Naba 33:56 - Buka Blahi Ka Cheke Holo

⁵⁶ Eghuteuna iara ginauna para ghami ghotilo jateula teke kulu roghe mala paradi mare teku iara ia.”

Naba 33:56 ပူးပေါင်းရင်းမြစ်များ

Diutronomi 28:63

Mei te posa gognarogne, kate leghuni Lord ghotilo na mana neke keli tagna ka ghotilo neke tusu ranghi ghami nakarha te keli neke thovu neke kmana naikno. Nu jame te theome leghuni ghotilo mana na, mana ginauna keli tagnau kolho te thofno goigoni ghami ghotilo na. Jateula mae ihei te rathu koko buburu te diꞌa ka nagare ra eghu, mae naoka igre ginauna mei hata fajifla ghami ghotilo ka glose nate tei te hata ghotilo igne.

Diutronomi 29:28

Lord ne thofno diꞌatagna fara, aonu mana brue fajifladi ka nodi namono re jateula ihei te rathu koko buburu te diꞌa re ka nogna nagare na ia eghu. Eghuteuna koko teidi ka keha kantri delei, aheva te au teu mare tela ghilei mei posa ka narane gognaro gre!’

Levitikas 20:23

Ghotilo ginauna mala thosei leghudi nodi kastom te diꞌa naikno bongihehe gna kantri teke brue fajifladi iara ra, mala tei au ghotilo tagna. Naikno bongihehe igre neke edi kmana glepo te diꞌa, iara thofno tirogudi mare.

Levitikas 18:28

Nu jame te leghuni ghotilo puhi te diꞌa na, glose igne ginauna na jateula mae ihei te rogna luꞌara eghu, eghuteuna mana ginauna luꞌa fajifla ghami la ghotilo jateula te edi mana ka keha naiknora eghu.

Naba 33:55

“Nu jame te theome brue fajifla ghotilo naikno te gnafa ka vido tuana na, mare ginauna edi kmana puhi ka ghotilo. Mare jateula gaju ikodi te tangomana juru ka tathami ghotilo ra eghu, ba jateula buburu fajujuru te tangomana juru ka thinimi ghotilo re eghu. Leuleghu fata na mare ginauna edi kmana hoholo fabrahu ka ghotilo.

Naba 34:1

Lord ne cheke eghu ka mae Moses,