Naba 31:3 - Buka Blahi Ka Cheke Holo

³ Aonu mae Moses ne cheke eghu ka naiknore, “Ghotilo ginau kaikaliti nomi glepo mala magra re mala tei magra ka naiknodi Midian, eghuteuna Lord ginauna paradi mare ka unha teke edi mare re.

Naba 31:3 ပူးပေါင်းရင်းမြစ်များ

Levitikas 26:25

Iara ginauna snakreni magra biꞌo na mala roꞌeni nomi vido ghotilo na, mala para ghami ghotilo naugna ghotilo ne huhughuni nhaꞌa cheke teke eni iara balumi ghotilo ia. Eghuteuna jame te rikha te tei poru ghotilo ka vido keli ka nomi namonore, iara ginauna kuru ari thua nafnata fogra mala thoke ghami ghotilo, eghuteuna iara ginauna snakre lao ghami ghotilo ka khamedi nomi naoka ghotilo re.

Profet Jeremaea 46:10

Nu neuba mare ne tarabana eghu ngau, tuana nogna narane mala fate Lord, mae ihei te au nolaghi fateote'o. Ka narane tuana, mana ginauna nake tughu fapulo glepo te diꞌa fateote'o teke edi mae naokara. Nogna naflahi biꞌo mala magra mana na ginauna na jateula nasava eghu ghamudi mare boho, nei koꞌu fahui dadaradi re eghu. Lord mae ihei te au nolaghi fateote'o igne ginauna goigonidi mare ke raru Khoꞌu biꞌo Iufretis, jateula kaisei fafara biꞌo te mala ei gaghamu te mala kafe ghamu naiknora eghu.

Fapea Kings 10:30

Lord ne cheke eghu ka mae Jehu, “Iagho la edihi gobigna lepo teke magnahaghedi iara ka vikegna mae King Ehab ra. Eghume, iara nhaꞌa cheke ka iagho, fati mae ka vikemu iagho gre tei thoke ka fafati phagusu na ginauna kegra King Israel.”

Fapea Kings 9:7

Iagho mala roꞌeni nou King Joram, nei iheire te gnafa ka vikegna mae Ehab, naugna tifa na Kuin Jesebel neke aknu falehedi mae profet nei keha nogu mae gloku iara ra. Ka puhi igne, iara ginauna nake tughu fapulo puhigna naꞌa te diꞌa ra.

Jajis 5:23

Engel nogna Lord na ne cheke eghu, ‘Puhi biꞌo na thokedi naiknodi Meiros. God ginauna paradi naiknodi Meiros, naugna mare ne theome magnahaghei te toghodi nogna soldia Lord ka magra.’

Jajis 5:2

“Kilo fnaknoni Lord! “Noda mae mala baubatu tahati ra kegra haghe mala magra, eghuteuna tahati te gnafa na glealeꞌa mala leghudi mare ka magra.

Naba 25:13

Nogu nhaꞌa cheke iara na igne, mana nei iheire naikno te ginau karha mei ka tharaknagna mana re, mare ginauna na mae pris fabrahu. Iara eni nhaꞌa cheke igne naugna mana ne tirognadi keha god are ne ghatho tahu ghau iara, te nogna God na. Eghuteuna mana eni igne mala atha koko nakhibomi ghotilore.”

Naba 25:11

“Mae pris Finehas, thugna mae pris Eleasa mae thugna Eron igne, ne fagnafani teke diꞌatagu iara ka ghotilo naiknomi Israel. Mana eni tuana, naugna mana ne ghatho tahu ghau iara nei mana jaola diꞌatagna fara ka nafnata puhi te fadiꞌani mare nanghagu iara na. Tuana site theome goigoni ghami ghotilo iara gnea.

Eksodas 17:16

Mae Moses ne cheke eghu, “Iara nhaꞌa cheke, Lord ginau na magra fabrahu baludi hatimare mae Amalek gre tifa e tifa.”

Profet Jeremaea 50:28

Profet ne cheke eghu, “Fanomho mei ka kherada teke tei au Babilonia teke la pulo mei Jerusalem igre. Te chekeni mare na noda Lord God tahati igne kela tughu fapulo glepo te diꞌa teke edi naiknodi Babilonia ka nogna Sugablahi mana ra.”

Naba 31:4

Tahati ginauna vahidi keha nabotho phei thogha mae, kaisei thogha mae eghu tei ka vike te gnafa tahati igre mala tei ka magra.”