Naba 3:38 - Buka Blahi Ka Cheke Holo

³⁸ Moses balugna mae pris Eron nei phei thugna teure kolho te mala edi haghe nodi suga thapuale re ke ulugna nogna Suga Tapuale te blahi Lord na file maghati. Mare kolho te edi keha fafara ranghidi naiknodi Israel ka suga tapuale na nei tangomana fiofilodi gobigna lepo te au ke lamna re. Eghuteuna mae ihei nga na mei ka vido blahi tuana nu, ghotilo ginauna faleheni mae tuana.

Naba 3:38 ပူးပေါင်းရင်းမြစ်များ

Naba 3:10

Mae Eron baludi thugna re eghu kolho te mala loku jateula mae pris teuna. Jame keha mae delei te mei lamna ka vido blahi igne na, ghotilo ginauna faleheni mae tuana eghu.”

Naba 1:53

Nu vikegna mae Livae gne te mala au faligohoni Suga Thapuale te Blahi igne, mala fiofiloni nei reireghini eghu, mala theome tangomana kaisei naikno te mei goigonini na. Ka puhi igne, iara ginauna theome diꞌatagu ka naiknodi Israel.”

Naba 2:3

Mae ka vikegna Juda, vikegna Isaka, nei vikegna mae Sebulun re mala edi haghe nodi suga thapuale re file maghati, baludi nodi flagi re. Mare mala au ka nodi kokholo thedire, baludi mae nodi lida na. Ka vikegna Juda, mae lida mare na mae Nason, thugna mae Aminadab. Khaputudi mare re ne thokei fitu salei fati thogha namno gobi. Eghuteuna vikegna Isaka re mala au rhedi vikegna mae Juda. Eghuteuna mae lida ka vikegna mae Isaka re mae Netanel, thugna mae Sua. Khaputudi mare te gnafa na thokei glimafulu fati thogha fati gobi. Ka keha phile na, vikegna Sebulun te mala au tagna na. Eghuteuna mae lida mare na mae Ehab, thugna mae Helon. Khaputudi mare te gnafa na ne thokei glimafulu fitui thogha fati gobi.

Naba 3:35

Eghuteuna mae lida ka vikegna mae Merari na mae Suriel, thugna mae Abihael. Mare mala edi haghe nodi suga tapuale re rhegna Suga Thapuale te blahi na ke file raru.

Naba 3:29

Eghuteuna mare tangomana te edi haghe nodi suga tapuale thedire ke gerigna Suga Tapuale te blahi igne ke file mata.

Naba 3:23

Mare tangomana te edi haghe nodi suga tapuale re ke leghugna Suga Thapuale te blahi ke file mosu.

Naba 3:37

Eghuteuna mare jaola mala reireghidi khegradi vido glalaba te bara faligohoni Sugablahi na baludi keha nafnata khegra langau, nei keha glepo te mala famamhakugna bara nei gnarho dire eghu.

Ululahu Kronikols 23:32

Ulu lahu na, nodi gloku mae Livaet gre mala fiofiloni nogna Suga Tapuale te Blahi Lord, eghuteuna ke leghu na mare mala loku ka nogna Sugablahi Lord nei mala toghodi mae pris ka tharaknagna mae Eron.