Naba 3:9 - Buka Blahi Ka Cheke Holo

⁹ Eghume iagho ginauna snakre lao mae Livaet gre ka mae Eron nei thugna ra mala toghodi ka gloku blahi na.

Naba 3:9 ပူးပေါင်းရင်းမြစ်များ

Naba 8:19

Eghuteuna iara ginauna falaodi mare ka mae pris Eron phei thugna mana re mala toghodi thilomare. Mare kolho te tangomana loku ka Suga Thapuale te blahi igne malami ghotilo na. Ka puhi te tughu ghami ghotilo gnafa igne, ghotilo ginauna theome thoke ghami hoholo. Nu jame kaisei naikno ka keha vikei te mei namo rhegna suga thapuale igne mana ginauna lehe.”

Efesus 4:11

Eghuteuna Jisas mae ihei teke tusu mei ka tahati u khokofakasai te mala loku ranghini God. Mana neke vavahi keha mae mala khuru, keha mae mala profet, keha mae mala toutonu eigna Nonomho te Keli, keha mae mala velepuhi nei reireghini nogna khiloau na.

Efesus 4:8

Naugna igne grioriso te blahi na ne cheke eghu agne, “Kate haghe kligna ka thofno namono na, mana na sesekai kmana naikno balugna. Eghuteuna tusu lao khokofakasai ka naiknore.”

Naba 3:8

Leuleghu fata na mare mala fiofilodi gobi lepo te au ka nogu Suga Tapuale te blahi iara na, eghuteuna ghotilo jaola edi gloku teke chekedi iara ra eghu.

Naba 8:16

Tutuani, igne mala eghu ngala naugna mae Livae gre teke tughudi mae sua nalhaꞌu teke kulu karha Israel re, eghuteuna ghotilo lisa meidi mare ka iara mala atha mala nogu iara.

Naba 16:9

God gna Israel na neke vahi ghami ghotilo hi ka keha vikegna Israel igre mala tangomana ghotilo te loku ke lamnagna Sugablahi igne, eghuteuna jaola tangomana te edi keha gloku mala togho ghami ghehati mala maimanihini God. Ne glepo ikoi kolho eghu si ghotilo gnea?

Naba 8:14

Ka puhi igne, iagho tangomana te fofota mae ka vikegna Livae gre ka naiknodi Israel gre, eghuteuna fablahidi mare malagu iara.

Naba 8:18

Nu gognarona, iara na athadi vikegna mae Livae gre mala tughudi mae sua teke kulu karha Israel igre.

Naba 18:2

Mae kheramu iagho, mae Livaet gre nate togho nigho iagho kate loku iagho baludi thumure ke ulugna Suga Tapuale te blahi na.

Ululahu Kronikols 6:33

Igre mae te mala hulu khoje re: Mae Heman, mae ihei teke karha ka vikegna mae Kohat. Eghuteuna susureigna mana na neke funu mei ka kmagna mae Joel, thugna mae Samuel. Mae Samuel gne neke thugna mae Elkana. Mae Elkana gne neke thugna mae Jeroham. Mae Jeroham gne neke thugna mae Eliel. Mae Eliel gne neke thugna mae Toha. Mae Toha gne neke thugna mae Suf. Mae Suf gne neke thugna mae Elkana. Mae Elkana gne neke thugna mae Mahat. Mae Mahat gne neke thugna mae Amasaea. Mae Amasaea gne neke thugna mae Elkana. Mae Elkana gne neke thugna mae Joel. Mae Joel gne neke thugna mae Asaraea. Mae Asaraea gne neke thugna mae Sefanaea. Mae Sefanaea gne neke thugna mae Tahat. Mae Tahat gne neke thugna mae Asiri. Mae Asiri gne neke thugna mae Ebiasaf. Mae Ebiasaf gne neke thugna mae Kora. Mae Kora gne neke thugna mae Isaha. Mae Isaha gne neke thugna mae Kohat. Mae Kohat gne neke thugna mae Livae. Eghuteuna mae Livae gne neke thugna mae Israel.

Ululahu Kronikols 15:2

Aonu mana ne cheke eghu, “Hatimare mae Livaet kolho te au nodi nolaghi te mala palagna nogna Bokis Blahi God na, naugna Lord neke vahidi mare te mala pala na, nei mala loku ranghini mana.”

Esra 2:43

Mae Livaet te loku ka Sugablahi na, mae igre neke karha mei ka tharaknadi mae Siha, nei mae Hasufa, nei mae Tabaot,

Esra 6:18

Ka narane tuana, mare ne fablahidi mae pris nei mae Livaet mala loku ka nogna Sugablahi Lord igne Jerusalem, leghuni unha te chekeni ka nogna buka mae Moses.

Esra 8:20

Mare jaola kuru meidi keha phei gobi varadaki mae mala mei balumi ghehati. Mae igre au ka tothoghei vavahi King Devet baludi nogna mae biꞌore tifa ra mala toghodi hatimare mae Livaet mala loku ka Sugablahi na. Eghuteuna phia gobi varadaki mae igre nanghadi re au ka kaisei thura.