Naba 30:6 - Buka Blahi Ka Cheke Holo

^6-7 “Jame kaisei gaꞌase majaghani tolaghi ke leghugna te nhaꞌa cheke ka Lord na. Eghuteuna jame te nomhini mae nalhaꞌu gne eigna nhaꞌa cheke igne, nu theome fapholai ka naꞌa, neubane ghathoni ba theome ghathoni neu naꞌa u nhaꞌa cheke igne na, naꞌa ginauna ediu ngala gobi lepo teke nhaꞌa cheke mala edi teku naꞌa re.

Naba 30:6 ပူးပေါင်းရင်းမြစ်များ

Nodi Khoje Hatimare Mae Jiu 56:12

God, iara ginauna na tusu ari ka iagho glepo teke nhaꞌa chekedi iara mala faꞌari ka iagho teku ra. Iara ginauna tusu ari ka iagho nogu namha na kate cheke fakeli nigho na.

Levitikas 5:4

Jame kaisei mae eni kaisei nafnata nhaꞌa cheke te fagoigoli ka nanghagu iara Lord na, nu mana neke theome kulu ghatho fakelini nhaꞌa cheke tuana eigna puhi teke eni mana na. Ke leghu na, mana filo glani glepo teke eni mana tuana. Eghume, neubane keli ba na diꞌa, mana nabagna te papara eigna.

Naba 30:5

Nu jame kmagna gaꞌase igne nomhini u nhaꞌa cheke igne, eghuteuna mana lhotini naꞌa te mala edi keha glepo teke nhaꞌa cheke mala edi teku naꞌa re, gaꞌase igne ginau theome tangomana te tathajini nhaꞌa cheke igne. Eghuteuna Lord ginauna hata fadelei nakhibogna naꞌa na, naugna kmagna na neke lhotini naꞌa.

Ululahu Samuel 1:11

Hana ne eni kaisei naꞌa cheke ne cheke eghu, “Lord iagho mae ihei te au nolaghi fateote'o. Kokhoni ghau iara. Filo meini puhi biꞌo te au ka iara igne. Ghatho mei ghau, those ghatho koko ghau! Jame te tusu mei iagho kaisei sua ka iara na, iara nhaꞌa cheke, iara ginauna nake tusu fapulo ka lagho, mala nou mae gloku iagho ka nakarha gna fateo na. Eghuteuna mala laseni naiknore mae igne mala nou mae gloku iagho, eghuteuna mare ginauna theome kuchi khaklagna na.”

Profet Jeremaea 44:19

Goro gaꞌasere jaola ne cheke eghu, “Kate horo bret te mala fafara na, ghehati horo jateula thotoghale gna Kuin gna Kligna igne eghu. Ghehati gahu insens nei tofa waen eghu mala pogho soru ka naꞌa. Eghuteuna khetomi ghehati gre lasenihi unha te eni ghehati na!”