Naba 3:40 - Buka Blahi Ka Cheke Holo

^40-41 Lord ne cheke eghu ka mae Moses, “Tifa na thumi nalhaꞌu ghotilo teke kulu karha ra neke blahi nei nogu iara. Nu gognaro na, mae ka vikegna Livae gre teke tughudi mare na. Nodi glepo tautagu vikegna mae Livae are jaola nogu iara. Eghume glepo tuare mala ke tughudi teke nodi glepo vikegna Israel re. Nu iagho ginauna kahadi nei riso soru nanghadi mae sua nalhaꞌu te vuha ka kaisei nhigra te haghe are. Iara Lord te chekeni igne.”

Naba 3:40 ပူးပေါင်းရင်းမြစ်များ

Naba 3:15

“Iagho ginauna kaha mae nalhaꞌu ka vikegna mae Livae, leghudi kokholo te gnafa nei thabukna te gnafa teu are, nu iagho ginau vuha kakaha ka mae sua nalhaꞌu te kaisei nhigra te haghe teu finogha dire are.”

Thakle 14:4

Mae igre neke theome eni kaisei nakhibo jateula iheire te gnognoro. Nu mare au klino nodi fabrahu. Mare leghuni Lam fabrahu ka namono te gnafa aheva te tei mana na. God neke foli fajifladi ka naiknogna nauthoglu gne, mala thofno naikno malagna thegna nei malagna Lam.

Thakle 3:5

Iheire te leghu ghau iara fabrahu te ghilei lehe na, mare ginauna pipichi pohe vegha. Eghuteuna iara ginauna theome hata koko nanghadi teke rioriso ka nogu buka iara na. Iheire te au nanghadi ka nogu buka iara na igre na au fabrahu tifa tifa. Eghuteuna iara ginauna chekeni ke ulugna mae Mama nei ke uludi nogna engel mana re, ‘Naikno igre thofno nogu iara tutuani.’

Hibru 12:23

Ghotilo mei mala salo fodu nei gleale'a eghu baludi bukrei naikno fatutuani gre. God ghatho tahudi jateula goro thugna teke karha ulu lahu. Nanghadire la riso soruhi ka buka kligna. Ghotilo mei ka God, mae ihei nate fatedi naikno te gnafare. Eghuteuna ghotilo mei ka naikno te keli tela lehehi nu iheire God teke faklinodi.

Fapea Timoti 2:19

Nu neuba ngau, God na la liliseihi thina biꞌo na ke pari gringni ka khiloau gne, eghuteuna thina igre ginauna kegra maku fabrahu. Cheke teke risoni mare ka thina igre cheke eghu, “Lord God lasedi iheire te thofno nogna mana re”, nei keha cheke na jaola cheke eghu, “Ihei te chekeni, ‘Iara nogna Lord God’ teuna, thosei eni kaisei puhi te diꞌa.”

Filipae 4:3

Iara jaola tore nigho iagho thofno mae kheragu te keli ia mala toghodi repa ka puhi igne. Naugna repa igre loku heta balugu iara mala toutonuni u Nonomho te Keli eigna mae Jisas Kraes. Repa jaola loku heta balugna mae Klement nei baludi keha nogu mae gloku iara gre. God la kulu riorisohi nanghadire ka nogna buka na. U buka tuana kafe au nanghadi naikno nate athini u karha fei tifa na.

Luku 10:20

Nu ghotilo thosei gleale'a, naugna te leghu ghami naiture, nu ghotilo gleale'a naugna God na la riorisohi nanghami ghotilo re kligna.”

Profet Isaia 4:3

Naikno te karha teu Jerusalem igre Lord neke kilodi nogna naiknore, naikno blahi. Eghuteuna mana riorisohi nanghadire ka nogna buka na.

Nodi Khoje Hatimare Mae Jiu 87:6

Lord ginau rioriso soru ka buka nanghadi keha vikere mala kaha fodu baludi naiknodi Jerusalem.

Naba 3:45

“Gognaro na, iagho na athadi vikegna Livae gre mala nogu iara. Mare mala ke tughudi thumi nalhaꞌu ghotilo teke kulu karha ka naiknodi Israel are. Eghuteuna gobi lepo te tautagu nogna vikegna mae Livae are, jaola nogu iara. Glepo tuare mala ke tughudi gobigna lepo teke kulu karha ka vike tuare. Iara Lord te chekeni igne.

Naba 3:12

“Vuha gognaro, iara ginauna athadi vikegna Livae gre mala nogu naikno iara. Uve, vikegna Livae gre nogu naikno blahi iara naugna naikno igre mala ke tughudi mae sua nalhaꞌu teke kulu karha ka naiknodi Israel ra.