Naba 32:3 - Buka Blahi Ka Cheke Holo

^3-4 “Ka namono biꞌo Astarot, Dibon, Jasea, Nemra, Hesbon, Eleale, Sebam, Nebo, nei Beon teke uludi Lord malada tahati tekura, thofno keli fara maladi glepo te tautagu igre, eghuteuna iagho jaola laseni te au nomi kmana buluka, sipu, nei nanigot teu ghehati gre.

Naba 32:3 ပူးပေါင်းရင်းမြစ်များ

Profet Jeremaea 48:34

“Naogladi naikno te tanhi fabiꞌo ka namono Hesbon, Eleale nei Jahas tangomana te nomhi laodire. Eghuteuna naikno te au ka namono Soa, Horonaem, nei Eglat-Selisia jaola nomhidi. Eghuteuna khoꞌu ikoi Nimrim igne ginauna krango dofini.

Josua 13:17

Kmana namono au ka sare igne. Namono igre Hesbon, nei Dibon, nei Bamot-Baal, nei Bet-Balmeon,

Profet Jeremaea 48:45

“Iheire te fariuriu rikha mala tei poru ka namono Hesbon teu igre ginauna glaꞌe sukha, naugna ka namono tuana nogna suga King Sihon igne ginauna gnhubra ka khaꞌaghi baludi keha suga te au rhegnai. Eghuteuna khaꞌaghi igne ginauna jifla mei mala nhako vido te gnafa ka kantri igne baludi nodi suga iheire te foflo biꞌo gognaro gre.

Profet Jeremaea 48:32

Iara ginauna kokhonidi nei tanhidi eghu naikno te au ka namono Sibma ke tulaodi te tanhini iara namono Jasa ka nohi Amon. Namono Sibma igne kaisei famane namono fara, jateula gaju grep te kotu te brahu fara gregegna ra eghu. Tutuani, keha gregere brahu tei kasa ka Thongna Lehe eghuteuna kehare tei posa Jasa. Nu mae naokare ginauna mei goigonidi nomi nagare grep ghotilo are mala theome tangomana ghotilo te atha kaisei gano tadi re.

Profet Jeremaea 48:2

Ginauna na theo kaisei naikno nate ghatho tahuni kantri Moab. Ka namono biꞌo Hesbon mare ginauna ghaoghaho fadiꞌa mala goigoni ni. Mare ginauna cheke eghu, ‘Tore! Tahati mala thofno fahuini kantri tuana gognarona!’ Ghotilo naiknomi Madmeni ra ginauna au kmu kholo jateula mae tela lehehira eghu, naugna naflahi igne ginauna ngolhi ghami ghotilo.

Profet Isaia 15:6

Khoꞌu biꞌo Nimrim igne ne krango soru, eghuteuna buburu te kotu ka gerigna khoꞌu na igre jaola ne kafe gnhagha soru, heva heva ka kantri igne. Theo kaisei glepo te kotu haghe jare na, naugna gobigna lepo fateote'o igre la kafe gnhagha soruhi gognarona.

Nehemaea 9:22

“Iagho neke snakredi kuꞌemi ghehati ra neke magra ka King Sihon ka kantri Hesbon nei King Og gna kantri Basan. Eghuteuna mare tapla faparidi phiamare ne hata nodi vido glose phiamare re. Eghuteuna glose igne neke vido glosegna nodi kantri mare na.

Jajis 11:26

Ghehati khotodihi phei namono Hesbon ghe Aroa, baludi namono ikodi te au faligohodi phei namono igre, nei baludi namono te gnafa te au ka keha philegna khoꞌu biꞌo Anon nabagna thilo gobi finogha gognarona. Igne thofno raugha farahi, eghume naugna unha ne theome mei hata ka ghehati tifa?

Josua 13:19

nei Kiriataem, nei Sibma, nei Seretsaha ka gukhu ke holo rhegna Thongna Lehe,

Naba 32:1

Vikegna mae Ruben, nei vikegna mae Gad teure au nodi kmana buluka, sipu, nanigot, nei dongki neu. Mare ne filoni nohi Gilead te keli fara na nei keha vido te au faligohoni namono Jasea teure ne keli fara la te mala faghamudi buluka, sipu, nei nanigot teure.

Naba 21:28

“Tifa na, mae soldiare neke jifla mei Hesbon jateula khaꞌaghi neku. Uve, mare neke goigonini namono Ara jare Moab. Eghuteuna mare jaola neke goigonidi goro mae funei gna vido blahi Bamot-Anon na.

Naba 21:30

“Nu, tahati neke falehedi maedi Amoa re funu Hesbon ke raru tei posa Dibon ke mata. Eghuteuna tahati jateula khaꞌaghi biꞌo te nhako fahui namono te gnafa funu Nofa tei posa Medeba.”

Naba 21:32

Eghuteuna ke leghugna teke kuru teidi mae Moses keha mae mala tei filo ka namono Jasea, mae armidi Israel re tei ne magra nei ngolhidi neu naiknodi Amoa te au teu jare re nei keha namono ikodi te au faligohoni namono tuana.

Naba 32:2

Aonu mare ne tei filodi mae Moses ghe mae pris Eleasa nei keha mae lida teure ne cheke eghu ka mare,

Profet Jeremaea 48:1

Lord mae ihei te au nolaghi fateote'o, nei nodi God mae Israel teu igne ne cheke eghu eidi naikno te au ka kantri Moab: “Kokhonini fara namono biꞌo Nebo! Naꞌa ginauna groꞌe theo tokagna. Naoka ginauna jaola uluni namono Kiriat, eghuteuna mare ginauna paꞌe sukha nodi vido mala poru re, eghuteuna naikno gna namono biꞌo tuana ginauna mamaja nodi fara.

Profet Esikiel 25:9

Eghume iara ginauna snakredi mae naokare mala mei magra ka namono te rheta te au rhegna nohigna kantri Moab. Mare ginauna goigoni famane namono Bet-Jesimot, nei Baal-Meon, nei Kiriataem te au ka nohi te fofotagna kantri igne.

Josua 21:39

nei Hesbon, nei Jasea.