Naba 35:34 - Buka Blahi Ka Cheke Holo

³⁴ Ghotilo thosei lisadi kaisei glepo mala fathonani nomi glose ghotilo gne ka tathagu iara na, naugna iara Lord, iara au balumi ghotilo naiknogna Israel ka glose te au teu ghotilo tagna igne.”

Naba 35:34 ပူးပေါင်းရင်းမြစ်များ

Naba 5:3

Neubane nalhaꞌu ba gaꞌase, ghotilo na fajifla naikno te theome keli ka tathagu iara tuare, naugna iara au balumi ghotilo. Ghotilo eni unha te chekeni iara gne na eghunu fadiꞌa mare namono igne.”

Nodi Khoje Hatimare Mae Jiu 135:21

Ghotilo naikno Jerusalem ra cheke fakelini Lord ka Thogele Saion. Uve, tahati kafe cheke fakelini mana!

Thakle 21:27

Nu glepo te thona ba naikno te edi unha te diꞌa ba te chaichaghi koba teu igre theome nabadi te mei ke lamnagna namono biꞌo igne. Nu naikno te rioriso nanghadire ka nogna buka Lam na igre ngala nate au fabrahu tifa tifa ke lamnagna namono biꞌo igne.

Profet Hosia 9:3

Eghuteuna ghotilo ginauna na theome au ka nogna namono Lord igne. Ghotilo ginauna mala ke tei sosolo fapulo ka kantri Ijep, nei jaola mala ke tei sosolo ka kantri Asiria. Aonu kate tei au teu ka kantri igre, ghotilo ginauna nake ima gano mala thosei ima teku God ra.

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Nodi Khoje Hatimare Mae Jiu 132:14

Mana neke cheke eghu, “Igne vido nate au fabrahu iara tagna na. Vido igne ginauna mala namonogu iara, naugna iara ne khaeni fara.

Ululahu Kings 6:13

Uve, iara ginauna au balumi ghotilo naiknomi Israel, eghuteuna iara ginauna na theome tei koko ghami ghotilo nogu naikno iara ra.”

Eksodas 25:8

“Iagho ginauna chekedi naikno ra mala hohoro kaisei nogu vido blahi iara, eghuteuna iara ginauna au fari hoteidi mare.

Thakle 21:3

Aonu iara ne nomhini kaisei cheke ne jifla mei ka nogna sape nafnakno mae King na, ne eha eghu fabiꞌo, “Filo si ghotilo, gognaro na God au baludi nogna naiknore. Tutuani fara, God thegna ginauna au baludi mala nodi God mare.

Profet Isaia 8:12

“Ghema Isaia, te ghathoni mare na, iagho ne fatei tei cheke poru te mala roꞌeni kantri Juda, nu iagho thosei ghathoni igne. Eghuteuna iagho thosei mhaghuni glepo te mhaghuni mare igne.

Diutronomi 21:8

Lord, iagho gleꞌani fafara igne mala hata fadelei nakhibodi nou naikno iagho teke fakarhidi iagho gre. Thosei lisa mei ke klignami nakhibo igne mala para ghami naugna keha mae neke aknu faleheni mae te doglo igne.’ Eghume, Lord ginauna tangomana hata fadelei nakhibomi ghotilo re ka glehegna mae igne.

Diutronomi 21:23

Thini igne thosei gefeu ka gaju na jare ghilei rane. Ghotilo giugilui thinigna mana na ka narane tuanala. Naugna ihei te lehe ke kligna gaju na, God ginauna parani mana. Eghume, ghotilo mala giugilui thinigna mae ihei teke eni puhi te diꞌa na mala theome goigoni ghotilo glose teke tusu ari Lord ka ghotilo igne.”

Profet Jeremaea 16:18

Iara ginauna phei fata para ghami ghotilo eidi nakhibomi ghotilore, naugna ghotilo ne goigoni nogu namono iara igne ne diꞌa ka tathagu iara na. Uve, nogu namono iara igne fodu ka nomi mumuju ghotilo te theo karha tadi igre.” Igne chekegna Lord.

Naba 16:3

Mare mei ka mae Moses ghe mae pris Eron ne cheke eghu, “Tore! Ghotilo raꞌe la salaꞌui fara! Unha site nhaꞌa fahaghe ghami themi ghopa ke klignami ghehati gnafa gnea? Naikno te gnafa igre naikno blahi, eghuteuna Lord na au balumi ghehati la!”

Diutronomi 6:15

naugna Lord nomi God, mae ihei te au balumi ghotilo igne ginauna diꞌatagna fara ka ghotilo. Diꞌatagna mana igne ginauna jateula kaisei khaꞌaghi biꞌo eghu goigoni ghami ghotilo hui mala theo kaisei ka ghotilo te karha au teu ka nauthoglu igne.

Profet Esikiel 35:10

“ ‘Neuba iara ne reireghidi phei kantri Juda ghe Israel gre, nu ghotilo theome ghatho tahu ghau kolho iara, eghuteuna ghotilo cheke eghu, “Ginauna namono ka phei kantri igre mala noda tahati, eghuteuna tahati ginauna tei hata namono tuare.”