Naba 3:13 - Buka Blahi Ka Cheke Holo

¹³ Tifa na, ka teke falelehe teke gnafa iara mae sua ululahu teke kulu karha ka naiknodi Ijep ra, iara neke kulu vahi fadeleihi mae sua nalhaꞌu teke kulu karha re baludi gobigna lepo teke karha Israel re mala nogu iara. Eghume mae sua nalhaꞌu te gnafa teke kulu karha Israel igre nogu iara. Iara Lord te chekeni igne.”

Naba 3:13 ပူးပေါင်းရင်းမြစ်များ

Luku 2:23

Te chekeni ka nogna vetula God na cheke eghu agne, “Sua nalhaꞌu ulu lahu re mala tusu ranghini God.”

Eksodas 13:12

Funu ka narane tuana te haghe na, ghotilo mala tusu lao thumi nalhaꞌu te gnafa nei sua nalhaꞌudi nomi sipu ba nanigot te gnafa teu teke kulu karha re mala nogna Lord.

Eksodas 13:2

“Goro masitei teke kulu karha ka ghotilo mae Israel are nei unha teke kulu karha ka nomi buluka ba sipu teu ghotilo are eghu mala nogu iara.”

Levitikas 27:26

“Goro sua te kulu karha ka nomi glepo tautagu ghotilo igre mala kafe nogu iara la gnafahi, eghume theo kaisei naikno tangomana te eni nhaꞌa cheke blahi na mala tusu mei ka iara Lord teke kulu karha igre. Neuba kaisei buluka, ba kaisei sipu, ba kaisei nanigot teke kulu karha igre, reꞌe te gnafa igre nogu iara.

Eksodas 13:15

Ulu lahu na mae king gna Ijep na neke maku fara nagnafagna na neke tirogna snakre tei ghami ghehati. Eghume Lord neke falelehe goro mae sitei nalhaꞌu teke kulu karha ka mae Ijep re neku, nei jaola ngau nodi sua sipu nei nanigot eghu teke kulu karha re neku. Eghume gognaro na ghehati fafara sua nalhaꞌudi sipu nei nanigot teu igre ka Lord. Nu gognaro na ghehati tangomana teke foli fapulo goro mae sua nalhaꞌudi Israel teke kulu karha re.’

Hibru 12:23

Ghotilo mei mala salo fodu nei gleale'a eghu baludi bukrei naikno fatutuani gre. God ghatho tahudi jateula goro thugna teke karha ulu lahu. Nanghadire la riso soruhi ka buka kligna. Ghotilo mei ka God, mae ihei nate fatedi naikno te gnafare. Eghuteuna ghotilo mei ka naikno te keli tela lehehi nu iheire God teke faklinodi.

Profet Esikiel 44:30

Gano saro ulu te hata ghotilo ka nomi nagare are, eghuteuna gano hata te mei ghotilo are eghu maladi mae pris. Leuleghu fata na, ghotilo mala jaola tufa bret teke edi ghotilo ka flaoa saro ulura nodi mae pris, eghuteuna iara ginauna fablahidi tharaknami ghotilo are.

Naba 18:15

Eghuteuna mae sua nalhaꞌu te gnafa teke kulu karha, nei glepo te tautagu te gnafa teke kulu karha teu te mala tufa mei ka iara Lord teure, glepo tuare jaola nomi ghotilo. Nu iagho ginau snakredi mala foli fajifladi mae sua nalhaꞌu teke kulu karha, nei glepo te tautagu teu te theome klino ka tathagu iara re.

Eksodas 34:19

“Thumi nalhaꞌu te gnafa ghotilo teke kulu karha are nei nomi sua buluka nei sipu teu ghotilo te nalhaꞌudi are nogu iara.

Eksodas 22:29

“Ghotilo thosei thodo te atha wit nei oliv oel nei waen mala fafara ka iara. Thumi nalhaꞌu teke kulu karha ka ghotilo are, nei

Nehemaea 10:36

“Eghuteuna ghehati ginauna hata mei ka hatimare mae pris thumi nalhaꞌu teke kulu karha, nei buluka teke kulu karha, nei sipu teke kulu karha, nei nomi nanigot, mala fablahidi, leghuni unha te chekeni ka vetula na.

Naba 18:6

Iara ngala teke vahidi mae kheramu iagho, mae ka vikegna Livae gre. Iara ngala teke vahi fajifladi mare ka keha vikegna Israel are. Mare nogu iara, eghume iara tusu ari ka ghotilo mae pris mala togho ghami ghotilo nei mala edi nodi gloku mare ka Suga Thapuale te blahi igne.

Naba 33:4

Ka narane tuana, naiknodi Ijep gre ne giugilu mae thudi nalhaꞌu teke kulu karha teke falehe Lord mala paradi nodi god naiknodi Ijep ia.