Naba 30:12 - Buka Blahi Ka Cheke Holo

¹² Nu jame mae nalhaꞌu gne nomhini u nhaꞌa cheke igne, eghuteuna lhotini khetogna na te mala edi gloku re teuna, gaꞌase igne theome tangomana te tathajini u nhaꞌa cheke igne. Eghuteuna Lord ginauna hata fadelei nakhibogna naꞌa re, naugna nalhaꞌu na ne lhotini naꞌa.

Naba 30:12 ပူးပေါင်းရင်းမြစ်များ

Naba 30:8

Nu jame mae nalhaꞌu gne nomhini u nhaꞌa cheke igne, eghuteuna lhotini mana gaꞌase gne mala theome loku teuna, gaꞌase igne theome tangomana tathajini u nhaꞌa cheke igne. Eghuteuna Lord ginauna hata fadelei nakhibogna naꞌa re.

Ululahu Korin 11:3

Nu iara magnahaghe ghami ghotilo te mala lase fakelini eigna God na pha'ugna Kraes, eghuteuna Kraes na pha'ugna nalhaꞌu eghuteuna nalhaꞌu na pha'ugna khetogna na.

Naba 30:5

Nu jame kmagna gaꞌase igne nomhini u nhaꞌa cheke igne, eghuteuna mana lhotini naꞌa te mala edi keha glepo teke nhaꞌa cheke mala edi teku naꞌa re, gaꞌase igne ginau theome tangomana te tathajini nhaꞌa cheke igne. Eghuteuna Lord ginauna hata fadelei nakhibogna naꞌa na, naugna kmagna na neke lhotini naꞌa.

Naba 15:28

Eghuteuna mae pris ginauna tangomana eni fafara mala atha fadelei nakhibogna mana na ke ulugna Lord.

Naba 15:25

Aonu mae pris ginauna tarai nei ghusna ghau iara mala atha koko nakhibomi ghotilo re. Eghuteuna naugna te theome laseni te nakhibo thedire, ghotilo ginauna fafara mei kaisei buluka mala gna fafara te blahi na, eghuteuna jaola ke fafara mei nanigot mala ke doglo ghotilo ka tathagu iara na.

Naba 30:11

Eghuteuna mae nalhaꞌu na nomhini nhaꞌa cheke igne, nu theome fapholai ka naꞌa, gaꞌase igne ginauna ediu ngala gobi gna lepo teke nhaꞌa cheke mala edi teku naꞌa re.

Naba 30:13

Neubane edi ngau gaꞌase gne keha nafnata nhaꞌa cheke re, nalhaꞌu gne au nolaghi te lisani te mala edi naꞌa nogna nhaꞌa cheke re, ba theo teuna.

Profet Jeremaea 44:17

Ghehati ginauna edi gobigna lepo igre jateula teke chekedihi ghehati ra eghu. Ghehati ginauna gahu insens nei tarai eghu ka god gaꞌase Kuin gna Kligna igne. Eghuteuna ghehati ginauna tofa waen fabrahu ka naꞌa, jateula teke edi kuꞌemi, nomi king, nei nomi mae mala baubatura. Mare neke edi glepo igre ka namono te gnafa agne Juda nei Jerusalem. Ka narane tuare tahati neke au gheda kmana gano neke au fakeli noda neke theome thoke ghita kaisei puhi biꞌo.

Ululahu Samuel 1:23

Mae Elikana ne cheke eghu, “Keliu kolho, leghuni unha te doglo ka gaoghathomu iagho na, au agne ghilei biꞌo sua na. Lord ginauna loku famaku ka nogna nhaꞌa cheke na mala horoghoto ka iagho.” Aonu Hana au neu Rama ne tajini neu thugna na.

Profet Jeremaea 44:19

Goro gaꞌasere jaola ne cheke eghu, “Kate horo bret te mala fafara na, ghehati horo jateula thotoghale gna Kuin gna Kligna igne eghu. Ghehati gahu insens nei tofa waen eghu mala pogho soru ka naꞌa. Eghuteuna khetomi ghehati gre lasenihi unha te eni ghehati na!”