Naba 34:5 - Buka Blahi Ka Cheke Holo

⁵ Aonu funu jare, fofotagna igne ne leghuni jari khoꞌu ikoi ka nodi vido naiknodi Ijep ne tei thoke ka Thongna Mediterenian.

Naba 34:5 ပူးပေါင်းရင်းမြစ်များ

Josua 15:4

eghuteuna tei me posa ka namono Asmon. Nohi igne leghuni khoꞌu ikoi ka nohigna nodi glose naiknodi Ijep, tei posa Thongna Mediterenian. Jare gnafa nohigna ke mata na.

Jenesis 15:18

Ka narane igne Lord ne nhaꞌa cheke ka mae Ebram. Lord ne cheke eghu ka mana, “Iara ginauna na tusu ari ka vikemu iagho re namono igne. Funu ka khoꞌu biꞌo Ijep tei posa ka Khoꞌu biꞌo Iufretis.

Profet Isaia 27:12

Ka narane tuana, Lord ginauna paradi naiknore funu ke raru Khoꞌu biꞌo Iufretis te posa ke mata nohi Ijep. Ginauna na jateula mae te koko khune wit te hata ganodi re te lisei fakeli ra eghu. Lord ginauna salofodu naiknodi Israel ka vido igne.

Ululahu Kings 8:65

Aonu King Solomon nei naikno te gnafa Israel igre ne ei gaghamu biꞌo eigna grorofe, mare ne eni gaghamu igne fitu narane. Eghuteuna ke leghugna igne mare neke eni gaghamu igne nabagna keha fitu naranei. Ka narane igre kmana naikno fara te mei funu ka namono ke raru Lebo-Hamat, tei posa ka khoꞌu ikoi ka nohi ke mata Ijep.

Josua 15:47

Eghuteuna keha namono re Asdod baludi namono te gnafa nei namono ikodi te gnafa teu te lithui, eghuteuna namono Gasa baludi namono te gnafa nei namono ikodi te gnafa teu te gnafa igre, tei posani khoꞌu ikoi te fofotagna nodi glose naiknodi Ijep ke mata na, eghuteuna tei me posani Thongna Mediterenian ke mosu na.

Profet Esikiel 47:19

Ka nohi ke mata na ginauna fufunu ka namono Tama tei salaꞌu ka namono nagou na, eghuteuna tei posa ka glokha khoꞌu Meribat-Kades. Nohi igne tei ke mosu, leghui jari ka nohi ke mata Ijep tei gnafa ka Thongna Mediterenian.

Profet Daniel 11:45

Eghuteuna king ginauna babana haghe nogna suga tapuale biꞌo na farihotei Thongna Mediterenian ghe Thogele blahi Saion. Nu mana ginauna lehe jare, eghuteuna ginauna na theo kaisei naikno nate au teu te toghoni mana na.”