Naba 3:10 - Buka Blahi Ka Cheke Holo

¹⁰ Mae Eron baludi thugna re eghu kolho te mala loku jateula mae pris teuna. Jame keha mae delei te mei lamna ka vido blahi igne na, ghotilo ginauna faleheni mae tuana eghu.”

Naba 3:10 ပူးပေါင်းရင်းမြစ်များ

Naba 3:38

Moses balugna mae pris Eron nei phei thugna teure kolho te mala edi haghe nodi suga thapuale re ke ulugna nogna Suga Tapuale te blahi Lord na file maghati. Mare kolho te edi keha fafara ranghidi naiknodi Israel ka suga tapuale na nei tangomana fiofilodi gobigna lepo te au ke lamna re. Eghuteuna mae ihei nga na mei ka vido blahi tuana nu, ghotilo ginauna faleheni mae tuana.

Letas Teke Riso Tei Mae Pol Ka Khiloau Rom 12:7

Jame te hata tahati u khokofakasai te mala toghodi naiknore, tahati mala toghodi naiknore. Jame te hata tahati u khokofakasai te mala farirhiu na, tahati mala farirhiu.

Naba 18:7

Nu iagho nei mae thumu iaghore eghu kolho te mala loku nei reireghidi teu glepo blahi ka olta nei glepo te au ka chogho te blahi na. Iara ginauna tufa ari keha glepo blahi ka nomi gloku ghotilo mae pris are, mala kaikalitidi ghotilo glepo blahi ka Suga Thapuale te blahi gne. Nu jame te mei namo keha mae te theo nogna nolaghi te mei rhegna glepo blahi igre na, ghotilo ginau faleheni mae tuana.”

Hibru 8:4

Jame au mae Jisas baluda ka nauthoglu igne meuna, mana ginauna theome loku jateula kaisei mae pris biꞌo eghu, naugna tahati auhi kmana mae pris ka vikegna mae Livae te mala fafara nei cheke fakelini God teuna, jateula te chekeni ka nogna vetula mae Moses.

Efesus 2:19

Eghume ghotilo iheire te theome Jiura, ghotilo theome jateula naikno te posa mei ka namono delei eghu. Theo. Ghotilo gognaro na kaisei vike baludi nogna naikno God, nei tharaknagna mana.

Profet Esikiel 44:8

Gloku jame teke edi kolho ghotilo ka nogu glepo blahi iara re, ghotilo snakredi mae phosa igre te mala edi re.

Naba 18:3

Mae ka vikegna Livae gre ginau loku ke parimu iagho, eghuteuna reireghini Suga Tapuale te blahi igne. Nu mare mala thosei tei namo ka olta mala fafara na, ba ka keha glepo blahi are. Jame te habo mare ka keha glepo tuare na, ghotilo te gnafa na ginauna kafe lehe.

Naba 16:35

Aonu Lord ne famei khaꞌaghi na ne nako fahui phei gobi glimafulu mae teke tufa insens.

Eksodas 29:9

balu nodi khepi mae pris. Iagho jaola atha nodi nhugha mare, mala fahaghe mae Eron baludi thugna manare. Igne puhi te mala leghuni iagho kate taofi pris Eron baludi thugna mana re. Ginauna vikegna Eron igre mala nogu pris iara fabrahu, eghuteuna leuleghu fata na mare ginauna mala loku ranghi ghau iara. “Nogu vetula iara igne ginauna au fabrahu na theo ka huigna.

Ululahu Kronikols 6:32

Kate tarai na mae igre te mala hulu khoje ka Sugagna Lord na. Mare eni gloku igne ka Suga Tapuale neke ghilei thoke mei narane te babana King Solomon nogna Sugablahi majaghani Lord na Jerusalem. Mae igre famane loku leghuni vetulagna nodi gloku na.

Fapea Samuel 6:7

Lord ne diꞌatagna fara ka mae Usa, naugna mana theo kaisei nogna nolaghi te mala loku ka Bokis Blahi igne. Aonu mae Usa lehe ne khoko soru pari rhegna Bokis Blahi na.

Ululahu Samuel 6:19

Ka narane tuana, Lord neke aknu falehe fitusalei maedi Bet-Semes naugna mare neke filo lamna ka nogna Bokis Blahi mana na. Eghuteuna naiknore ne diꞌanagnafadi fara ne tanhi ka glepo te ninhigrana te eni Lord igne.

Levitikas 22:10

“Ihei te theome tharakna gna pris na, mana theome tangomana te ghamu gano blahi na. Eghuteuna ihei teke sighoni kaisei pris, ba ihei loku ranghini kaisei pris, mana jaola theome tangomana te ghamu gano blahi na.

Naba 3:11

Lord ne cheke eghu ka mae Moses,

Naba 16:10

Mana neke faꞌari gloku igne ka iagho nei ka keha mae Livae are, nu gognaro na ghotilo magnahaghei fara te mae pris themi na!

Jajis 17:5

Maeka horo haghe kaisei vido blahi malagna nogna mumuju na, eghuteuna mana edi keha mumuju mala au ka suga, nei kaisei pohe blahi te kiloi efod. Eghuteuna mana fablahini kaisei thugna te mala pris gna nogna vido blahi na.

Diutronomi 18:5

Ghotilo eni igne naugna Lord neke vahi fadelei vikegna Livae igne ka keha vike ghotilo are. Tutuani, Lord neke vahi fadeleidi mare ka keha vikere mala loku ranghini mana fabrahu ka vido blahi na.

Ululahu Kings 12:31

King Jeroboam jaola ne horo kaisei Sugablahi ikoi ke kligna thogele mala tarai ka mumuju. Eghuteuna mana ne vavahi keha mae te theome vikegna mae Livae mala pris.

Nehemaea 6:11

Nu iara ne cheke eghu ka mana, “Iara theome nafnata naikno te mhaghu nei rikha me tei poru teura sia. Eghume iara theome naba te rikha te tei poru lamna ka nogna Sugablahi God na te mala fakarhini nakarhagu na. Theo fara.”