Naba 32:1 - Buka Blahi Ka Cheke Holo

¹ Vikegna mae Ruben, nei vikegna mae Gad teure au nodi kmana buluka, sipu, nanigot, nei dongki neu. Mare ne filoni nohi Gilead te keli fara na nei keha vido te au faligohoni namono Jasea teure ne keli fara la te mala faghamudi buluka, sipu, nei nanigot teure.

Naba 32:1 ပူးပေါင်းရင်းမြစ်များ

Naba 21:32

Eghuteuna ke leghugna teke kuru teidi mae Moses keha mae mala tei filo ka namono Jasea, mae armidi Israel re tei ne magra nei ngolhidi neu naiknodi Amoa te au teu jare re nei keha namono ikodi te au faligohoni namono tuana.

Naba 32:35

Atrot-Sofan, Jasea, Jogbeha,

Naba 32:3

“Ka namono biꞌo Astarot, Dibon, Jasea, Nemra, Hesbon, Eleale, Sebam, Nebo, nei Beon teke uludi Lord malada tahati tekura, thofno keli fara maladi glepo te tautagu igre, eghuteuna iagho jaola laseni te au nomi kmana buluka, sipu, nei nanigot teu ghehati gre.

Ululahu Jone 2:16

Igre glepo diꞌa ka nauthoglu igne: magnahaghei glepo diꞌa te keli tagna thini, magnahaghei glepo diꞌa te filoni ka tatha, nei fahaehaghedi fara eidi glepo te au tada. Nu glepo igre funudi ka puhigna nauthoglu igne, theome funudi ka God Mama.

Profet Maeka 7:14

Lord, ghehati nou naikno iagho eigna iagho neke vahi ghami. Iagho reireghi fakeli ghami jateula nou sipu iagho eghu. Neuba ghehati ne nou sipu iagho ne au mata, nu glose te au famane buburu au faligoho ghami ghehati. Eghume, ghehati tore nigho iagho te mala snakre ghami ghehati nou sipu te gnafa gre mala ghamu ka famane buburu Besan nei Gilead, jateula nou sipu iagho teke ghamu tagna tifa ra eghu.

Profet Jeremaea 50:19

Nu iara ginauna nake atha fapulo nogu naiknodi Israel igre ka nodi thofno namono na. Mare ginauna na jateula sipu te au ka vido aheva te au famane buburu ra eghu. Sipu igre ginauna ghamu buburu te karha ka Thogele Kamel, nei ka gukhu Besan. Eghuteuna ka thogele ka phei nohi Efrem ghe Gilead, rehati ginauna ghamu ghilei boho fakeli.

Fapea Samuel 24:5

Mare tei ne kasa ka khoꞌu Jordan, eghuteuna mare tei ne fufunu ka namono Aroa fari hotei glogu biꞌo ka nohi Gad. Funu jare mare tei ne salaꞌu ke raru namono Jasa.

Josua 13:25

Nohi igne tei posa ka namono Jasea eghuteuna tei thoke ka namono te gnafa ke lamnagna nohi Gilead, vido glose te nogna mae Amon na doglo tei posa ka namono Aroa ke maghati Raba, au ke lamna glose igne.

Naba 32:26

Eghuteuna khetomi, thumi nei nomi glepo te tautagu teu ghehatire, ginauna au kolho ka nohi Gilead.

Eksodas 12:38

Kmana naikno la ngau ka keha vike te theome naiknodi Israel re ne jaola ne tei baludi. Eghuteuna mare ne jaola ne atha baludi kmana buluka, sipu nei nanigot.

Jenesis 47:4

Ghehati magnahaghei te mei au katha vido kmoꞌei kolho ka kantri igne, naugna vido te rofo igne la thono diꞌa fara ka ghehati Kenan, eghuteuna jare na theo kaisei buburu te mala ghamudi nomi sipu ghehati gre eghu. Eghume te keli teu iagho na, snakre ghami mala au soru ghehati ke lamnagna nohi Geson.”

Jenesis 29:32

Gognaro na Lea ne au kaisei thugna nalhaꞌu. Eghuteuna Lea ne cheke eghu, “Lord la filonihi nogu diꞌanagnafa iara na. Eghume gognaro na khetogu iara gne ginauna nake magnahaghei ghau iara.” Aonu naꞌa ne kiloni nanghagna thugna ulu lahu na Ruben. Gaoghathogna nangha Ruben teu igne, “Lord ne filoni nogu diꞌanagnafa iara na.”

Jenesis 13:5

Ka narane tuare mae Lot ne tei balugna mae Ebram. Mae Lot gne jaola au nogna kmana sipu, buluka nei naikno kmana eghu balugna.

Naba 32:2

Aonu mare ne tei filodi mae Moses ghe mae pris Eleasa nei keha mae lida teure ne cheke eghu ka mare,

Diutronomi 33:21

Ghotilo vavahi vido glose te keli te magnahagheni themi na. Ghotilo hata vido glose te nabadi mae biꞌo. Eghuteuna kate mei loku fodu nodi lida naiknodi Israel re, ghotilo leghudi nogna famane vetula nei nogna cheke teu Lord re.

Josua 22:9

Soldia ka vikegna Ruben, nei ka vikegna Gad, nei ka vikegna Manase teu igre neke pulo ka nodi namonore. Mare jifla kokodi kheradire mala au faleghu ka namono Saelo jare Kenan, mala ke figri ka namono biꞌo Gilead aheva te thofno khotogna mare na, leghuni unha teke chekeni Lord ka Moses tifa.

Jajis 5:16

Nu naugna unha site gnokro teu kolho baludi sipu te fanomho kolho ka mae ihei te ifu ka phoposa gnea? Keha ka vikegna Ruben igre au phei gaoghatho, naugna igne mare theome tangomana te mei na.

Profet Jeremaea 22:6

Lord ne cheke eigna nogna suga mae king gna Juda. Mana ne cheke eghu: “Suga igne thono famane fara jateula namono Gilead nei Thogele Lebanon teura eghu. Nu neuba, iagho ginauna na jateula namono nagou te theome au kaisei naikno tagnara eghu.

Josua 22:13

Nu mare ne kuruni Pris Finehas mala tei Gilead mala kulu tei filodi mae kheradi te eni olta igne. Eliesa kmagna Finehas igne te pris biꞌo ka narane tuare.

Fapea Samuel 24:6

Mare ne tei Gilead, ke leghu mare ne tei Kades ka nodi kantri mae Hit. Aonu mare ne tei ka phei namono Dan ghe Jagon, eghuteuna mare figri neke tei ke mosu ka namono Saedon.

Ululahu Kronikols 4:41

Nu ka narane te king mae Hesekaea Juda igre, hatimare mae biꞌore tei ka nohi rhegna Gedoa igne ne goigoni nodi suga vikedi mae Ham ghe mae Meumu te au ka nohi tuana. Mare ne aknu falehe naiknore ne horo nodi suga jare naugna jare na ne au kmana gano maladi nodi sipu re.

Profet Jeremaea 8:22

Kmana meresin au ka nohi Gilead, eghuteuna mae dokta aula jare. Eghume, naugna unha si nogu naikno iara igre te theome keli grea?

Profet Jeremaea 48:32

Iara ginauna kokhonidi nei tanhidi eghu naikno te au ka namono Sibma ke tulaodi te tanhini iara namono Jasa ka nohi Amon. Namono Sibma igne kaisei famane namono fara, jateula gaju grep te kotu te brahu fara gregegna ra eghu. Tutuani, keha gregere brahu tei kasa ka Thongna Lehe eghuteuna kehare tei posa Jasa. Nu mae naokare ginauna mei goigonidi nomi nagare grep ghotilo are mala theome tangomana ghotilo te atha kaisei gano tadi re.