Naba 35:30 - Buka Blahi Ka Cheke Holo

³⁰ “Jame kaisei mae faleheni keha mae na, mae tuana jaola mala lehe. Nu ghotilo mala au phei ba thiloi nomi witnes mala cheke fajiflani glepo igne ne tuani ba theo teuna, nu jame te kaisei mae witnes kolho na mana theome nabagna te lehe na.

Naba 35:30 ပူးပေါင်းရင်းမြစ်များ

Hibru 10:28

Mae ihei teke huhughudi nogna vetula mae Moses igre eghuteuna phei mae ba thiloi filoni mana te huhughuni vetula na, naiknore neke theome kokhonini mana. Mare neke faleheni mana.

Matiu 18:16

Te tirogna fanomho fakeli mana ka iagho na, iagho ke pulo ka mana fapea fata na. Nu iagho toreni kaisei ba phei naikno mala tei balumu. Naugna grioriso te blahi na cheke eghu, ‘Kate fathoethoke kaisei mae eigna keha mae na, phei ba thilo naikno au balugna mana mala fanomho ka unha te chekeni mana na, nei kaisei gaoghatho ka unha te chekeni mana na.’

Diutronomi 19:15

Aonu mae Moses ne cheke eghu, “Ghotilo theome tangomana te fateni ihei jame te kaisei witnes kolho te chekeni najafragna mana na. Phei ba thilo mae te mala witnes ka najafra teke eni mana na ame fateni nga ghotilo mana eghu.

Fapea Korin 13:1

Igne fatilo fata nate ari posa iara ka ghotilo na. Ghathoni u grioriso te blahi na ne cheke eghu, “Kate fathoethoke ihei eigna keha naikno na, phei ba thilo naikno teke filo tathadi puhi igne na mala au fanomho ka unha te chekeni mana na.”

Ululahu Timoti 5:19

Thosei fanomho ka fathoro te eni ihei ranghini mae biꞌo ka khiloau na, eghu te kaisei mae kolho te theome phei ba thilo naikno te kulu mei toutonu fakeli ka iagho eigna u fathoro tuana.

Thakle 11:3

Eghuteuna ke lamnadi narane igre, iara ginauna tusu lao nolaghi ka phei nogu mae profet igre mala toutonuni phiamare chekegna God na. Phiamare ginauna pipichi pohe pipito teke hohoro ka khakla nanigot, fagaglana gna nodi diꞌanagnafa na.”

Jone 7:51

“Nu noda vetula tahati ia, theome keli te fateni naikno na kate theome nomhini teu mana na. Tahati na theome fateni mana ghilei laseni ngau tahati unha puhi teke eni mana na.”

Naba 35:16

“Eghuteuna jame kaisei mae hata glepo mala magra ba aean, ba thina, ba thaba, eghuteuna faleheni keha mae na teuna. Mae tuana mae aknu poru, eghuteuna ghotilo mala faleheni mana. Eghuteuna kheragna mae ihei teke lehe na, mana te mala faleheni mae aknu poru tuana.

Eksodas 21:12

Lord ne cheke eghu, “Jame kaisei mae tuti fadiꞌani nei faleheni eghu keha mae na, ghotilo jaola aknu faleleheni mana.

Levitikas 24:17

“Eghuteuna jame kaisei mae faleheni keha mae na leghuni unha teke ghathoni mana na, ghotilo mala faleheni mana.

Naba 35:31

“Jame kaisei mae faleheni keha mae na, ghotilo jaola mala faleheni mana. Ghotilo theome tangomana te atha sileni mala foli fajifla nakarhagna mana mala snagla mana teuna.

Diutronomi 27:24

“ ‘Puhi biꞌo ginauna thokeni ihei te aknu falehe poruni kheragna na.’ Eghuteuna naiknore ginauna cheke eghu, ‘Amen!’