Naba 32:22 - Buka Blahi Ka Cheke Holo

²² Eghuteuna kate khotogna ghehati vido tuana, ghotilo tangomana teke pulo mei ka namono igne, naugna ka narane tuana ghotilo ginauna fagnafahi gobigna lepo teke nhaꞌa chekedi ghotilo ka Lord nei ka keha vike te gnafa Israel ra. Aonu Lord ginauna tusu ari vido glose igne ka ghotilo.

Naba 32:22 ပူးပေါင်းရင်းမြစ်များ

Josua 22:9

Soldia ka vikegna Ruben, nei ka vikegna Gad, nei ka vikegna Manase teu igre neke pulo ka nodi namonore. Mare jifla kokodi kheradire mala au faleghu ka namono Saelo jare Kenan, mala ke figri ka namono biꞌo Gilead aheva te thofno khotogna mare na, leghuni unha teke chekeni Lord ka Moses tifa.

Josua 22:4

Eghuteuna gognarona Lord nomi God ghotilo na ginau tusu ranghidi vikemi ghotilo re pharikeli mala au fakeli ka nomi glose ghotilo re, jateula teke nhaꞌa cheke mana tifa ia. Eghuteuna thofno keli fara ghotilo teke figri ka nomi namonore, ka nomi glose teu te khotodi ghotilo ka keha phile Khoꞌu biꞌo Jordan, aheva Moses teke tusu arihi ka ghotilo tifa ra.

Diutronomi 3:20

Ghotilo mala toghodi kherami are ghilei au nodi namono mare te mala au tagna na. Eghuteuna mare jaola neke hata glose ka keha phile ke mosu Khoꞌu biꞌo Jordan aheva Lord nomi God ghotilo nate tusu ari ka ghotilo. Eghuteuna ghotilo mala au baludi mare ghilei gnafa magra na, eghuteuna Lord ginauna toghodi mare mala au fakeli, jateula ghotilo te au fakeli ka glose teke tusu ari iara ka ghotilo igne. Eghuteuna ke leghudi glepo igre, ghotilo ginauna tangomana na teke pulo mei mala au ka glose tekela tusu arihi iara ka ghotilo igne.’

Josua 13:8

Teke vikedi mae Ruben, mae Gad nei mae Manase teu igre ginauna atha vido glose ke maghati khoꞌu Jordan. Naugna mae Moses nogna mae gloku God igne neke tufahi ka mare.

Josua 1:15

Ghehati na magra heta mala ghilei uludi namono te gnafa ka keha phile ke mosu Khoꞌu biꞌo Jordan. Lord noda God neke nhaꞌa chekehi te mala tusu mei ka ghehati na. Eghuteuna kate hata kasa ghehati namono teke tusu mei Lord ka ghehati igne na, ghotilo ginauna nake pulo mei ka namono te au ke maghati Khoꞌu biꞌo Jordan.”

Nodi Khoje Hatimare Mae Jiu 78:55

Aonu kate theome posa nga teu naiknore ka vido tuana, mana neke brue fajifladi naikno bongihehe teke kulu au teku jare re. Aonu mana ne tufa nodi glose naikno bongihehere ka naiknodi Israel, eghuteuna snakredi nogna naikno thegnare mala ke khotodi nodi suga tapuale naiknore.

Fapea Samuel 3:28

Ke leghu, kate nomhini igne mae Devet ne cheke eghu, “Lord na laseni glehegna mae Abna, thugna mae Ner igne theome nakhibogu iara, nei nakhibodi nogu naikno iara igre eghu.

Josua 18:1

Ke leghugna te magra te uludi nodi naokare, naiknodi Israel gre mei ne khapru ka namono Saelo ne lisei haghe nogna Suga Tapuale te Blahi Lord na ka vido igne.

Josua 11:23

Mae Josua ne kafe atha tongana namono igre ne tufa fari hoteidi vike te gnafa Israel. Eghuteuna kate atha te gnafa mae Israel namono igre, mare ne gnafa magra na ne au soru ka pharikeli.

Josua 10:42

Ka narane tuare, Lord, nodi God maedi Israel igne ne toghodi mare mala uludi nei hata eghu nodi namono mae naoka igre.

Josua 10:30

Lord ne toghodi mare ne uluni magra igne. Aonu mare ne hata king na, eghuteuna mare ne aknu falehe ne gnafa naiknore ne theo kaisei te karha na. Mana ne eni nafnata puhi igne ka mae king gna Libna jateula teke eni mana ka mae king gna Jeriko ia neu.

Josua 2:19

Jame ihei te jifla ka suga igne, eghuteuna lehe ka ghehati teuna, tuana nakhibogna thegna, ghehati ginauna theome au papara tagna. Nu jame kaisei ka ghehati te aknu falehe kaisei te au ke lamnagna suga igne na, ghehati ginauna au papara tagna.

Levitikas 14:34

“Kate tei ghopa te atha glose gna Kenan nate tusu ari iara ka ghotilo te mala khotogna fabrahu igne, eghuteuna jame kaisei naikno filoni kaisei thona teke lilisei iara te kotu ka gringni gna nogna suga na,

Naba 32:21

Eghuteuna jame kasa te tei nomi mae soldia ghotilo gre ka keha philegna khoꞌu Jordan, eghuteuna tei ke ulugna Lord, ghilei brue fajifladi Lord mae naokare ka vido tuana.