Naba 31:15 - Buka Blahi Ka Cheke Holo

¹⁵ Aonu mana ne cheke eghu ka mare, “Tore! Ne unha ne theome falehedi si ghotilo goro gaꞌase igrea?

Naba 31:15 ပူးပေါင်းရင်းမြစ်များ

Ululahu Samuel 15:3

Ghotilo tei magra ka mare, eghuteuna ghotilo mala goigoni fahui nodi gobigna lepo mare are, eghuteuna thosei lisa faleghu kaisei glepo. Eghuteuna ghotilo mala kafe aknu falehe mae nalhaꞌu baludi goro gaꞌase, goro sua, nei goro sua gegeꞌe. Eghuteuna ghotilo mala jaola aknu falehe nodi buluka, sipu, kamel, nei nodi dongki teu mare re. Gobigna lepo igre mala jateula fafara eghu mala tusu lao ka Lord.’ ”

Profet Jeremaea 48:10

“Puhi biꞌo ginau thokedi iheire te theome eni unha te chekeni Lord na! Puhi biꞌo ginauna thokedi iheire te loku fapulo nogna naflahi mala magra na, naugna mare ne theome leghuni chekegna Lord na!

Diutronomi 2:34

Eghuteuna tahati neke uludi nodi namono mare re eghuteuna goigoni fahui nodi namono te gnafa mare igre. Eghuteuna tahati neke aknu falehe mae nalhaꞌu, nei goro gaꞌase nei goro thudi teu mare re. Ka narane igne, theo kaisei glepo te karha na ka namono igre.

Profet Esikiel 9:6

Ghotilo aknu falehe hui goro mae biꞌo, mae majaghani, goro gaꞌase majaghani, idodi te gnafa baludi thudi mare re. Nu ihei te au fagaglana ka greregna na, ghotilo thosei aknu falehedi. Ghotilo ginauna funu aknu falehe mei ka nogu Sugablahi iara gno.” Aonu, mare ne fufunu aknu falehe mae mala baubatu te au ke ulugna Sugablahi na.

Josua 11:14

Mare ne atha maladi thedi gobigna lepo te keli nei buluka eghu te magnahaghedi mare ka namono igne. Eghuteuna mare ne kafe falelehe ne gnafa naikno te gnafa te au ka namono igre.

Josua 10:40

Mae Josua ne magra heta fara ne uludi namono biꞌo te gnafa te au ka vido igne. Mana tapla faparidi ne gnafa hatimare mae king te au ka thogele ke holo, ka nohi ke mata Negev, ka fanukhu ke mosu, nei ka vido rhegna ke maghati khoꞌu Jordan. Mana aknu falehedi ne gnafa mae king te gnafa nei naikno te gnafa teu te au ka vido te gnafa igre. Mae Josua ne theome magnahaghei te karha kaisei na, naugna God nodi Lord maedi Israel igre neke chekehi ka mare.

Josua 8:25

Nabagna nabotho phei thogha naikno, gaꞌase nalhaꞌu ka namono Ai ne kafe lehe ka narane igne.

Josua 6:21

Mare ne thofno aknu falehe ne hui ka naflahi gaꞌase ba nalhaꞌu, mae majaghani, ba mae biꞌo, baludi buluka, sipu, nei dongki.

Diutronomi 20:13

Aonu kate snakre ghami ghotilo Lord nomi God te mala hata namono tuana na, ghotilo ginauna aknu falehe mae te gnafa ka namono tuana.

Naba 31:14

Nu kate filodi mare na, mae Moses ne thono diꞌatagna fara ka mae funeidi armi teke pulo mei funudi ka magra re.

Diutronomi 20:14

Nu ghotilo ginauna tangomana te hata goro gaꞌase, goro sua, buluka nei keha glepo eghu te au ka namono tuana. Ghotilo ginauna tangomana te tathaji nodi gobigna lepo nomi naoka ghotilo re, naugna Lord nomi God la tusu arihi ka ghotilo glepo igre.