Naba 31:8 - Buka Blahi Ka Cheke Holo

⁸ Eghuteuna mare jaola ne falehedi glima nodi king maedi Midian re. Nanghadi mae king re igre: Mae king Evi, mae king Rekem, mae king Sua, mae king Hua, nei mae king Reba. Mare jaola ne faleheni mae Balam, thugna mae Beo na.

Naba 31:8 ပူးပေါင်းရင်းမြစ်များ

Naba 25:15

Eghuteuna nanghagna gaꞌase igne na Kosbi thugna mae Sua, kaisei mae biꞌo ka kokhologna mae Midian.

Thakle 2:14

Nu kaisei glepo langau te theome magnahagheni iara ka ghotilo na. Keha naikno ka ghotilo re leghuni nogna farirhiu mae Belam. Tifa na mana neke farirhiuni mae King Balak mala chaichaghidi naiknodi Israel re, naugna mana magnahaghedi naiknore te tapla jafra ka nakhibo. Mana farirhiudi mala ghamu gano teke fafara ka mumuju na, eghuteuna batudi kau puhi gnognoro.

Letas Teke Rioriso Mae Jud 1:11

Puhi biꞌo fara na thokei mei ka mare! Eigna mare ne leghuni puhigna mae Kein tifa ia. Eghuteuna mare jateula mae Belam eigna mare magnahaghei hata sileni fara kate toutonu chaghi na. Mare huhughuni God jateula mae Kora teke huhughuni God tifa ia eghu. Mare ginauna jateula mana eghu mala lehe.

Thakle 19:20

Nu kate magra na, mae ihei te saghe ka hose vegha na igne ne hata bosu na, balugna mae profet chaichaghi na. Mae profet chaichaghi igne mana neke eꞌei kofubobhoi ke ulugna bosu na tifa. Eghuteuna ka puhi igne mana chaichaghidi fara naiknore teke hata mare fagaglana gna bosu na nei pogho soru ka mumuju gna na. Aonu mae profet chaichaghi ghe bosu gre karha neu ne koko lao mare ka kholo khaꞌaghi te ngire ka thina te ngaja na.

Fapea Pita 2:15

Mae velepuhi chaichaghi igre la snivihi ka nabrou te doglo na, eghuteuna mare la tei ihohi, eigna mare leghuni puhigna mae Belam, thugna mae Beo. Mae Belam tifa na neke magnahaghei sileni fara, neuba mana tangomana te hata ka puhi te theome doglo.

Nodi Khoje Hatimare Mae Jiu 10:2

Naikno te diꞌa gre mare neke dokha khora mala snoꞌo naikno te kuma gre neku. Nu iara magnahaghei nigho te snakre laodi ka khora tuare mala snoꞌo thedi. Naugna mare ne fahaehaghe fara ne ngolhi tafridi naikno te kuma re.

Nodi Khoje Hatimare Mae Jiu 9:16

Lord ne falalase puhigna te doglo na kate fatedi mana naiknore. Naikno te diꞌare ne eꞌei puhi mala goigonidi keha naiknore, nu glepo igre nake figri nake goigonidi kolho thedi.

Naba 25:18

naugna mare ne chaghi ghami ghotilo ne maimanihini god Baal, nei jaola chaghi ghami ghotilo ka gaꞌase Kosbi teke falehe mae pris ka narane teke thoke ghami khabru ghotilo jare Peo ia.”

Naba 24:25

Aonu mae Balam kegra haghe neke pulo ka nogna namono na. Eghuteuna mae Balak jaola ne tei nogna.

Naba 22:10

Nu mae Balam ne cheke eghu, “Mae igre neke mei funudi Moab. Mae king Balak teke kuru meidi mae igre balugna nonomho igne:

Naba 22:4

Aonu naiknodi Moab gre ne cheke eghu ka mae lidadi Midian re, “Tore, naikno igre thono kmana fara, eghuteuna theome raugha mare ginauna goigoni noda namono tahati gre, jateula buluka te ghamu fahui buburu ra eghu.” Eghume mae Balak mae ihei te king teu Moab ka vido tuana,

Naba 24:14

Gognaro na iara nake pulo ka nogu naiknore. Nu iara na kulu cheke ka iagho unha nate eni naiknodi Israel gre ka nou naikno iaghore ginauna.”

Naba 31:9

Maedi Israel ne lolhokudi goro gaꞌasedi Midian baludi thudi teure. Eghuteuna mare jaola ne atha nodi buluka, sipu, nei nodi gobigna lepo te keli mare re.

Naba 31:16

Goro gaꞌase igre site leghuni koba nogna cheke mae Balam ia! Eghuteuna reꞌe ngala te chaghidi noda mae nalhaꞌu tahati gre te rikhani Lord te leghuni god Baal-Peo igne! Ka puhi tugne site mei khabru te diꞌa igre ka tahati nogna naikno Lord grea!

Profet Habaku 3:7

Lord, iara filodi naiknodi ka kantri Kusan igre mhaghu nodi fara, eghuteuna naiknodi Midian igre fififri fara.

Naba 22:5

ne fatei kaisei nonomho ka mae profet Balam, thugna mae Beo jare ka namono Petoa, rhegna Khoꞌu biꞌo Iufretis. Nonomho igne ne cheke eghu agne, “Iara magnahaghei nigho iagho te laseni eigna kaisei vike biꞌo neke jifla mei funu Ijep. Mare mei au rhegu iara, eghuteuna mare la khotodi hila namono te gnafa re.

Naba 23:10

Naiknodi Israel gre thono kmana fara, theo kaisei tangomana te kahadire. Tutuani, vikegna mae Jekob na jateula gaughavu glose, theo kaisei tangomana te kahadire eghu. Kate thokeni iara narane leghu lahu na, keli fara jame nakarhagu iara na te jateula nakarhadi naikno te doglo ka tathagna God teuna. Uve, lisa ghau mala lehe ka pharikeli jateula naikno te doglo ra eghu.”

Proveb 11:3

Naikno te doglo na leghuni kolho puhi te doglo na. Nu naikno te chaichaghi na goigonini thegna ka puhi te chaichaghi na.

Proveb 13:17

Jame mae funei na kuru teini kaisei mae te lase cheke diꞌa na, mana tangomana te eni puhi te biꞌo na. Nu mae te doglo koba nogna chekere, mana toghodi naiknore mala au ka pharikeli.