisei buluka, nei sipu nei nanigot ke maghati nogna vido Manase. Nanghadi phei namono re igre: Bestera ghe Golan. Golan gne kaisei namono kate mala poru ka namono biꞌo Basan.

Josua 21:21

Namono ulu lahu na Sekem, namono igne au ka thogele ka vido tuana. Eghuteuna namono igne jaola kaisei ka namono te mala poru ihei te faleheni keha mae na. Eghuteuna keha thilo namono te khotodi mare re, Gesa,

Hibru 6:18

Uve, tahati laseni gaoghathogna God na ginauna theome tughu. Eigna mana neke kulu nhaꞌa cheke ka mae Ebraham nei jaola farerheta nhaꞌa cheke tuana kate cheke ka nhaꞌa cheke ka nanghagna thegna. Eghuteuna God na theome tangomana te chaghini naikno na! Eghume, ka phei glepo igre tahati te gnafa na thono rheta fara gaoghathodare. Uve, tahati rikha ari ka God mala reireghi ghita. Gognaro na tahati au noda fatutuani biꞌo te mala athini glepo teke nhaꞌa chekeni mana na.

Matiu 11:28

“Ghotilo te babaꞌo ka nanhiꞌo te tahu ra mei ka iara mala gnafa, iara ginauna hata fadelei nanhiꞌo te tahu tuana ka ghotilo.

Profet Isaia 4:6

Nogna nolaghi biꞌo mana igne ginauna eni namono igne mala kaisei namono keli mala poru. Eghuteuna neubane naprai biꞌo, ba ne nakhete biꞌo, ba ne saeklon, glepo igre ginauna theome tangomana te mei goigonidi naiknore.

Eksodas 21:13

Nu jame teke theome ghathoni mala faleheni keha mae igne teku mana teke lehe kolho na, mana tangomana te rikha te tei poru ka kaisei vido aheva te vahini Lord te mala au tagna na.