Naba 32:38 - Buka Blahi Ka Cheke Holo

³⁸ Nebo, Baal-Meon, nei namono Sibma. Kate edi te gnafa mare namono igre, mare neke tughu nanghadi namono re.

Naba 32:38 ပူးပေါင်းရင်းမြစ်များ

Profet Isaia 46:1

Igne leghu lahudi phei mumuju god, Bel ghe Nebo, te mala tarai naiknodi Babilonia ra. Nu phei god igre dongki kolho te pala tafridi re. Phei dongki igre, thono tahu fara, eghuteuna dongki te pala igre jaola thono babaꞌo nodi fara.

Naba 32:3

“Ka namono biꞌo Astarot, Dibon, Jasea, Nemra, Hesbon, Eleale, Sebam, Nebo, nei Beon teke uludi Lord malada tahati tekura, thofno keli fara maladi glepo te tautagu igre, eghuteuna iagho jaola laseni te au nomi kmana buluka, sipu, nei nanigot teu ghehati gre.

Josua 23:7

Ghotilo thosei fofodu baludi naikno bongihehe te au teu balumi ghotilo are. Eghuteuna ghotilo thosei tarai ka nanghadi nodi god mare tuare. Eghuteuna ghotilo thosei baubahu tadi ba loku ranghidi ba pogho soru ranghidi.

Eksodas 23:13

“Fanomho fakeli nei leghudi eghu ghotilo unha te cheke iara ka ghotilo igre. Iara theome snakre ghami ghotilo te pogho soru te tarai ghotilo ka mumuju na, ba te chekedi ghotilo nanghadire. Nangha tuare iara theome magnahaghei te nomhidi ka foflomi ghotilore.”

Nodi Khoje Hatimare Mae Jiu 16:4

Iheire te tufru soru ka mumuju tuare ginauna hata mei kmana hoholo kolho ka thedi. Iara ginauna na theome fafara fodu baludi, ba cheke thakledi nanghadi nodi god mare tuare.

Naba 22:41

Ka hamerane gna keha rane na, mae Balak athani mae Balam ne tei ka thogele Bamot-Baal, jare ka vido tuana, mae Balam ne filodi keha naiknodi Israel re.

Jenesis 26:18

Tifa na mae Ebraham neke dokha khoꞌu seu ka vido igne, nu kate lehe mana na, hatimare maedi Filistia gre neke fufruni khoꞌu seu igre. Aonu mae Isak neke dokha fapulo u khoꞌu seu igre neke lilisei fapulo nangha teke fangangha mae kmagna tifa re.

Naba 32:37

Eghuteuna vikegna Ruben re jaola ne eni fakeli gringni thina biꞌo te bara ligohodi namono Hesbon, Eleale, Kiriataem,

Esra 10:43

Ka tharaknagna mae Nebo: mae Jel, nei mae Matitaea, nei mae Sabad, nei mae Sebina, nei mae Jadae, nei mae Joel, nei mae Benaea.

Profet Isaia 16:8

Nagare te gnafa te au ka namono Hesbon, baludi nodi nagare grep te gnafa ka namono Sibma igre, la goigoni fahuihi mae naoka gre. Nagare igre biꞌo fara ghilei tei posa ke raru namono Jasa, eghuteuna ke maghati namono nagou nei ke mosu Thongna Lehe. Nu mae te funei fruni ka keha kantri igre goigonidi fara famane nagare igre.

Profet Jeremaea 48:1

Lord mae ihei te au nolaghi fateote'o, nei nodi God mae Israel teu igne ne cheke eghu eidi naikno te au ka kantri Moab: “Kokhonini fara namono biꞌo Nebo! Naꞌa ginauna groꞌe theo tokagna. Naoka ginauna jaola uluni namono Kiriat, eghuteuna mare ginauna paꞌe sukha nodi vido mala poru re, eghuteuna naikno gna namono biꞌo tuana ginauna mamaja nodi fara.

Profet Esikiel 25:9

Eghume iara ginauna snakredi mae naokare mala mei magra ka namono te rheta te au rhegna nohigna kantri Moab. Mare ginauna goigoni famane namono Bet-Jesimot, nei Baal-Meon, nei Kiriataem te au ka nohi te fofotagna kantri igne.

Diutronomi 32:50

Iagho ginauna lehe jare ka thogele tuana, jateula thabusimu iagho Eron teke lehe ka thogele Hor.

Profet Jeremaea 48:21

Namono te au ka sare biꞌo Moab igre, iara ginauna paradi fara. Namono Holon, Jasa, Mefat,

Profet Jeremaea 48:23

Kiriataem, Bet-Gamul, Bet-Meon,