Naba 3:37 - Buka Blahi Ka Cheke Holo

³⁷ Eghuteuna mare jaola mala reireghidi khegradi vido glalaba te bara faligohoni Sugablahi na baludi keha nafnata khegra langau, nei keha glepo te mala famamhakugna bara nei gnarho dire eghu.

Naba 3:37 ပူးပေါင်းရင်းမြစ်များ

Naba 3:36

Nodi gloku mare na te loku ka keha gloku te au ka Suga Thapuale te blahi igne te mala loku nei reireghidi teu mare re. Jateula keha vido thaba te brahu mala togho hagheni Suga Tapuale te blahi, nei keha glepo te au ke lamnagna Suga Tapuale te blahi igne. Eghume gobigna gloku igre lisa lao ka khamedi mare.

Naba 3:38

Moses balugna mae pris Eron nei phei thugna teure kolho te mala edi haghe nodi suga thapuale re ke ulugna nogna Suga Tapuale te blahi Lord na file maghati. Mare kolho te edi keha fafara ranghidi naiknodi Israel ka suga tapuale na nei tangomana fiofilodi gobigna lepo te au ke lamna re. Eghuteuna mae ihei nga na mei ka vido blahi tuana nu, ghotilo ginauna faleheni mae tuana.

Eksodas 27:19

Eghuteuna mare atha bras mala horo peg mala tuge sukha lamna glose mala haru gnarho gna Suga Tapuale te Blahi nei gnarho gna bara na.

Naba 4:29

Lord ne cheke eghu ka mae Moses, “Iagho ginauna kafe kakaha gnafa mae ka vikegna mae Merari are. Iagho ginauna kaha leghudi tharakna te gnafa mare re,