Naba 35:20 - Buka Blahi Ka Cheke Holo

²⁰ Jame kaisei mae diꞌatagna nei ghaoghatho mala goigonini keha mae na, ba faleheni mana ka keha puhi jateula te huju soruni pari, ba fada thina ni,

Naba 35:20 ပူးပေါင်းရင်းမြစ်များ

Eksodas 21:14

Nu jame kaisei mae neke kulu ghathoni te mala aknu faleheni keha mae na, neuba mana ne rikha ne tei poru ka nogu olta iara na, ghotilo tei atha fajifla mala aknu faleleheni.

Diutronomi 19:11

“Nu jame kaisei mae theome keli ranghini keha mae na, eghuteuna leghuni gaoghatho te diꞌa na ne magrini nei faleheni eghu mana teuna, aonu mana rikha tei ka kaisei namono mala poru igre.

Fapea Samuel 20:10

Nu mae Amasa theome laseni naflahi te au fei khame mairigna mae Joab igne. Mae Joab thoghi naflahi igne ka thi'agna mae Amasa na ne jifla butu na. Mana khoko soru pari ne lehe. Mae Joab ne kaisei fata kolho ka naflahi igne ne lehe mae Amasa. Aonu mae Joab ghe mae Abisae jifla jare ne tei hironi mae Seba thugna mae Bikri.

Fapea Samuel 3:27

Kate posa mei mae Abna ka namono na, mae Joab hatani mana ne tei ka grengathagna namono te bara ka thina biꞌo na. Mana jateula te magnahaghei te mala cheke pouporu balugna thegna ra eghu. Mae Joab hata naflahi na ne thoghi ka thiꞌagna mae Abna na. Aonu mae Abna ne lehe soru ka vido igne. Mana neke eni igne, naugna mae Abna neke faleheni mae Asahel.

Jenesis 4:8

Nu mae Kein ne tirogna fanomho ka Lord. Kaisei fata mae Kein ne cheke ka mae Abel tahigna na mala tei nonolo balugna. Eghuteuna kate au teu phiamare mhata na, mae Kein ne kegra haghe ne akni faleheni mae tahigna na.

Mae Khuru 23:21

Nu thosei fatutuanidi mare! Naugna naba phiatutu mae salaꞌui poru ofou mala faleheni mae Pol. Mare la kulu enihi kaisei nhaꞌa cheke biꞌo mala theome ghamu ba theome koꞌu ghilei faleheni mana! Gognaro mare ofoniu kolho chekemu iagho na.”

Mae Khuru 20:3

ne au jare thilo nhigra. Ke leghugna igne, mana tarabana mala tei ka vaka thoke ka Provins Siria, nu mana ne nomhidi keha mae Jiure ne ghaoghaho mala faleheni mana. Aonu mae Pol ne tughu nagnafa neke pulo sala'u ka Provins Masidonia.

Luku 4:29

Aonu mare kegra haghe ne kuru fajiflani mana ke kosigna namono na. Namono tuana au ka thogele na. Aonu mare hatani mae Jisas ne tei jare mala koko soruni mana ka phegu na.

Nonomho Te Keli Teke Risoi Mae Mak 6:19

Eigna igne te thono diꞌatagna fara Herodias te magnahaghei faleheni mae Jone Apublahi na. Nu naꞌa theome tangomana naugna mae Herod.

Proveb 28:17

Thosei toghoni ihei te nabagna te mala au papara na, naugna mana neke falehe naikno. Mana ginauna na theome au snoto ghilei lehe.

Proveb 26:24

Mae te theome magnahaghei nigho iagho na, mana famane cheke mala pophoru gaoghatho te diꞌa na.

Nodi Khoje Hatimare Mae Jiu 11:2

Naugna hatimare mae te diꞌa gre la lolhohi nodi phalohore. Mare poru kate romno na la fatoti laohi nodi jatare ka gnarhodi nodi phalohore mala fada ka nagnafadi naikno te doglore.

Fapea Samuel 13:22

Eghuteuna mae Absalom jaola ne diꞌatagna fara ka mae Amnon, nei theome cheke fabrahu ka mana. Naugna mae Amnon ne eni puhi te diꞌa na ka greghagna na. Aonu mae Absalom ne theome magnahaghei te filoni tathagna mae Amnon.

Ululahu Samuel 24:11

Mama, filo mei sagho ka nou nabreku pohe igne. Jame magnahaghei aknu falehe nigho iara na, iagho jame neke falehehi! Nu iara neke atha kolho katha nou nabreku pohe iagho! Filo sagho, iara theome ghathoni kaisei glepo te mala falehe nigho iagho na. Iara jaola neke theome eni kaisei glepo te diꞌa ranghi nigho iagho, nu iagho hiro ghau iara mala falehe ghau iara!

Ululahu Samuel 20:1

Mae Devet ne rikha Naeot Rama ne tei thafoni mae Jonatan ne cheke eghu ka mana, “Unha najafra si teke eni iara te diꞌatagna mae kmamu iagho ignea? Iara theome huhughuni kaisei vetula. Ba, unha glepo te diꞌa si teke eni iara ka mana te magnahaghei falehe ghau iara mana gne?”

Ululahu Samuel 18:25

Aonu mae Sol ne cheke ka mare mala ke tei cheke eghu ka mae Devet, “Fofoligna gaꞌase igne, king magnahaghei kaisei gobi vido guli ka thinidi hatimare mae soldiadi Filistia gre mala laseni mana te lehe mare ka magra na. Igne mala ke tughu fapulo glepo te diꞌa teke edi mae naokara.” Te ghathoni mae Sol na, ka puhi igne jame te lehe mae Devet ka mae Filistia gre.

Jenesis 4:5

Nu Lord ne theome ghatho tahuni nogna fafara mae Kein na. Mae Kein ne diꞌatagna ne ngingirini fara.

Naba 35:21

ba diꞌatagna nei magrani mana, nu mana kaisei mae aknu poru, ghotilo ginauna faleheni mana. Uve, kheragna mae te lehe igne ginau faleheni mana kate thafoni mana na.