Naba 35:2 - Buka Blahi Ka Cheke Holo

² “Cheke ka naiknodi Israel gre mala tufa keha vido glose ka vikegna mae Livae gre mala au mare, kate uludi ghotilo nodi vido mare re.

Naba 35:2 ပူးပေါင်းရင်းမြစ်များ

Profet Esikiel 48:8

“Glose ke mata nohi Juda igne, lisa fadelei maladi keha puhi. Krepagna te funu ke raru te tei ke mata na, nabotho phei kilomita vidogna. Eghuteuna brahugna na ginauna funu ke maghati tei ke mosu. Kaisei nanaba jateula te hata keha vike are eghu kolho. Eghuteuna nogu Sugablahi iara na ginauna au farihoteidi glose igre.

Naba 35:1

Kate au teu mare ka vido sare biꞌo Moab, ka keha philegna khoꞌu te funu Jeriko, rhegna khoꞌu Jordan na, Lord ne cheke eghu ka mae Moses,

Naba 35:3

Namono igre ngala mala au mare tagna. Eghuteuna vido te au faligohoni namono igne ginau nodi vido mare mala reireghidi buluka nei keha glepo te tautagu teu mare re.

Diutronomi 18:6

“Jame kaisei mae ka vikegna Livae jifla ka namono gna na jare Israel, eghuteuna mana magnahaghei te tei au ka nogna vido blahi Lord na.

Fapea Kronikols 11:14

Mae igre jifla kokodi nodi suga nei glose teure ne mei Jerusalem nei aheva langau ka keha vido Juda are eghu. Naugna Jeroboam nei vikegna mana re eghu ne theome snakredi mae pris te edi nogna gloku Lord.

Fapea Kronikols 31:19

Keha mae pris ka tharaknagna mae Eron igre, mare reireghi sipu ba buluka ka vido te au falithui ka namonodi re, ba rhedi keha namono are. Hesekaea ghe Pris Asaraea vavahi keha mae Livaet mala tufa gano langau ka mae pris igre. Eghuteuna mare tufa gano langau ka naikno te gnafa teke rioriso soru mare thura nanghadi re ka mae Livaet.

Ululahu Kronikols 13:2

Eghuteuna mana ne chekeni nogna gaoghatho na ka naikno te gnafadi Israel teke mei Hebron. Mana ne cheke eghu, “Te ghathoni iara na, jame te keli na tahati hata ke fapulo mei agne nogna Bokis Blahi noda God. Naugna tahati la theome ghathonihi funu ka narane teke King Sol ia. Jame te doglo ka gaoghathogna Lord noda God na, ghotilo na jaola glealeꞌa, eghuteuna tahati ginauna kurudi keha mae mala tei ka kherada Israel ra, mae pris ra, mae Livaet te au ka namono agne Israel ra, mala jifla tei heva heva mala kilo meidi mala loku fodu baluda tahati agne.”

Nehemaea 13:10

Iara jaola nomhidi mae Livaet nei mae mala koje ka nogna Sugablahi God na teu igre jifla Jerusalem neke figri ka namonodi re mala loku ka nagare, naugna naiknore theome tufa ghedi gano mare.